集體回憶 (等無睇過龍珠的人, 可以了解多d)

laisiulun

孫悟空
故仔嘅主角，可以話角色中最強嘅一位，同比達係死敵亦係出生入死嘅朋友。
比達等（純種）撒亞人叫佢做「格古洛」
喺打布歐時可變超級撒亞人3，龍珠GT變超級撒亞人4。

奘子（又名莊子）
身材好好嘅一個女人，係比達嘅老婆，經營膠囊公司。

無限（無閑）
18號嘅老公，係悟空嘅好朋友，細個時可以同悟空過兩招。
自從悟空變到超級撒亞人後兩個人嘅實力差距以幾何級數拉遠。

八戒
二打六一個，同龜仙人一齊住

阿樂（沙漠大盜）
悟空，無限等人嘅好朋友。實力可能比無限重要低少少，又係二打六一個。

佩兒
阿樂嘅伴，同八戒係同學亦係死對頭。

龜仙人
悟空嘅師父，早期教授悟空龜波氣功。
愈老愈咸濕，閒時會睇咸書。

鶴仙人
龜仙人嘅死對頭。

天津飯
本來係鶴仙人徒弟，早期悟空嘅敵人，喺第22屆天下第一武術大會贏過悟空，之後就成為朋友。
二打六中算係實力唔錯嘅一個，悟空嘅太陽拳都係喺佢度學返嚟。

餃子
天津飯嘅伴，原本係鶴仙人徒弟。

天神
天神，最終同笛子魔童合體。

大魔王（ピッコロ大魔王）
由天神嘅惡念產生，理想係統治世界，最後俾悟空打低。

笛子魔童（ピッコロ）
由大魔王臨死前所生嘅蛋孵出，後來同天神合體。
本來係延續大魔王，喺第23屆天下第一武術大會輸畀悟空，後來較偏向正義嗰邊。之後重同孫氏一家好好朋友，算係龍珠角色中嘅長輩級人物。
實力幾強，大概比第一級嘅超級撒亞人強啲。

芝芝（チチ）
悟空個女人，身材冇比達老婆咁正。

比達（ベジータ）
撒亞人王子。個性高傲，目標係成為宇宙最強嘅戰士。由於曾經響地球俾悟空打敗，所以對佢有份執着。
喺打布歐時可變超級撒亞人2，龍珠GT變超級撒亞人4（不過要靠電波至變到）。

孫悟飯
悟空大仔，一嬲就會爆發佢強大嘅力量。曾經同魔童修練，好鍾意魔童。但喺GT版變咗做一個二打六。
喺打布歐時可變終極悟飯（同悟空超級撒亞人3差唔多）。

孫悟天
悟空細仔，同大佬悟飯嘅勤力相反，係大懶蛇一個。

菲利
宇宙霸王，曾經令悟空等人非常頭痛。
改造後，以為可以報仇，點知俾杜拉格斯（未來版）一劍劈開兩邊。

古拉
宇宙霸王菲利嘅阿哥，喺龍珠Z劇場版分別喺最強對最強做奸角，後期死後又復活變成金屬古拉，並喺一百億能量戰士再做奸角，最後俾超級撒亞人嘅悟空同比達消滅。

傑紐（又名基紐）
菲利大王嘅精英軍團隊長，喺菲利篇實力好強，僅次於菲利大王，除此之外重有轉換人哋身體嘅絕招，最後搞到自己做咗隻青蛙。

捷斯
菲利大王嘅精英軍團成員之一，好似好強，絕招要同畢特一齊出，叫做青紅光球，但一樣唔夠悟空打，最後俾比達殺死。

畢特
菲利大王嘅精英軍團成員之一，自認速度最快，但唔及悟空，最後又俾悟空打低。

力高
菲利大王嘅精英軍團成員之一，絕招係力高重鎚，打到比達悟飯無限佢哋收晒皮，但最後俾悟空一鎚搞掂。

撒旦
大話武術冠軍，佢嘅運氣好到無人能敵。
喺龍珠二世後期（打原版布歐嗰時），真真正正做咗一次救世主，連悟空都佩服佢。

比迪麗
撒旦個女，悟飯個初戀同老婆。
婚前係一個俠女，婚後相夫教女。

天迪
接替天神做天神嘅娜美星人，冇戰鬥能力。

杜拉格斯（トランクス）
比達個仔，算係撒亞人王族後裔，醒目仔一名。
分現代版同未來版。現代版最初以BB仔身分出場，係GT版初期嘅第二男主角。
而未來版杜拉格斯係「最後戰士」，曾經一招打低菲利（改造後）同斯路（未來嘅第一形態）。

斯路
基洛博士嘅最強人造人，要吸收17號同埋18號去變成完全體。完全體嘅佢實力更係一絕，但最後俾悟空悟飯兩仔爺合力打低。

18號
基洛博士嘅人造人，喺未來度殺咗好多人，包括比達同悟飯等龍珠戰士（杜拉格斯係唯一嘅生存者）。
曾經俾斯路吸收，但斯路俾悟飯打到嘔番佢出嚟。
喺過去係一座冰山，最後俾無限嘅愛融化，重相夫教女。

16號
基洛博士嘅人造人，實力勁過嗰時嘅17號同18號，不過係失敗之作，因為佢係愛和平主義者，一直只為殺孫悟空而存在。後來佢俾膠囊公司改造，最後俾斯路摧毀。不過佢激起悟飯嘅鬥志，殺咗斯路。

17號
基洛博士嘅人造人，同笛子魔童（已經同神合體）打成平手。
俾斯路吸收咗，但之後因為神龍畀斯路殺嘅人復活而復活。
喺GT版同地獄17號合體成超級17號。原本兩個都唔喺好勁，合咗體之後就超勁，打低晒啲龍珠戰士（包括超級撒亞人4狀態嘅悟空）。之後喺18號幫拖之下，悟空一招龍拳就搞掂咗佢。

19號
基洛博士嘅人造人，最後俾比達搞掂。

基洛博士
龍珠系列入邊所有人造人嘅生父，亦係龍珠二世人造人篇，斯路篇同GT版超級17號篇嘅元兇。頭腦發達，但實力麻麻。
佢將自己改造成人造人20號。

拜高安（動畫原創）
悟空喺冥界時嘅武術大賽決賽對手，絕招叫做雷電神拳，曾經幫手收拾喺地獄橫行嘅菲利同埋斯路，但出咗十集八集之後就冇再出現。

魔人布歐
龍珠二世後期嘅大魔王，幾乎無人能敵。
肥布歐，係吸收咗南界王神同大界王神之後變成嘅，係最善良嘅一個，同撒旦做咗老死。喺GT版嘅下場同孫悟飯一樣，變咗二打六。
瘦布歐，由於有兩個無所事事嘅人殺咗布歐隻狗仔同傷咗撒旦，所以肥布歐好嬲，嬲到噴出蒸氣，之後蒸氣變咗瘦布歐。
惡布歐，係瘦布歐扯晒肥布歐嘅功力合體而成，以南界王神為本。
其他布歐，分別有吸收咗超級撒亞人3悟天格斯嘅布歐、吸收咗魔童嘅布歐同吸收咗悟飯嘅布歐。最勁嘅係吸收咗悟飯之後嗰個。
純正布歐，係最原始嘅布歐，冇晒吸收得嚟嘅力量，但最邪惡而又冇自制能力，比惡布歐強少少（大概同悟空超級撒亞人3相同）。

悟天格斯
孫悟天同杜拉格斯嘅合體，實力雖然強，但係性格就非常自大。

比古洛（格古達）
孫悟空同比達嘅合體，無人能敵，係全宇宙最強嘅合體戰士。
以三種形態喺龍珠系列出過場3次（二世同二世劇場版各一次，GT一次）。

BoBo
悟空個孫，撒旦個外孫，悟飯同比迪麗個女。大小姐一名，實力一般，GT版女主角。

歐布
悟空個徒弟，係魔人布歐（原版）嘅轉生。實力唔錯，喺GT版入邊嘅關鍵時刻出嚟幫拖，屬茄哩啡一名。

貝比（Baby）
GT版初期嘅魔王，係輻魯星人嘅復仇工具。曾經上過好多人身，包括比達等龍珠戰士。最後死喺悟空手上。

邪惡龍
由龍珠嘅負極能量過度膨脹而產生嘅產物，GT版最後亦係全龍珠系列最強嘅敵人。
總共有七粒，每一粒都有唔同嘅能力同個性。一星龍最強，三星龍最卑鄙，四星龍最正直，七星龍最無用等。

轉自百科全書網

laisiulun

我最鐘意比達, 佢d招太型啦
尤其係果招final flash, 即係極限光流, 真係型到爆, 如果隻game有得用比達, 我一定會立即重練

雖然佢冇悟空咁勁, 但係佢果種唔肯認識的不死精神, 就令佢不停咁強化自己

記憶中, 比達的事跡:
悟空係因為無閑比菲利殺死, 引出潛力, 變身成超級撒亞人, 而比達一直知道個流傳, 就係世上只有1個傳說中的超級撒亞人, 佢好唔甘心, 因為佢係撒亞星的王子, 結果, 莊子幫佢整左部重力訓練機, 之前, 悟空用10倍重力進行修練, 佢叫莊子幫佢set200倍(好似係...), 結果終於成功變身成為超級撤亞人.

打菲利果時, 為左令自己變強, 竟然刻意傷害自己, 因為撒亞人會係死亡邊緣回復之後, 變得更強, 佢傷左, 就叫天廸幫佢治療

打瘦布歐, 係靠佢頂住布歐, 當時, 悟空要儲元氣彈, 如果冇人頂住布歐, 就儲唔到元氣彈, 雖然比達知道布歐比佢強好多, 佢只係慘打, 但係, 當時只有佢先可以頂得住布歐, 結果, 可以悟空先有足夠時間出元氣彈

打1星龍, 悟空因為福魯星力量, 變身成第4代超級撒亞人, 但因為力量太強, 令悟空失去本性, 而比達, 係靠莊子部機將福魯星力量集中, 再射向比達身上先可以變到超西4, 但因為佢係優良血統, 可以控制到自己, 終於叫贏番悟空一個回合 ^^

乂alex~

比古洛（格古達）
孫悟空同比達嘅合體，無人能敵，係全宇宙最強嘅合體戰士。
以三種形態喺龍珠系列出過場3次（二世同二世劇場版各一次，GT一次）。

呢度好似有d錯wow。
格古達
龍珠二世布歐編 果陣出現

格比達
龍珠二世劇場版 一 復活的融合﹗悟空和比達  以超級撒亞人形態出現
龍珠gt 邪惡龍編 以超級撒亞人四形態出現。