好煩...幫幫手/.\

火楓

我有個女朋友係大陸讀書...大陸女仔黎既...
我宜家返左香港讀...因為錢既問題所以唔可以經常上大陸...
佢同我1齊左5個月喇...我係真心愛佢...
佢話佢都係真心愛我...不過佢已經同我講過11次分手...
最后都係我拉住段感情話唔分...
每次佢講分手都係話好辛苦好攰
其實我係唔係應該放佢走?
不過我眞係好愛佢...佢唔係我身邊/無打比我無搵我我就好唔舒服...重會覺得佢有第2個...(P.S:佢之前D FD都係男仔...重玩得好親熱...抱丫自拍丫個D...)
佢話無左搵個D男仔...佢話同我1齊之后同佢地斷哂...我就覺得佢無斷...上次有個男仔打比佢...佢重無視我咁同人地傾...我叫佢DEL左BLOG入面個D男仔相佢點都唔DEL...重話點解要聽我講...
我應該點?

冷冷B

異地戀其實好難維持，對於你地仲讀緊書，不是每個人都可以這樣，一個月或一年才見一次，所以為大家好，放手可能會好D

火楓

我已經盡力存D錢每2個星期上大陸1次/.\

loveyoujj520

我好想知點解唔可以同男仔傾
光明正大咁同男仔傾 我覺得仲好   唔通你想偷偷地咁傾?   到時你又會點諗?
佢地兩個係清白既  點解唔可以光明正大咁傾計
仲有就係  人係有自己既社交圈子   唔通一個正常人唔可以有自己既異性朋友?  同異性朋友影相冇咩問題
抱同自拍可以係熱情  但咁做唔等於濫交 唔等於有第二個  
同埋你有咩權叫佢del相??  你係佢邊個?? 係佢既家人定係佢老公?  就算係最親既人都冇權  更何況你地只係情侶     你叫佢del相只係你既私心 佢話點解要聽你講  係冇錯  咁請問佢點解要聽你講?就係因為你地係情侶嗎?
定係你一時既私心?

紫靈姬

火楓 發表於 11-11-2 04:21 PM
我有個女朋友係大陸讀書...大陸女仔黎既...
我宜家返左香港讀...因為錢既問題所以唔可以經常上大陸...
佢同 ...

其實有部分男女朋友 總會有一方被另一方食住
而你就係注定被女朋友食住個類型
其所謂男人不壞愛 女人不愛或女人不壞 男人不愛 一樣道理
你地分隔兩地見面雖小 大家既生活圈子已經唔同
佢所識既朋友你完全唔認識 呢樣已經對你造成威脅 你好怕佢會變心 對你不忠
其實真係好講信任度 可能佢真係無野 你越去屈佢有野 只會令佢真係無野變有野
因為你都已經唔信佢 要逼佢去認 佢真係出軌
你講得出你好愛佢 咁你應該要接受佢 比佢感覺你真係好愛佢
而唔係愛到要咩都要管要查哂佢blog QQ msn facebook sms內容 你既做法已經好唔尊重對方
簡直好似當佢係一個犯人看待
人就係犯賤 你越去對佢好越去管佢 佢只會係比你嚇到走夾唔透
當你完全唔去著緊既時候 佢就開始對你滿腦問號 會覺得你點解咁大改變
反而係形勢改變 佢會係著緊返你轉頭
你就係因為比佢感覺你都係愛定佢 你絕對唔會對唔住佢 佢先會放肆
教就教左你 聽唔聽就真係你自己衡量返 呢個方法萬試萬靈= =
假如你試左呢個方法佢都係無動於終咁就等於佢對於同你之間既感覺已經無了
咁你何苦要加深自己既傷口呢
你又無可能改變佢現狀 你又無可能去改變你自己去迎合佢現狀
就算比你返去大陸住你都無可能改變到佢 一定人真係表露真正既自己時候 你邊有可能改變到佢呢