我係完全明白你地咩心情,因為你地玩左3年既心血冇晒
但試問而家邊隻GAME可以話KEEP到3年,而家D GAME,3,4個月都已經冇晒人氣,冇辦法營運就會執笠
講代理差,試問而家邊個代理會俾你地話好,雲起,黑橘,好多代理都俾人唱衰,你地話佢地真係營運得差,但我只能話營運遊戲果個唔係你地,因為你地只係玩果個
但代理差又點,你地都係一樣去玩,因為係你揀GAME唔係佢地迫你玩,因為GAME好玩,所以你去玩,唔係因為個代理想你玩
如果你係第一次玩GAME又玩到3年,恭喜你,而家除左某D好有深度GAME可以一直高人氣之外,基本上好多都係短炒(甚至可能唔應該去賴短炒,只係人認為短炒,係玩家唔認同呢套方針),甚至終生免費係連帶關係,因為商城制
但呢個問題又係邊個羅黎,咪又係玩家自己,諗住終生免費就以為好筍,跟住就話人扼錢,商城賣得貴
但係佢地根本就唔會諗住免費可以俾你威,如果個個都諗住免費,咁代理仲可以賺D乜?有錢既人又威到冇錢玩既人又威到,咁有錢既人玩黎做乜
佢地唯一只係可以賺你商城,唔係好似TVB咁可以係隻GAME入面賣廣告
人永遠想係人地到羅到最多野,但永遠唔會想人地係自己到拎到最多野,點解,因為唔少人都係自私既
每一個遊戲都有佢地既壽命,遊戲入面既野本身就係一文不值,但個問題係你地賦予佢既價值太多,同人類睇生命一樣總係有終結
一隻遊戲既人氣亦都係玩家賦予,越多人玩即係越多人對佢有興趣,相反亦然,如果一隻遊戲終結左時佢得到重生,而再次受到認同,我諗點都係對玩家有得益
而將來再生版本究竟多唔多人玩都係由玩家自己去賦予佢價值,一切都只能由答案睇得到,而我地根本無法預知答案
或者3個月後又汁左你就可以出黎串我,但3個月後仲好多人玩係咪我咁得閒出黎串你?
我只能說對你地深感遺憾,就好似雷曼事件咁,旁觀者最多只能深感遺憾,講得現實D係冷漠,但事實上真係事不關己
唔好以無常看有常,遊戲總有終結之時,反正將來你地大個左去回憶就會明白,當初執著既野可能不值一提
如果將來你不幸做左代理商既老闆,我都估你係想賺更玩家既錢,而唔係同玩家談談情說說愛
記住,你係揀遊戲,唔係佢迫你玩,你有你自由去講,但冇乜意思
反正簡單講就係支持既人會講支持既野,反對既人講反對既野,樂觀既人講野係樂觀D,悲觀既人講野悲觀D一樣
只係我會覺得你地好煩
[ 本帖最後由 clown1984 於 11-7-4 02:54 PM 編輯 ] |
發表於 11-7-4 02:21 PM
