討論一下 "路飛 和 羅" 結盟一事

龍皇孔明

我應該"羅"想路飛當上四皇之一

1. 在海軍總部一戰 ,路飛得到白胡子認同.而且佢係艾斯弟弟.所以如果路飛當上四皇之一,以前白胡子有不少海盜都會幫路飛.
2. 四皇之一的紅髮同路飛有密切關係. 佢都好希望路飛出人頭地.
3. 現在世界政府對路飛不會看少, 因為佢GA人物關係網太大. 無論海軍,七武海,國家,四皇, 都可以有人可以同路飛拉上關係.

LAST :
大家記唔記打七武海影子之後翻滾海賊團果個羅拉,佢講佢係系"新世界出生" ,而羅拉的母親據說是個相當厲害的海賊,
目前母女各用身上所擁有的「生命卡」互相確認是否平安無事. 暫時需然沒有證據證明,但我覺得羅拉的母親有可能係BIG MAN.

timmy0009

小弟點都唔想見到路飛做4皇，路飛自己一定唔會做，佢講到明做海賊王,以佢簡單思維，剩係會諗海賊->海賊王,唔會諗海賊->7武海/4皇->海賊王
反而我想羅做4皇,有佢係度,世界政府有排煩:),而且我睇羅對路飛離奇地敬重，當家前當家後，羅已經做左路飛半個手下,做兄弟,佢知道路飛冇機心,潛力又勁,唔洗利用佢,一齊合作,幫佢上位到海賊王,自己又可以因而上位,做到大海賊就ok,因為唔係個個都以海賊王為目標,至少白胡子甘願做4皇,唔做海賊王,睇羅都唔會想做海賊王,太麻煩,四圍打,做4皇方便得多,固守領土便可。
白胡子就算有海賊想幫路飛，路飛擺明都唔會要..........打海軍本部只係情況緊迫,唔接受支援救唔到艾斯。
路飛只係接受認同為同伴的人的幫助，同盟的幫助就係另一回事,叫合作,互幫
正正就係因為有4皇係紅髮,紅髮同路飛交情非淺，如果路飛做4皇，路飛可能同紅髮有利益衝突之餘，另外2個4皇唔會視若無睹(Big man 已經同路飛反面)，可能4皇vs4皇vs4皇vs4皇,到時仲pk過打海軍本部,4敗俱傷,仲要路飛10個人都冇,冇得打,就算有主角不敗定律都好麻煩，又黎主角掃哂一堆4皇卒仔，劇情就變爛。
而且,路飛同鯨魚(sor,已經唔記得咩名)有約定,有1日一定要搵返佢,環繞海洋一周,做4皇就表示唔可以離開新世界,所以海賊王先可以周圍打:),做到海賊王

絕對冇力

我覺得應該打黑胡子....

lamtong

我反而覺得羅係另有目的，經過兩年之後，大家唔覺得佢之前既同伴去哂邊? 呢個迷好有問題!!!!
所以今次羅係為左某目的而利用路飛同佢D同伴既，
另外，路飛思想單純，一聽完要拉某4皇就立即答應，明顯一係黑胡子,一係BIGMAN，我唸得依兩個可能性。
個人認為  羅既性格大改變係關於其羅同伴，可能係同伴比某4皇KO，希望想報復!(純粹推斷)
而且今集講左得路飛、桌洛同山治有霸氣，其實力已經係無如論比，對?
所以就算羅有咩問題，我唸路飛都足夠KO佢!

asddsa1357

我反而覺得路飛同羅打係未知之數   羅開ROOM可以斬人  同時可以防止人近距離攻擊佢    唸落羅個能力都好屈
  

剎洛斯v霍爾丁

asddsa1357 發表於 12-5-24 09:19 PM
我反而覺得路飛同羅打係未知之數   羅開ROOM可以斬人  同時可以防止人近距離攻擊佢    唸落羅個能力都好屈
...

我覺得羅果實能力屈  但體技應該唔係太強

淚.

回覆 asddsa1357 的帖子

有霸氣=果實能力無效

凸唯而出

我就覺得佢地同盟只會到打敗左其中一個四皇就完
而果個四皇,我估係big mum

堅定

timmy0009 發表於 12-5-24 04:05 PM
小弟點都唔想見到路飛做4皇，路飛自己一定唔會做，佢講到明做海賊王,以佢簡單思維，剩係會諗海賊->海賊王, ...

重點是，羅就說了要打倒哪一位四皇！
可能是黑胡，但絕不是紅髮

TF001

堅定 發表於 12-5-25 05:26 PM
重點是，羅就說了要打倒哪一位四皇！
可能是黑胡，但絕不是紅髮

會唔會其實羅真係講會拉紅髮落黎呢?而路飛肯答應,係因為想知道佢地用d咩方法拉佢落黎之餘再話俾紅髮知,如果路飛唔同意同佢結盟的話,佢d同伙就唔可以回復原狀,而且就算路飛唔同意,佢亦會找其他海賊結盟,咁樣路飛就唔知佢地既計劃。

以上純粹個人忽發奇想,大可不用理會  :)

絕對冇力

樓上...以路飛性格

如果羅唔幫佢d同伙回復原狀 又係正佢面前出現 咁就真係 路飛vs羅!!!!

----而且就算路飛唔同意,佢亦會找其他海賊結盟,咁樣路飛就唔知佢地既計劃----

路飛邊會諗到咁長遠@@

揚名‧火龍

回覆 timmy0009 的帖子

我想更正你小小野...
首先.羅係人都叫當家既.未必係佢對luffy特別敬重
同埋.羅想唔想上位仲係未知之數.唔可以咁快斷定佢想借luffy上位做大海賊.4皇
仲有.邊個話做左4皇唔可以離開新世界?白胡子佢地算唔算離開左新世界呢?
我唔敢肯定紅髮係風車村個時已經做左4皇.但係你呢個講法未免太武斷啦掛?

ivanloveu

好期待 打黑鬍子......黑鬍子 係 西方歷史上 都 顯赫一時.而且作者對 黑鬍子 都情有獨鍾...應該無咁易被KO, 至於佢果兩種能力,,不能對 霸氣 有所突破, 幾勁都好 都係不堪一擊......

壽司－ｖ－

羅一定唔會揀紅髮=_=
羅當時都係頂上之戰,
佢知道紅髮同路飛既關係...

淚.

回覆 壽司－ｖ－ 的帖子

你諗得太美好喇,話唔定就係紅髮,之後路飛同羅打呢?

壺一v一

相反我覺得羅想利用路飛噹上四皇
佢現在係7武海, 受政府管理/保護
如果佢成為四皇之一, 佢就可以脫離左7武海就代表唔受政府的小小監管
噹然之後政府就緊係都唔敢亂向佢出手
~~~~~~~~~~~~~~~~~~~~~~~~~~~
羅一定唔會簡打紅髮, 頂上一戰紅髮出場都已經威嚇到全部人同應該都知佢地有咩關係
同埋無可以會打黑胡, 因為肯定知道唔夠佢打, 就算係打黑胡的話, 路飛一定唔會係覺得好玩的表情
如下兩個....我相信會係打大老母

hihi12312

未必 打得到 4天王之1
唔好看小心

壽司－ｖ－

淚. 發表於 12-5-26 12:01 AM
回覆 壽司－ｖ－ 的帖子

你諗得太美好喇,話唔定就係紅髮,之後路飛同羅打呢? ...

羅揀紅髮的話會出現以下幾個可能性:
1. 路飛未知情下答應了
2. 路飛與羅大打出手
3. 紅髮自動退出四皇行列,讓位路飛,羅搶奪

以下為各種解釋:
1. 即使出現呢個情況,路飛去到見到紅髮都係唔會出手
所以羅揀紅髮就等於多此一舉,
反而令路飛覺得羅對紅髮不利,做埋敵人

2. 出現呢個情況既後果會令到有機會one piece爛尾以及之前種下的伏筆而破壞日後劇情
路飛敗陣: 主角修練兩年後仍敗於一個同時期出身的七武海超新星,實為一醜
                  霸王色霸氣使用者敗於霸氣使用者(除非羅都係霸王色),實為二醜,枉當日吹到霸王色有幾勁...
                  被羅打敗後,日後劇情難以鋪排
羅敗陣: 之前所有伏筆將化為烏有
              七武海再多一空缺,令劇情拖長
         
註: 尾田而家都仲未講過所有超新星互打,而其中原因係唔想讀者知道邊個最勁,邊個最廢...

3. 呢個可能性肯定係最低,
即使紅髮讓位比路飛,羅搶奪,
紅髮都係會報仇,殺左羅做返四皇...


所以我唔明尾田點解要揀紅髮做挑戰目標...
我唔係諗得太美好,而係講呢個句野之前已經諗好晒如果真係挑戰紅髮會有咩事情出現

☆開心包★

timmy0009 發表於 12-5-24 04:05 PM
小弟點都唔想見到路飛做4皇，路飛自己一定唔會做，佢講到明做海賊王,以佢簡單思維，剩係會諗海賊->海賊王, ...

1. 四皇同海賊王都係一個人地比既稱呼, 四皇大概係四個最出名、最勁既海賊,
而要得到海賊王呢個稱號, 大概要做到既應該係航行偉大航路一個圈
所以, 四皇同海賊王個稱號係冇抵觸, 路飛可以係海賊王,同時亦都可以係四皇

2. 羅冇對路飛特別敬重, 佢對好多人都係稱呼為當家,絕對唔係路飛半個手下, 同埋羅既野心唔細, 佢想成為海賊王唔出奇

12-5-26 11:57 PM 上傳

下載附件 (360.72 KB)

4.路飛只係接受認同為同伴的人的幫助? 何以見得?

5.做4皇就表示唔可以離開新世界? 何以見得?

☆開心包★

TF001 發表於 12-5-25 06:16 PM
會唔會其實羅真係講會拉紅髮落黎呢?而路飛肯答應,係因為想知道佢地用d咩方法拉佢落黎之餘再話俾紅髮知,如 ...

這是不可能的
因為路飛是一名笨蛋