想問下E隻GAME有冇國戰之類GE法

moonman221

玩左3日E隻GAME 好似都冇咩國戰呀之類GE野
日日係到解任務同睇住D時間做佢D活動.......
感覺上, 唔係我玩遊戲, 係遊戲玩我咁.....
只係想知道之後有冇D值得玩落去GE活動?

raymond87690b

隻ＧＡＭＥ封頂之後其實好忙。。。

首要任務係賺魂幣。如果有公會基地可以做公會任務同領花紅。
如果無公會基地就可以做歷練任務
魂幣主要用黎沖裝備。。裝備可以沖上＋１２。。
（其實玩耐左你就會知道人物的數值主要來自裝備。。
　例子係７０級法師全裸，ＨＰ大約只有３０００。
　裝返所有裝備ＨＰ就過萬。。所以人物大部份能力值來自裝備
　而如果一隻鞋原本＋３０００ＨＰ。沖到＋１２一隻鞋可以＋７０００ＨＰ
　所以排第一位係賺魂幣，而魂幣係"無法交易"。所以日子有功　）

然後就係刷流光。所謂的"流光之地"。40級刷得，每日刷一次
獎勵係一粒晶石。擧例一粒+HP的晶石(叫"自然晶石") 1級只係+150HP
你可能覺得無乜用，但晶石可以強化。。５粒１級晶石合成１粒２級晶石
１級自然晶石＋１５０ＨＰ　２級＋３００ＨＰ　３級＋６００ＨＰ。。
強化到４級就＋１２００ＨＰ（５的３次方。要１２５粒自然晶石。）
如果全身８件裝備，每件裝一粒４級自然。你ＨＰ又多１００００。。

最後就係解封技能。由於遊戲６０級以後技能唔係向導師學。。而係要賺經驗黎解封。
所以封頂以後仲要繼續賺經驗黎學新技能。

另外遊戲仲有一樣最邪惡的野。。。名叫”精通抗性”
投資錢落去沖裝備。到一段時間之後又要換。。
而精通抗性就係將錢沖落去隻人物本身到，效率唔及沖裝備高。
而精通抗性唔要魂幣，而係要金幣，所以係比港幣戰士玩的玩意。。。
（由於每級要用的錢，同增加的數值都係倍數式上升。。
　基本上係無底深譚。。同時意味你可以成為新世界的神　 ）


最後Ｅ隻ＧＡＭＥ係無”對立國家”的慨念。。所以唔存在戰國。。。
只有公會戰同ＰＶＰ

公會戰基本上係可以幾百人一齊打，但無得傳送戰場。
就係全個大陸安全區以外的地方都可以打。但要兩個公會自己約時間地點。。。

另外ＰＶＰ有３Ｖ３同６Ｖ６。。港服好似未開放

其實可以話隻game本身慨念 公會 ＝ 國家。
到遊戲後期小公會就生存唔到。小公會慢慢合拼到最後伺服器淨返幾個大公會
大公會入面包含眾多小團體。。。
另外會有比"大公會"打的公會boss。。
大陸服有羽蛇，會１００％掉落６０級以上紫裝。。。
基本上打羽蛇係公會入面裝備最好的４－５個係前面打，其他除左加ｂｕｆｆ回血
全部留守外圍，因為其他大公會的一定會黎搶ｂｏｓｓ。。全伺服器限時只會出一隻。

[ 本帖最後由 raymond87690b 於 11-6-7 07:01 PM 編輯 ]

Ｌｉｖｅ

國戰玩FEZ啦 真係好正:P
依隻GAME好難做得長 始終升LV 你都識講 遊戲玩你 大家埋頭苦干升LV做咩