大家覺唔覺個招兵買馬 有D呃新手既成份

helentoib

首先...係暴雪，唔係暴風

WOW今次CATA改版將1-60既地圖重造，緊係想你去玩下(原意同整個考古學出來一樣)

另外好多人搵招兵都係自己本身都想玩分身，好似我咁，之前只有2隻ID，因為招兵買馬而家十隻齊哂，比起自己練真係快超多

不過我都認為如果新手都送火箭會比較合理既
以我既理解係，老手可以得到既條件咁吸引，自然好多玩家會周圍搵新手，有d人搵唔到新手直頭自己開新ac招自己拎火箭丟左個AC佢，呢D就好明顯係公司政策

不過比起其他online game，wow算有良心架啦
呃錢玩意唔多(最重要係無特殊EQ比你買，令你可以用現金提升角色能力)，最多都係d額外玩意(坐騎/寵物)
外掛真係我玩過咁多online game入面最少既

呃唔呃果d，根本唔關個活動事，唔理網路定現實，要呃人總有路，其實坦白講，GM點管到咁多，你諗下去做GM果d人都唔上進得去邊啦，都係不求有功 但求無過

另外比較容易比人呃唔多唔少同台服有關，因為美服玩WOW係要買隻正板碟，入cdkey，另外照樣要比月卡，所以外國d玩家珍惜自己帳號好多，唔會亂咁黎，有機會你可以去外國服玩下，風氣同台灣差好遠

台服就唔洗買正板碟，即入月卡即玩
但要討論到呢個問題會涉及好多問題(政治,經濟等等...)
大陸服無視佢，外國服(包括韓)係由bz子公司直接代理
而台服無記錯只係合作公司，唔係直屬bz

最後，講到尾有強姦無焗賭，怕比人呃可以唔參加個活動，自己玩

或者你可以去玩下SC2(BZ另一作品)
一樣可以online玩，可以選擇買左隻正板碟，一世免費，都好出名，人氣唔輸WOW