藍田的某一間學校

乂alex~

小弟曾是藍田某一間學校學生，就係上星期三，我同兩個舊同學返去舊校聚會，因為果日探果個老師多野做要開夜，咁我地咪差唔多6點果陣先番去囉！教員室係3樓既，我地以前既班房係5樓，咁因為老師果陣仲有一d工作要做，所以我地先上五樓回味一下以前既日子。 我地幾個同學坐係到傾計，傾傾下都成7點幾啦，天都入哂黑，因為學校無咩人，我地坐坐下都驚驚地，但老師又未搞掂wo，我地幾個就話落藍球場打波，之後怪事就發生....
我地由左翼樓梯行落到落2樓果陣，見到有個藍球慢慢輪出黎，依個時候更係有d驚啦，無啦啦又會咁o岩時間有個波，跟住其中一個同學，咪行去d走廊果度睇下邊個人嚇我地，佢睇到係尾果度有個著住藍衫既人慢慢行走，咁估計應該係校工黎嫁姐。
之後我地就扲住放佐係2樓既藍球落去打，大約打佐5分鐘到，個藍球無啦啦拍拍下爆佐！ 我地即時覺得邪邪地，即時上樓搵老師，咁我就問老師啦，學校係唔係有校工守夜嫁?咁老師答係，佢問我地做咩！ 我地就話頭先有個校工扲個藍球比我地，但我地打爆佐，諗住同佢講聲！ 咁老師就話佢都搞掂哂D野，叫我地快D去天台搵校工啦(校工宿舍在天台) ，然後去食飯！
之後 我地三個就上天台搵校工，見到佢我地真係面都青哂，以下係我地既對話內容：
A同學:叔叔，我地唔小整爛個波呀，對唔住呀！
校: 咩波呀???
我:頭先唔係你放低個藍球比我地咩?
校: 我5點幾之後就一直係間房度，無行開過WO！
A同學: 唔係WO，頭先我見住你行走嫁WO，你果陣仲著住藍色衫既
校: 我一路都著咁依件衫(白色) ，加上其人校工都走哂，成間學校得番你地同個老師，你地係唔係眼花?
B同學依個時候忍唔住問: 我無記錯之前你件制服係唔係藍色?
校: 係，但換佐依件幾年啦、
校工依個時候好似想我地走咁，就叫我地唔好係到啦，快D走啦
我地依個時候真係驚到想死了，就即時跑落3樓搵老師，老師問我地做咩咁驚，我地就當然無講啦，我地只話個校工罵佐我地一獲！  老師就笑一笑，之後就同我地三個去食飯啦！
我地三個走果陣真係望都唔想望學校一下~~

乂alex~

點解我會係上星期三發生，但而家先黎POST呢??
因為我都係琴日問番其他舊同學，佢話以前學校曾經死過一個校工，果個校工好好人，對D同學好好嫁，好多同學都好鐘意同佢玩，但係有一晚佢係學校二樓清潔天花板果陣，唔小心跌佐落地，最後失救致死！但因為發現依件事果陣係早上6點幾，果陣學校唔係咁多人，為佐唔影響校風，所以學校無公開，所以果陣只係得幾個老師同同學知！

kehfolion

多謝分享。。