有1個問題好想問問大家..純討論

sIu塱

問題核心:想問下各位心目中對48系列既感覺係點?

係上年既12月開始對akb48成立既目的開始有d模糊
雖然好清楚48系列只是1個踏腳石,
但係佢地有1個宗旨就係想好多人認識佢地,欣賞佢地
佢地自己好想成為1個受人尊敬既偶像,,
但係肥秋佢開咁多48系列會唔會有d過火?
我覺得佢開幾個48系列無所謂,,但係佢差唔多到到都開
日本就已經有3個定唔知4個(計埋akb)
似係佢想好多人認識>秋原康<呢3個大字多過48系列d人
我知肥秋好大野心,想搵大錢,但係佢好似有d無理過佢地感受
佢開咁多48系列咁多人..要出類拔萃已經難,仲要面對其他明星難上加難
好似你e+打機咁得個1lv叫你殺隻30lv既boss,點打?
我認為之後d飯就會只係識得自己個區既48系列,係唔會識得其他系列,因為佢搵到要推既人,仲識其他48系列d人做咩?
總結,,
48黎講我只係對akb48有興趣,其他個d基本上無個識咁制
同埋難聽d講句
肥秋好似以48系列黎做扯線公仔,搵錢工具
希望肥秋唔好再搞咁多小動作,咪搞咩usa48等等

didi20222

但唔知你明唔明白akb ge宗旨係咩呢~~??

Minami1125

海外的 我唔敢講   但係日本 唔係淨係得秋葉原   仲有好多好多既地方    有"勁爭"先有進步
48系列 並唔係個個都出名  但起馬有人知個名先  你地akb以外組合冇興趣 唔代表其他人冇  我之前都冇乜留意nmb  e家我一樣有留意d
最後 秋元康本來就幾多人識下  我諗都唔太洗用呢個48系 黎提高佢既名聲     用黎搵錢 呢樣野有邊個人會唔想呢??

sIu塱

回覆 didi20222 的帖子

你咁講睇黎我講錯野
咁係咩

didi20222

可接觸ge偶像,係日本當然可以係akb啦,咁其他地方呢??
肥秋係想將呢個理念宣揚開去
因為你唔覺得而家d偶像真係當自己高高在上咩??

sIu塱

Minami1125 發表於 12-2-1 04:30 PM
海外的 我唔敢講   但係日本 唔係淨係得秋葉原   仲有好多好多既地方    有"勁爭"先有進步
48系列 並唔係個 ...

有競爭先有進步呢點認同..
但係佢會唔會開得太多48?

didi20222

咁唔一定要個個地方有嫁ma==
地區性囉~~

麻油飯

我鐘意既都有麻友友同玲奈
跨越akb同ske(雖然ske淨係識好少人)

48系列其實我都覺得有d多...
sdn而家搞唔係好起又話解散...
唉,成二百幾人點識得晒咁多

nakeru

肥秋本身未係AKB出道前已經成左名

當然48系列係對班女仔黎講係一個平台比佢地上位

而的確好成功地又比我認識多幾位其他隊不太出名既成員

但係正如樓主所講、真係太多XXX48，而家仲有個乃木坂46，基本上好難記哂二百幾個成員既名

但係對班少女黎講無疑係創造左好多平台比佢地發揮，而肥秋又願意為大部份既歌填詞

搵到銀黎又可以滿足少女們既夢想，一箭雙鵰

genkigenie

秋元康是想自己賺錢就不會搞AKB了....
這在當時可是一項擺到明會蝕大錢的生意..(就算是現在48家族靠贊助商同背後大老闆支撐...)

(經過世嘉事件之後..我想秋元康也很明白他自己不是經營和推銷的材料)
(雖然秋元康自己沒有出過一分一毫)
加入大集團.幫各個天王天后製作才是賺錢之路..(就如當年小室哲哉)

肥秋而家搞極都賺唔到小室全盛時期的一半
----
而秋元康最大的弱點是不懂得拒絕伙伴的訴求....
現在有很多事情已經不是他所能控制和決定...

如果換著其他人..也許就完全不會理會SONYMUSIC了..
但秋元康做不到這點...所以他為SONY開了乃木坂46...
(AKB未紅之前是SONYMUSIC一員...但當時AKB蝕錢實在太多而被SONY直接棄丟...
而之後AKB紅了...SONY又在未經AKS同意下就推出了"逃走之魚"這類的精選碟打對台..)

JKT48也是....之前的構思一直只有台灣...
但電通集團的一句話..JKT48就無聲無色的突然間出現.....
(電通在印尼有非常蓬勃的生意,,)

AKB去新加坡發展..每月兩場公演..AKS一樣是蝕到一迫去..
要不是有當地政府同多間贊助商全力推動和支持..是絕對捱不了的..
不過這情況的結果就是...現在新加坡公演.就最少有一半時間是在會場內插播各種廣告

HKT48也是在臨時在中途更換跟據點...
原先在福岡博多區起劇場的計劃中途取消..
改到位於福岡中央區..由新加坡李家持有的Hawks Town內的劇場作為專用劇場
博多48也變得有名無實...
-----
秋元康而家最想做的應該就係....
承繼和完成渡邊晉先生所不能完成的夢想...將日系偶像和日本藝能文化推廣到全世界

秋元康自己沒有參與投資...當然也不可能賺太多錢...他賺的只有版稅...
當然為了拉攏更多強大的合作伙伴加入48家族..他一定也會放棄部份版稅...

genkigenie

而48家族....最大的特色就係可以見面的偶像...
而要保持這個特色..這就要有多個48的出現.....原先預定日本最少也在7個大都會區也有一個
因為不可能天天也各地循迴...

而每一隊48成立的最初目標也只是"只屬於當地的地區團"...
(HKT48是最能做到這點的了)

矢神久美

開咁多48系另一個意義就係想為AKB增加挑戰者....
AKB已經係國民偶像..某程度上已經叫冇敵....
所以自家開多幾個同類型的競爭一下...
至少唔會令本尊原地踏步!!

而且每個系列風格都不同...衰D講句..睇厭左一隊就睇第2隊囉- -

卍金日香卍

肥秋和信長一様，當天下布武時，會向世界前進。

7B!

我比較有興趣想知, 一份job, 但又唔同事務所, 一個人可以分到幾多錢?

genkigenie

7B! 發表於 12-2-2 11:37 AM
我比較有興趣想知, 一份job, 但又唔同事務所, 一個人可以分到幾多錢?

首先只有有參與的成員才可能分到錢
---
份份JOB都唔同...
首先要看出錢的金主出幾..各大型伙伴又分走幾多..
仲要睇埋事務所又會食幾多...


例如
今年傳聞
前田敦子收入八千萬
大島優子收入六千五百萬
指原莉乃收入五千萬(不過這個絕對非常令人懷疑)
而渡邊麻友就只有約二千萬的收入

除了每個人的個人JOB的分紅同收入有別...
都要睇事務所會比幾多...
---
所有事務所都有底薪給藝人....
有D事務所的藝人就係主要賺一個薪金..薪金係幾多就睇資歷(例如吉本興業同J家)
又有一D事務所.底薪非常低.同普通大公司小職員無乜分別..但就會給藝人更多的工作分紅...

仲有大部份新人都係無分紅...無乜實錢落袋..
起碼直到賺到的錢可以還清"培訓費"為止...(呢樣就全世界好多地方都係咁...)
----
而AKS係無底薪..只有分紅同出場費

出場費無記錯的話
而家一場公演(係一場,唔係一日)...正式成員二萬,研究生一萬

---
不過有時甚至係同一個JOB..同事務所不同成員得到的分紅都會有分別....