2012-04-16 - 官網新加點數換領虛擬道具

中原黑衣俠

4月18日(三)下午3時「點數換領虛擬道具」將會推出以下道具，敬請各位玩家留意！

~初心者財富卡x1   要112點數


~少林布盔x1   要140點數


~少林布盾x1   要140點數


~少林布腕x1   要140點數


~少林布靴x1   要140點數


~金鑽換領券x1   要180點數


轉至官方網站~~~


咁出都得 , 都好似幾好~~~

fei3108

少林同金鑽好似係同一個lv嫁波,點會1個得3百,1個有1千

~星星月亮太陽~

請樓主以及各位睇帖者留意，
不經修改複製官網內容, 將會扣20積分加刪文 !
第一次會鎖帖，
第二次會扣分。
你可對官網內容有感想但不要複製其內容。
留下對應官網內容之連結不在此限。

如你可以的話，請留下你的感想部份並刪除官網那部份的內容。
以便我留下帖子不關帖可繼續討論。
多謝合作。

凌雲EX

又出初心= =

大快奶

~星星月亮太陽~ 發表於 12-4-16 08:34 PM
請樓主以及各位睇帖者留意，
不經修改複製官網內容, 將會扣20積分加刪文 !
第一次會鎖帖，

你傻架 版主???
不嬲都可以貼官網內容
如果不 複製其內容 點討論??

～杰～

官網我10年唔開1次
如果唔係POST左上黎
又MISS左買初心機會

Kz_so

d人又搶初心啦

~星星月亮太陽~

我真係想問，我同官方無關係...
1.我會第一時間知有咩賣?
2.況且你整走少少野就已經無問題，又係貪方便?
3.佢一出野，就成張複製。
我又真係見有人被扣過分喎，果時我都只係一個CD-ROM。
所以...我想講...唔係一向無問題。我唔知你睇左依個版幾耐啦?
4.你想知賣既野有幾多數量，唔應該上官網睇?淨係識得買野先上去?
我唔會再回應你地依D只係識得針對我/Gameone既回覆。
由第一次問我版主要做咩，到之後點解唔比買/賣帖置頂。
就知道你地只係習慣依度無版主，由依個版無規無矩。
更加反映你地既行為真係好鬼小朋友，只係識大吵大鬧。

hh2000fun

回覆 ~星星月亮太陽~ 的帖子

我頂版主心平氣和討論，但系他們講的都有些道理

大快奶

回覆 ~星星月亮太陽~ 的帖子

版主 唔知邊個小朋友呢
做人咁鬼斤斤計較做咩先?
依家講緊 點解唔可以貼官網野 來討論丫
唔該你一件歸一件啦~
1.個討論區唔係你私人所有既 係方便大家睇 有幾可人 日日會上官網有野公布?之前gameone有出野就會 依家呢 有時隔成個月 都冇野更新~
2.既然討論區 唔係討論 咁討論的咩呢?
3.見人扣過咩 咩情形? 我都見人扣 只係有人post同類型既 咪比人扣囉 依家哩個有冇先?
4.有人見到 討論區有人poet野出,咪自然上返官網睇返有咩問題?難道要呃你幾分 有寶丫?
版主 哩d唔係針對 少少量度都冇..?如果針對你 就會所有post都有我既針對語句啦
我地係想公平的ja 咁都有錯..?
難道特首有錯 市民冇權表達自己意見?
哩d 行為都算小朋友?

myloveken

~星星月亮太陽~ 發表於 12-4-17 08:09 AM
我真係想問，我同官方無關係...
1.我會第一時間知有咩賣?
2.況且你整走少少野就已經無問題，又係貪方便?

其實里個版唔算多人, 係近里一兩個月左右熱鬧少少~

如果有人洗版, 亂發POST里D真係要管一管, 有版主係度點都好D~

雖然版有版規, 只要唔係過份, 細節既野唔駛咁嚴謹既~

難得有人發POST, 咪寬鬆下~

~星星月亮太陽~

回覆 hh2000fun 的帖子

雖然宜家已經唔係點樣出包...只係係官網賣野...
但係我想講...
已前出包，會有2KF商店帖講果包有咩可以預訂之類。
抄官網原文講包既資料係真係會扣分的。
唔係我先有唔批準原文抄依件事，你可能會覺得大驚小怪啦...
心得交得版係一定有依條好明確既版規列出黎。
日子係 07年9月8日。
http://www.2000fun.com/thread-134-1-1.html

我唔係反對發帖，我讚賞發消息既人士。
但如果係跟官網複製內容，我就認為會懶左少少。
我要求好簡單，你複製完內容。
只需整走少少野，我就唔當成篇複製。
一件好少既事，可以引到3個人互相加Good搞小動作，我真係拍手掌的。
至於依3個人係針對件事定針對人，我就唔評論了。

myloveken

~星星月亮太陽~都係第一次做板主, 任何人做野都冇絕對100%一定岩~

大家都係想古龍板好, 如果佢有咩做得唔係咁好, 大家咪互相指點下, 冇必要為左各種小事係度辯駁~

如果冇左板主, 俾D人亂咁洗POST 洗版 推N年前POST等等就唔好, 之前一直冇人理, 攪到個板有D亂七八糟~

大家就體諒下板主, 佢都係想做好自己本份~

~星星月亮太陽~

回覆 myloveken 的帖子

首先，很多謝你善意的回應。
Copy&Paste係人都識做，
好老實如果我真係斤斤計較，直接鎖帖不是更乾脆嗎?
我又何必出言建議樓主令帖子質素提升?
我本身無意想做版主。但根本無人願意承擔版主職務既時候，
我覺得我應該要做一點事，將依個版撥亂反正。
搞亂一個地方好易，搞好一個地方好難。
做版主要額外花心機時間去睇住唔好出亂子，
而且無辦法滿足所有人既需要。
我只係知道我很累....

myloveken

~星星月亮太陽~ 發表於 12-4-17 02:02 PM
回覆 myloveken 的帖子

首先，很多謝你善意的回應。

板主責任係睇住個板, 只要唔係攪亂個板, 你基本上可以唔駛點理, 必要時出作適當處分就OK~

同埋唔好俾壓力自己~加油~~

beaubobo

Deq加咩？

~星星月亮太陽~

回覆 beaubobo 的帖子

初心者財富卡請查看
http://gl.gameone.com/nsgu/index ... ews&newsid=4109
財富卡換領員在皇城雜貨店上方 (60744 14104)

金鑽換領券與少林系列防具請查看
http://gl.gameone.com/nsgu/index ... ews&newsid=4072
金鑽換領員在平南城內右方 (48360 25896)

～杰～

我真係睇到火都黎囉
咩叫吹水板呀?
#%@%$@#^#$^

HiMsPaCe

一向都係唔俾全COPY唔修改的, 唔執行唔代表冇錯

凌雲EX

講多冇謂,行動最實際