港商內地被綁架靠法國護照保命 員工奔波四地救參72小時

c396437

【本報訊】一名香港商人，上月隨友人往澳門賭場貴賓廳耍樂，懷疑誤中叠碼仔圈套，遭人在珠海綁架，綁匪勒索300萬，並恐嚇會用刀逐忽切。肉參暗中致電其私人助理，要求報警。結果，這名員工為了營救老闆，展開一幕真實版的「救參72小時」，三天內踏遍深圳、珠海、中山、廣州，但被公安視作人球般踢來踢去，最後，他記起老闆有一本法國護照，奔入法國駐廣州總領事館求救，終於在珠海坦洲將肉參救出。記者：林子游　江戈

遭綁架的港商今年50歲，做中港貿易，經常往來深、港、澳三地。由於案中仍有多名綁匪在逃，他害怕遭報復，婉拒訪問。至於營救他的33歲私人助理Alvin，向《蘋果》講述72小時救參過程時，不無感慨。
據悉，7月30日，富商應生意朋友邀約，到澳門某賭場貴賓廳玩百家樂，其間懷疑墮入叠碼仔設下的綁架圈套。
「當日凌晨兩點，老闆突然有急事趕返大陸，但拱北關閘已經閂咗；叠碼仔話有方法安排佢返珠海，仲有車接送㖭。老闆結果成功過關，登上一架載咗五個人嘅七人車，點知對方就係綁匪集團」。
與老闆失去聯絡兩天的Alvin，終於在8月1日下午3時接到老闆電話。「當時老闆叫我將300萬人民幣存入佢個人戶口，話佢有好緊急用途。通話最尾佢壓低聲音、用英文講咗句『Call police』，我知佢出事」。

Alvin抵達金斗派出所後，公安着他返珠海等消息。
到派出所報案被當人球
Alvin當時在深圳，馬上到附近派出所報案，卻被當「人球」。深圳公安稱案件在澳門或珠海發生，理應到該區報案；Alvin即乘船趕赴珠海九洲港派出所，對方稱「犯案位置不對」，又叫他到拱北警署。拱北警署指會找刑偵隊長來見他錄口供。
以為遇到救星，豈料「等咗幾個鐘至話隊長唔得閒，叫我返香港等消息！第二日，老闆按綁匪吩咐打畀我，要求先支付20萬贖金。我幾經辛苦終於搵到刑事隊長，但佢竟然話畀唔畀贖金我哋自己決定，畀嘅話就約綁匪出嚟，佢哋至會拉人！」

利用手機號碼鎖定位置
無奈之下，Alvin想起老闆持法國護照。8月2日下午，他再乘火車到法國駐廣州總領事館求助，對方馬上聯絡廣東省公安廳，「領事館職員話利用公民登記嘅手機號碼，鎖定藏參位置，然後交畀公安廳」。
Alvin還不放心，當晚返港後，到住所附近警署報案，負責錄口供的探員同樣稱會通報廣東省公安廳。雙重施壓下，營救行動在8月3日終現出曙光。「廣東省公安廳打畀我，叫我上中山金斗派出所報案；有咗之前經驗，我特別吩咐對方預先通報嗰間派出所」。
怎料，當日下午抵達金斗派出所，繼續被「老點」，公安叫他返珠海等消息。雙方爭論數小時，直至找到致電給他的廣東省公安廳人員，由他與派出所負責人直接對話，待遇才180度轉變。「派出所負責人即刻變臉，連飯都唔食幫我落口供。當晚凌晨3點，我就收到公安電話，話喺坦洲一個果園嘅荒廢村屋救番老闆，可惜只係拉到一個綁匪」。他說，事後公安還向他說：「大陸公安係咪好有效率呢？」
回憶整宗案件，Alvin想不到港人在大陸被綁架，獲救的關鍵竟然是一本法國護照，令人慨嘆。


頭先有條五毛話香港人唔幫內地對我地好失望
咁邊個幫我地香港人???

gates

返大陸真係要好小心.............

Jxm

咁有效率ar?被拉果個都唔知係唔係d公安搵黎頂罪



VERY GOOD
有效率
人民既安全靠佢地啦

小洋少

好啦 香港以後屬於法國就好 唔洗爭

lee111

信大陸正一on9

curapica2

他說，事後公安還向他說：「大陸公安係咪好有效率呢？」

真係屌你老母仆街死~

---------------
各位~記得整番本護照