男/女拍拖合同-----------有幾樣會做到???

偽小子

合同裏面既小情侶真系好幸福!:-)

1.我咬你嘅时候你唔准缩，最多应承你我细细力啦。
2.我唔会check你嘅来电显示，但係你最好唔好俾我听到你同不明来歷嘅男人讲电话
3.我有嘢做得唔岩你可以话我，不过唔俾发晒脾气嬲晒咁话我，要慢慢讲道理，有耐心D。
:love: 4.我钟意收到你嘅SMS，几肉麻我都顶得顺架。
:love: 5.每日起码要打一次电话俾我，因為我会掛心你，最好係喺我临训前打嚟，因為听完你电话我会训得舒服D。
:love: 6.你要俾我知你去咗边，我唔係要check你行踪，只係如果新闻话有几名人士失踪，我要知道係唔係你。
:love: 7.我哋未必可以一生一世，但希望你同我一齐嘅时候，每一刻都对我认真。
:love: 8.行街时因发生争执我掉头就走，你可以唔使即刻氹翻我，但喺要喺我身后跟住行，直到大家心情平复再讲嘢。
:love: 9.你心裡面諗D咩，一定要同我讲，因為我好蠢，你唔同我直接讲我唔会知道。
:love: 10.我去咗玩而又唔係同你一齐，你叫我玩得开心D嘅话，我会以為你唔爱我唔紧张我唔想要我，你应该要同我讲唔好玩咁夜啊，翻屋企小心D啊之类嘅。
:love: 11.如果我要出去玩嘅最好就跟埋我去，如果实在唔得嘅话就早D翻屋企俾个电话我，因为我会係屋企担心你，训唔着。
:love: 12.我希望你会记得一切嘅大时大节生日同纪念日，我唔会提，亦会扮大方，但唔代表我想你失忆。
:love: 13.我唔介意人嘅外貌，但係要乾乾净净。
:love: 14.唔准对我讲大话，我最憎人呃我，虽然你话呃我喺唔想我唔开心，但喺俾我知道你呃我，咁样我会更加唔开心。
:love: 15.唔准一脚踏两船 (或以上 )。
16.我唔需要你对我许下关于以后嘅某种承诺，我只想你肯定你对我依家嘅感觉，因為以后嘅事无人可以预测到。
:love: 17.出街一定要拖实我，因為我係超级路盲，会荡失路。
:love: 18.我唔拣饮择食，所以食咩你话事。
:love: 19.如果我迟到，都只係因為我想着靚D见你，所以你唔好闹我。
:love: 20.我唔係专登骚扰你，我只係想等你知道我几时掛住你嗟。
:love: 21.食饭时第一箸夹嘅食物记得最好要係俾我嘅。
:love: 22.你要好锡好锡我，因為你唔锡我就无人锡我架啦，当然我都会好锡你架。
:love: 23.我唔喺贪心嘅人，唔一定要钻石同珍珠，就算你送易拉环盖俾我都会一样咁开心，最重要喺睇你有冇心。
:love: 24.同你D朋友出去食饭，你唔使成日理住我，我唔会埋怨你嘅，不过你要记得我係你身边就得。
:love: 25.我唔会问你我靚唔靚 (因為我知道我好靚)，不过你识做嘅都要耐唔耐讚下我靓，最好諗多几样形容词嚟讚我。
:love: 26.我钟意人浪漫，耐唔耐諗D浪漫嘅嘢嚟氹下我，都唔会好过分挂。
:love: 27.我知道你冇可能每秒鐘都掛住我，但係如果你全日都冇諗起我，我会好惊架。
:love: 28.得闲你要陪我行下超市，等我享受一下甜蜜嘅感覚。
:love: 29.如果有一日你郁手打我，我一定会走。
:love: 30陪住你出去做嘢嘅时候唔使怕我等，怕我闷，因為我肯定记得带MP3。
:love: 31.记得我送俾你嘅嘢要好好保存。
:love: 32.Shopping 时可以分道扬鑣，但係你唔好又要企我隔离又要黑口黑面
:love: 33.我好乐意同你行你钟意嘅舖头，你唔需要怕我闷，我会自得其乐。
:love: 34.虽然我知你唱歌唔喺咁好听，不过就為我练一首，就专门唱俾我听啊
:love: 35.唔好批评我嘅好朋友，因為我同佢地共过患难，唔係酒肉朋友。
:love: 36.如果你唔开心，你要同我讲，唔好扮无事，因為如果俾我发现我会比你更唔开心
:love: 37.如果你需要我嘅时候，随时揾我，唔好俾我以为自己係个闲人。
:love: 38.我喊嘅时候，你一定要氹我，因為我只会喺好伤心好伤心嘅时候先喊。
:love: 39.你做紧嘢嘅时候，我会自己搵嘢做，你唔需要担心，因為我有时会觉得睇你好过睇大戏。
:love: 40.你最好有一首只係属于我嘅电话铃声。
:love: 41.如果你冇开口讲，我都為你去改变，代表我真心钟意你，请你珍惜我。
:love: 42.我好乐意你帮洗衫煮饭执屋，但係请你唔好当喺「奉旨」。
:love: 43. 唔好以為我真係好大方，只係我怕你讨厌小气嘅男仔咋。
:love: 44.唔好乱咁作出承诺，因為我真係会当真咁记一世架。
:love: 45.你需要比我更清楚我嘅电话、相机同电脑嘅操作。
:love: 46.当你用电脑睇电视剧嘅时候，我会叫你无追，你唔好嫌我烦，因为我真系烦。
:love: 47.我会希望你将我介绍俾你嘅朋友识。
:love: 48.放假时我会间唔中留喺屋企休息，你即管出去玩，虽然我喺痴身但都唔好以為我係贴身膏药，你唔同我出街我就唔出。
:love: 49.因為我有一D唔係太开心嘅过去，对人好冇安全感。所以请你用用行动话俾我知你对我係认真嘅，你唔係玩玩下。
:love: 50.你先要努力工作，然后尽量抽时间陪我。你唔需要係有钱女/男，但係要有上进心，想出人头地。
:love: 51.你一定要有自己嘅理想。
:love: 52.我唔会成日问你「我今日有咩唔同」，但耐唔耐都会问下，不过你留意我嘅就一定睇得出。
:love: 53.你要对自己有信心，我唔会生翼，所以我唔识飞走。
:love: 54.我好野蛮任性，我知我都会為你而改，不过需要时间。
:love: 55.你要做我嘅人肉地图。
:love: 56.我有的时候情绪会怪D，所以你要小心D。
:love: 57.我发脾气cut你線，你唔使即时打翻电话俾我，但喺要发SMS俾我。
:love: 58.如果你发我脾气逼我做D我唔想做嘅嘢，我会觉得好唔开心。
:love: 59.你煮饭俾我食，就算只係一碗餐蛋麵，我都会开心过食鹅肝。
:love: 60.你諗嘢嘅时候最多我唔出声啦，我只係想好好咁陪住你。
:love: 61.虽然我对你嘅恋爱史好有兴趣，不过都过咗去囖，只要你依家最爱嘅人係我就足够啦。
:love: 62.因為爱你，我会珍惜自己，要自己身体健康，要自己开开心心，你都係。
:love: 63.我有时唔出声你唔使惊，我只係享受紧同你一齐嘅感觉，有时就当无声胜有声。
:love: 64.唔好熄电话，万一半夜我要去急症室，我会想你陪我。
:love: 65.我好憎人唔信我，怀疑我,如果你爱我，你唔会捨得要我伤心
:love: 66.如果你见我个样冇乜表情，唔係我唔紧张你，而係爱一个人就会变得笨拙，我唔知用咩表情面对你好。
:love: 67.我知你唔钟意去行街，我都尽量唔搵你去，不过当我真喺好想好想你陪我去嘅时候，你就陪我去下啦。
:love: 68.好多事唔係我懒,扮唔识搵你做，而係我真係唔识。
:love: 69.我希望你间唔中都会俾D小惊喜我，係「小惊喜」，唔係「大惊喜」。
:love: 70.你讲过，而我又应承过嘅，我一定会做。
:love: 71.唔好怪我懒，我只係觉得有人俾我依赖嘅感觉好幸福。
:love: 72.唔係我唔想同你去街，我只係怕浪费我嘅老婆本，如果你陪我去公园行下我都好开心架啦，不过你唔好嗌闷涡。
:love: 73.唔好习惯出去食饭，虽然我唔识煮，不过為咗你会翻屋企食饭，我会好俾心机去学。
:love: 74.你唔开心嘅时候我会静静行开，俾时间空间你冷静，因為我唔多识安慰人，但过后我会想你打翻个电话俾我，因為我关心你。
:love: 75.如果我成日管住你你觉得烦嘅话要同我讲，因為我憧憬我以后都可以管住老婆，而老婆又乐意俾我管。
:love: 76.唔好再话怕俾唔到幸福我而企图推开我，因為我最大嘅幸福就係同你一齐。
:love: 77.唔使经常同我讲「I love you」，虽然呢句说话听几多次都唔会嫌多，都唔会厌，不过我更希望你用你嘅行动嚟证明呢句话。
:love: 78.其实，我明白呢D戒条有点吹毛求疪、有D不设实际、有D妙想天开，我只想你知道，係写呢D戒条嘅时间内，每一秒鐘，我都係牵掛你架


你既她/他,以上有幾點會要求你做到???或者會同你提過???

gwfds

邊可能做到啊==

吞食貝貝

老實講無咩心機睇
做吾做到要睇天氣同心情

細乂Dee

好長呀- -

偽小子

gwfds 發表於 12-1-25 02:41 PM
邊可能做到啊==

都系兩個人一齊既細節野來姐,,,,

fsdghrtftyt

要睇天氣同心情.....