好辛苦呀..點做好..?

Garenets

小弟最近識左一個女朋友..佢拍拖既次數計埋網戀都最少都50次
之前就兩三日鬧一次交 因為佢同d男仔挽得太密 but而家都冇咩野
係唯一一個男仔好似冇咩點變 重係咁密下..
最近就鬧多次交 就係佢同個男仔成日單獨咁係埋一齊
搞到我成日係到亂諗.. 今次鬧交之後 佢都話同佢冇野
話我成日亂諗之後嬲左我 但係我又覺得佢地有野暪我咁..
而家好返了 但係d關係就搞到好差同好薑 雖然重有傾計 但係得個兩三句..
同埋我重係覺得佢地有野暪我.. 同埋都係好密咁挽 冇變過
我問佢 我地可吾可以好似以前咁 吾想有條刺..
佢答 可以 只要多d傾返計就得 就話我吾得
我想問下有咩方法可以好似以前咁..?
小弟是初戀...

sukiyaya

回覆 Garenets 的帖子

感情係相向的, 冇話一方努力就可回到以前的感情.
想挽回的就兩方一齊努力.

另外, 感情最重要的一點係信任,尊重同溝通
同異性玩得埋唔代表其中有野.

1.學住去相信. 如果佢有心呃你的, 你就當係經驗.
不過~~~記住一點. 你付出左幾多唔=對方會同樣付出.
2.尊重對方, 你係同佢拍拖, 而唔係入侵佢的私人空間.
將心比心, 你會唔會想你女朋友日日管住你, 日日問你係米同你d女仔fd有路.
留反d私人空間比大家
3.要有適當的溝通, 始終係2個人, 有唔同的習性, 性格, 生活. 冇可能剛剛開始就會極之合拍
不了解的就開聲講, 記住係要和平溝通, 當傾計咁. 一feel到就鬧交就要stop了.

以上3點唔係個個都做到, 但係在感情上係每個人都可以學到.
另外一個貼心見議, 聽完你會想通：
如果佢係屬於你的, 你唔洗管佢, 佢都會留在你身邊.
但如果佢不屬於你的, 就算你點管佢, 佢終有一日會離開你.

e句話唔係話你聽 會失去. 而係適當地放輕, 比反d私人空間大家. 會令感情更有進展空間.

Garenets

sukiyaya 發表於 12-9-15 05:20 PM
回覆 Garenets 的帖子

感情係相向的, 冇話一方努力就可回到以前的感情.

但係我試過主動搵佢傾計 但係佢好似好多野做咁.. 都係一兩句
已經係吾多搵佢 吾想阻到佢..

sukiyaya

回覆 Garenets 的帖子

如果係咁的. 總會有一日, 你地會約出黎見. 咁到時再傾.
如果佢得閒的 米傾幾句.

同你分享下我的經歷.
我同我男朋友剛剛開始時, 大家都好忙. 我個時讀緊設計學院 功課好忙. 佢反工都好忙.
大家就大家. 試過最高紀錄 一個多月冇見過, 電話都唔多講. msg都唔多send
但我地都冇懷疑過對方係米有出軌e d. 因為一個字:信!
到我畢業 而家出黎做野了. 雖然反工好累, 我地都會keep住一星期見2-3天.
我同佢都收好夜 我收10點 佢收11點. 但都會出黎見, 一見就見到半夜4,5點先反屋企.
雖然第2日反工會好眼訓, 但係都會覺得好滿足.

咁講唔係曬幸福, 而家想講有d野一開始未必係完美. 要靠一朝一夕黎建立信任同感情.
感情e d野唔急得, 慢慢黎了^^

Garenets

回覆 sukiyaya 的帖子

thx 你既意見 ;慢慢學會信任

loveyoujj520

你要戀愛就要有信任   如果冇左信任會好辛苦   
你要努力學習下信任女友   

信任係好容易講出口  但做起上黎係唔易
唔好好似我咁   架下對異性冇晒信心   冇得後悔架啦  

ilyinyin0526

算吧喇
依D女遲早同佢散
早D回頭識過第2個喇

ＭＡＮＤＹ

個女仔幾多歲先??

Garenets

回覆 ＭＡＮＤＹ 的帖子

佢15歲 中五

ＭＡＮＤＹ

Garenets 發表於 12-9-16 03:46 PM
回覆 ＭＡＮＤＹ 的帖子

佢15歲 中五

15歲中五思想上都未成熟,

對感情唔會好認真的,

你最好解決左個女仔對愛情既認真度先,

唔係既話,你做咩野,佢都唔會改變的.

Garenets

回覆 ＭＡＮＤＹ 的帖子

其實之前鬧交個時 我有次真係好嬲 之後講埋不如我地分開下
但係佢冇咁做 佢重好極力咁挽救呢段感情
同埋點先可以知道個女仔對呢段感情有幾認真..?

ＭＡＮＤＹ

Garenets 發表於 12-9-17 06:20 PM
回覆 ＭＡＮＤＹ 的帖子

其實之前鬧交個時 我有次真係好嬲 之後講埋不如我地分開下

睇佢平時係咪好關心你,係咪真係對眼望住你講野,

同埋會唔會為你喊,仲有會唔會不時買野俾你食,

呢d行為可以反映出男仔/女仔係咪對你認真的.

Garenets

回覆 ＭＡＮＤＹ 的帖子

佢有時對我緊有時就無咩反應   有次我可能要離開佢幾個月 佢就喊左出黎  傾計個時 都多數都係對望雙眼的

ＭＡＮＤＹ

Garenets 發表於 12-9-17 08:25 PM
回覆 ＭＡＮＤＹ 的帖子

佢有時對我緊有時就無咩反應   有次我可能要離開佢幾個月 佢就喊左出黎  傾計個時 ...

嗯...佢都算係重視你既,

但係都係需要多一段時間去了解,

始終佢15歲,思想上仲未成熟.

Garenets

回覆 ＭＡＮＤＹ 的帖子

咁以後同佢鬧交個時 有咩方法可以哄返佢..?

ＭＡＮＤＹ

Garenets 發表於 12-9-18 09:05 PM
回覆 ＭＡＮＤＹ 的帖子

咁以後同佢鬧交個時 有咩方法可以哄返佢..?

盡量唔好同佢嘈啦,控制下自己脾氣,

如果嘈既話你唔好繼續同佢嘈落去.

sukiyaya

回覆 Garenets 的帖子

嗯,,,我反而覺得. 適當的爭吵係有助提升感情.
不過嘈完的事後工作, 一定要做得好.
如果唔係就無了期冷戰了~~

〞kIu﹑

個女仔拍拖次數你都識講係50次以上..
證明佢對愛情都幾唔認真

Garenets

回覆 ＭＡＮＤＹ 的帖子

我已經盡量比自由佢 但係佢有時明知我係到 都係吾理我..

〞kIu﹑

Garenets 發表於 12-9-19 07:47 PM
回覆 ＭＡＮＤＹ 的帖子

我已經盡量比自由佢 但係佢有時明知我係到 都係吾理我.. ...

你有冇同佢傾下呢個問題啊?
如果都係咁既話,可能真係要進一步行動