AKB背後最嚴重既問題

Alextojun

AKB背後最嚴重既問題就係青黃不接
AKB48作為可以見面既偶像
在秋葉原既劇場開始擴展至全日本，甚至海外
在香港、台灣、巴黎等地都已經有過她們的足跡
近年唱片銷量節節上升
無論在音樂、電視還是電影
AKB48都積極開拓市場
成為日本藝能界既明日之星
樹立了國民偶像既形像
但其未來發展仍然有讓人擔憂既地方

肥秋作為AKB既負責人
曾經一手成立小貓俱樂部
呢個組合可以話係AKB既前身
小貓俱樂部係一年內既Oricon週榜
居然可以取得大半數既週榜冠軍位置
成績比依家既AKB更加強勁
但係咁強大既組合
壽命只有兩年咁大把
肥秋為左避免自己重蹈覆轍
係經營AKB上的確更加謹慎
雖然AKB依家係有聲有色
但細心留意就明白呢份風光
好大程度上依賴top既成員
60多人既組合
大部分焦點放哂係10多個前期既便成員身上
最明顯不過既就係前田敦子

前田敦子作為草創時期既成員
受到極大既重視
不單係AKB既必然選拔成員
既出演電視劇
又出演電影
甚至為其推出個人單曲
前田係大多數既單曲都係center
花君又係女主角
如果杜拉又係女主角
個人單曲既銷量甚至壓過部分AKB派生團體
肥秋用各種各樣既方式將前田帶入屋
其他成員呢？唔好話電影電視劇
連冠名節目都鮮有亮相
試問大家有幾何會係
AKBINGO見到野中
神TV見到中田
或者係週刊AKB見到石田？
佢地比人認識既方式幾乎只係局限係劇場
肥秋似乎卻意識唔到青黃不接既問題
多次舉辦總選
總選既制度完全無法帶起人氣較弱既成員
只係逐步拉大差距
講穿就係爭取話題同賺錢
以為佢搞猜拳大會係明白到問題既嚴重性
但睇機會的順序既銷量就明白
明顯同近年既數張單曲有幾大既差距
但肥秋依然決定搞第三次總選
可見佢根本連僅餘既機會都唔肯比d人氣不足既成員
雖然又話會再搞猜拳大會
但如果肥秋只係目光放係爭取話題上
咁恐怕第24張單曲都只不過係另一張機會的順序
另一種青黃不接既體現罷了

johnthan

如果現在的神7都畢業的話,AKB就會散了

潺仔浚

十分同樓主的睇法.但係有幾多人本命係野中,中田丫??????

鴉魂

原帖由 殺戮公主 於 11-7-17 01:46 AM 發表

老實說紅左果批帶唔起班新研究生,肥秋點都係冇用,
因為前田/女王/虎牙/南哥等TOP遲早終有一日離開AKB;果陣仲未有新嘅紅得起,肥秋就有問題
根本D新 人要其本身事務所出錢出力先得,班TOP STYLE不一定配合到新 ...

好似你嫁完美SETTING咁囉

genkigenie

都係o個句....
而家肥秋開始準備放手akb....
要窪田搵第二個製作人搞....

而肥秋就全力去搵其他大手投資開隊挑戰akb

麟=)

呢個不嬲有女子偶像團體既死症黎..

m娘都係咁..

他日又有一隊野取代akb48..

LoVeLeSS、_羽

最緊要都係我地架姐~~我睇下有咩研究生係未來可以推吧!!!肥秋唯一控制唔到係我地個心會留係AKB幾耐姐

fate小霖

老實講 所有野都有好有壞
佢為左賺錢就一定有後果
佢搞總選為咩 一個字 錢
佢為左班後生既 就要放棄咩 一個字 錢
佢唔係完全意識唔到 只係佢本身係一個商人 佢要為果個字要去決定所有野
佢每幾個月就搞研究生 無非都係想係眾多人入面搵到幾個可以拎得出泥見下人既妹子
同埋 老實講 唔可以話係青黃不接 就算係開頭果D都唔係全部出名
有時真係睇好唔好運
自己間野比唔比機會自己
個個都講果子幾時出solo
主要咪又係佢間公司
AKB可以維持幾耐 就真係冇人知
但係有一樣野可以肯定既係
入面每1個妹子都無白費佢地既每一日
佢地都係為緊自己既將來努力
有人都講過 AKB已經係全世界既團體入面 貧富懸殊最嚴重既團隊
有妹子好食好住 有好既收入
但有妹子仲係可能得幾千收入
我地可以支持得幾多? 如果要歸根究底 錯就係肥秋錯
一隊成40幾50人 每年加多幾廿個 點照顧得哂...
我地依家唯一希望係可以讓AKB既聲名有幾遠就宣導到幾遠
比更多人知道AKB既存在! 咁樣既話妹子先會有多D既機會發展

wayne2224

就算新人D事務所出錢出力佢本身係唔掂根本就係等死

fancycat

講咁多都冇謂, 一個普通人都諗到既問題, 你估肥秋會諗唔到??

旭晒戈

原帖由 genkigenie 於 11-7-16 12:26 PM 發表
不過暫時看來..已離隊的....發展空間最大,最看到有希望成功的..是一位被解僱的研究生.....

這個問題有興趣多了解，是哪一位，不是杉山未來吧？

ＨＩＮｓ

TOP MEMBER 一走的話 我諗我唔會再點理AKB

殺戮公主

原帖由 wayne2224 於 11-7-17 12:53 AM 發表
我推Acchan既
其實我覺得樓主所講既青黃不接既問題呢
我覺得根本就唔關肥秋既事你唔好話佢意識唔到la
[肥秋用各種各樣既方式將前田帶入屋]
依句呢我想回既就係 如果Acchan本身冇能力既話根本就冇用
問題在於本身 ...

老實說紅左果批帶唔起班新研究生,肥秋點都係冇用,
因為前田/女王/虎牙/南哥等TOP遲早終有一日離開AKB;果陣仲未有新嘅紅得起,肥秋就有問題
根本D新 人要其本身事務所出錢出力先得,班TOP STYLE不一定配合到新MEMBER....

genkigenie

當年推宮崎美穗推到爆燈..不過推極都起唔到
而指原莉乃節目博客推一推就爆紅....

其實已經比左好大警號營運...
不過可能都係咁..而家其實成個推人from完全改晒....
而家其實係一堆一堆咁捧...

wayne2224

我推Acchan既
其實我覺得樓主所講既青黃不接既問題呢
我覺得根本就唔關肥秋既事你唔好話佢意識唔到la
[肥秋用各種各樣既方式將前田帶入屋]
依句呢我想回既就係 如果Acchan本身冇能力既話根本就冇用
問題在於本身成員問題
如果個成員真係吸引到你既話暴光率唔洗高可能1分鐘1秒都夠哂
如果你張d吸引唔到你既成員係咁加暴光既機會只會吸引唔到人冇人睇akb死得仲快
肥秋可能早就諗到我所講既野所以大部分既工作都比哂d主力去做吸引多d新飯
而人氣較弱少既成員好多好多都出現係akbingo果d咁既節目到吸引多d人推d人氣較弱少既成員,當到左總選舉果陣就知邊d人既人氣起得比較多知成員既潛力再分d工作比佢地做
e.g好似之前果個廣告合成果個樣夠吸引到好多人注意la,當然未知係cg定真人果陣有d人仲話如果係真人既話會推佢,如果真係吸引到你既話真係1分鐘/1秒都夠做
如果真係要話akb背後最嚴重既問題既話
應該係話人氣較弱料既成員根本吸引唔到好多人去推佢,當遲下d主力一走果時akb就end

LoVeLeSS、_羽

原帖由 Namb48 於 17-7-2011 12:43 AM 發表
肥秋就係知後面d成員未必紅得起,
所以先極力捧d已經紅左成員,
始終彈唔起就係彈唔起...
不過我覺得如果開多d節目好似之前既AKBeginner咁,
比d 2線成員上下鏡都好...

雖然係不必紅得起，但係一個組合得個幾個紅，幾個知。仲叫什麼48計劃

Namb48

肥秋就係知後面d成員未必紅得起,
所以先極力捧d已經紅左成員,
始終彈唔起就係彈唔起...
不過我覺得如果開多d節目好似之前既AKBeginner咁,
比d 2線成員上下鏡都好...

LoVeLeSS、_羽

AKB48成為日本藝能界既明日之星是必定的。

小貓俱樂部，以我所知只要一組48人之後就有b組 that wiki沒有下文，肥秋好似樓主所講，根本冇意識到，其他成員人氣很低，
優子　啊醬當然在香港有留意娛樂新聞的都會有聽過，可是其他成員就很少人會知，何況再發展SKE48等。
壽命長短是可能資料未發達，所以要出名就難上加難而已。現在有我們嘛!!!要多長有多長!!!

我聽閒係總選等所以名次都關於出鏡率，雖然akbingo  神tv等也可以令人氣低落的成員增加出鏡率，今不認識她變到有興趣。
大家都知總選個次 晚間7點7有播。j2更有播，上次來港等新聞也有播，但是太少。資源根本可能不足。

日本等發展宣傳相信成功了，但對中港兩地未深，盡可能可以停止加新組合，加緊宣傳。今所有人知道akb48全成員的名字，我的小藤江，小石田。  

希望肥秋可以停止自己只帶住啊醬的步伐，回頭一望有多少人跟不上吧

閒人浪

好同意樓主既睇法..

我個人都好擔心如果Top走晒既話AKB前境會點..

不過比起呢個我更擔心Top既身體狀況..

甘多工作量..真係好辛苦 ..仲要係一班女仔..

所以我真係好佩服佢地..

wayne2224

如果佢大部分既事唔係top7既人去做吸引唔到多d新飯
而且唔會有飯真係成世都會迷akb~
當你推果個一走左就跟住唔會做akb飯
當係d節目到見到d新成員你想推既話就冇咩問題~
就算人氣較弱既成員上多d節目你唔鐘意都冇用