艾爾之光之酒後亂性之如何賺錢玩新轉

天氣小姐

講真,新一轉就出,自己有一個角色仲要放錢落第二隻人度真係幾慘,等我教大家用1lv科保賺大錢,我建議由1-1開始都組人,人地換武自己都唔好換打副每一個金色ed都汁,唔係連修裝錢都冇喇.打到30lv左右應該有100幾萬ed,先去3村巨龍山谷狂打黏稠的液體,之後企係3村副區賣1萬1粒,因為有任要黏稠的液體,如無意外打100幾200疲應該賺到起碼300萬ed,作為本金. 咁打到4村頭已經有500萬在手,上到4村或5村已經可以見到好多封左頂嘅副本人打副本,依個時候就入佢地組打,咁高lv嘅人打低lv副緊係秒怪啦,你只要讚下佢地好勁,話你自己都想玩勁d,可惜小學六年班冇零用錢,佢地就好有可能比幾十萬你用,仲唔駛自己慢慢r怪tim,係咪突然覺得賺錢好易呢.升下升下d錢好快就滾到1000幾萬將果d咩不明呀,結晶呀,咩咩箱呀,一打完疲就掛商,購買都皆因衝動,個價格只需要set係公告版最平果個價再少1 Ed,賺得一蚊得一蚊,好快比d有錢人掃晒.賣完d雜物起碼都賺500萬啦
連埋你本身果1000萬,已有1500萬ed,你既成本係0,錢賺得比人快成倍,冇野好搵得過咁.如是這 你重複100次開新ac揾錢,你既複利率收益已有成15億ed,你可以去2村等新手第一次挫冰用1000萬收一件冰裝,高價放比有心收嘅人,而你財產嘅單位已經由Ed轉做HKD,不出1個月可翻10倍,係依個時候應該有人留意到你係奸商,之後你就渣住少少地幾千HKD準備買空殼股上市. 上市後比500蚊人去蒙古做假新聞,話你間野挖到地下有稀土,即時炒起隻股,3日內再賺10倍,然後配股比基金佬配到 自己既股份唔夠5%,你就正式引退, 求其捐100萬HKD比Gaminia做個股東仔.最後一步,就係等,等咩野?等艾光有人比人昆.你最後需要既係一個機會,就算係有人比人昆左200gash照行動,因為玩家ge怨氣已經蓋過一切,然 後係街抗議黑橙比香港傳媒影到,舉世讚美你,全體股東推舉你做Gaminia CEO.做左橙橙CEO之後,用晒d橙橙賺返黎d錢請有用嘅GM,所有玩家當你神一樣,呢個時候唔好忘記你當初賺錢嘅目的,想玩齊六隻新一轉？就係咁易.
去到呢步,唔洗再講啦.(改自區議員潮文)

老翻四仔

雖然我唔中2你 但係我睇完真係笑左

艾爾安

笑你on9 驚你嬲..

天氣小姐

竟然有人睇晒.....

hok5

哇,正喎
1ed等多d人買

復仇男神

on9天氣 洗唔洗咁 20蚊都1E啦..

天氣小姐

復仇男神 發表於 12-2-15 03:46 PM
on9天氣 洗唔洗咁 20蚊都1E啦..

我要一個冇錢嘅小一學生都做到

零洛脩

= =.........
基本上講到有人留意到你係奸商之後...
後面個啲都係不切實際嘅

小猜

酒後亂性

天氣小姐

零洛脩 發表於 12-2-15 03:57 PM
= =.........
基本上講到有人留意到你係奸商之後...
後面個啲都係不切實際嘅

你睇下題目先

艾爾安

我真係有俾心機睇~~~
wakaka~

奈何惹塵埃

1-1開始就可以組人,那是10年尾的事情.
那時新手村人山人海....

Vita維他

屌1999
　

次次比人昆

拎廿蚊出黎冇咁煩- -

幻之魂.澄

on9當有趣:)
你只要讚下佢地好勁,話你自己都想玩勁d,可惜小學六年班冇零用錢,佢地就好有可能比幾十萬你用,仲唔駛自己慢慢r怪tim,
好好笑 如果系咁我神早就去李+x屋企講啦 幾十萬ed^^ 真系好好笑..
先唔講高手會組低lv 50幾lv組30lv真系無咩人會咁做 我打左10次先有1次會咁咯
之後你就渣住少少地幾千HKD準備買空殼股上市. 上市後比500蚊人去蒙古做假新聞,話你間野挖到地下有稀土,即時炒起隻股,3日內再賺10倍,然後配股比基金佬配到 自己既股份唔夠5%,你就正式引退, 求其捐100萬HKD比Gaminia做個股東仔.最後一步,就係等,等咩野?等艾光有人比人昆.你最後需要既係一個機會,就算係有人比人昆左200gash照行動,因為玩家ge怨氣已經蓋過一切,然 後係街抗議黑橙比香港傳媒影到,舉世讚美你,全體股東推舉你做Gaminia CEO.做左橙橙CEO之後,用晒d橙橙賺返黎d錢請有用嘅GM,所有玩家當你神一樣,呢個時候唔好忘記你當初賺錢嘅目的,想玩齊六隻新一轉？就係咁易.
睇完之後我覺得自己好on9

kenny134

可以的話

加上圖片

睇完真的眼花

糟糕君

回覆 幻之魂.澄 的帖子

認真你真的輸了...369

傲笑紅塵

區議員潮文? 邊個黨有區議員咁潮? 民建聯?

紅蓮乂光

字海冇心機睇

天剎星

原文
講真，四五千話多唔多話少唔少，我建議你上大陸搞生意，香港已經冇咩發展空間喇。你先去買兩張廣州直通車飛，就400蚊，再去信和買1000蚊咸碟，同佢講大量買打個折，應該買到50隻以上，要買鬼妹同日本妹的，唔好買其他，理由下面再講。

坐到上廣州你手上仲有100蚊，去買包雲煙5蚊，然後係車站旁邊睇下邊個蛇頭鼠眼，打個眼色比佢佢就知你想唱假人仔，90蚊唱500蚊番黎，同佢講要唱散唔要100蚊紙。唱完拎包煙出黎問佢食唔食，佢見你幫襯佢就有計傾，你打蛇隨棍上問下邊到賣咸碟好。

將淨低果5蚊打散，用1蚊搭巴士入城，搵佢講既地方。然後搵間士多買罐可樂，比唱番黎既假50蚊佢，找番47蚊真人仔，袋好準備最後用。

等到日落你就開始擺地攤，乜都唔洗，只要擺一塊黃布企係隔黎人地就知咩事。大陸憤青最憎架仔，暴發戶又媚外，你d架妹同鬼妹碟勁好賣。d碟唔係跟身，搵條後巷收好，有人黎就帶佢去收貨，一隻賣佢100蚊，一路賣一收收錢之餘一路將你d假人仔唱番晒出去。


賣完50隻，你應該已經賺到5000蚊，連埋你本身果47蚊+4蚊，已有5052蚊，你既利潤100%，冇野好搵得過咁。如是這你重複50，你既複利率收益已過億，可以買張武漢高鐵飛坐去溫州，用現金收購就黎執既廠，再請人造名牌手袋當真賣，不出3個月可翻10倍，到時應該有正牌注意到你，同你打官司，你就比5000萬個官庭外和解，跟住執左間廠，渣住9500萬番黎香港準備買殼股上市。

上市後洗人去蒙古做假新聞，話你間野挖到地下有稀土，即時炒起隻股，3日內再賺10倍，然後配股比基金佬配到自己既股份唔夠5%，你就正式引退，求其捐1000萬比仁濟醫院拎個名人身份黎做，再洗100萬登7張報紙支持政改同起高鐵，等特區政府頒大紫荊比你。

最後一步，就係等，等咩野？等天災。你最後需要既係一個機會，一有大型天災係內地發生，你捐會副身家上去，然後係街執垃圾比香港傳媒影到，舉世讚美你，1年內就做人大。

做人大後你有得選舉共產黨既常委，選自己，呢個時候唔好忘記你當初留低既47蚊+4蚊，去搵萬里，佢係中共前朝唯一未死既大佬，你拎呢52蚊出黎話係你全副身家，佢會深受感動，重拾共產黨當年起義既激情，結果拉人隊幫拖投你，以佢既影響你你足到被委任為黨主席，去到呢步，唔洗再講啦...