一時一樣 唔知佢想點:'((((問佢野又係度迴避(字海)

longkit123

最近同女朋友出現左D問題

佢一直都表現得好想分手咁

咁我以為分硬手啦 打算約佢出黎講清楚

但係見到面果時 佢又話 唔想分手喎

咁好啦 咁佢話唔想分手我緊係開心啦

但係到第兩日

佢對我唔瞅唔睬

問佢做咩 想點

又係度迴避我問題 扮聽唔到 扯開E個話題

之後到左夜晚 佢突然sd信息黎話
諗得好清楚 唔想分手
佢知自己對我好冷淡
以後唔會果d啦

但係我話想分開一下 比時間大家(我想我講錯了)
佢就好似好唔開心咁回我: 5

咁分開左一日啦 冇講野冇交流咁

又過左一日啦 佢同我講 都係做番朋友啦

咁我緊係盡力挽留佢啦

但係當我問親佢我地之間d野嘅時候 又迴避

完全唔知佢想點囉     我知佢咁樣  有d係因為我自己處理得唔好

我挽留佢果陣 講話好愛佢 唔想冇左佢果d野果時 佢又會偷偷地笑 (唔知係咪我錯覺咁啦

咁朝早佢話分手 下午我挽留完佢之後 佢都冇講d乜野

到我夜晚走果時 佢突然同我講話想剪髮

咁我覺得怪怪地冇啦啦同我講  之後諗佢咁講係想我陪佢啦 所以我就同佢講 不如我陪你去啦

佢又冇拒絕喎 咁一邊行果時 見到佢個前度啦 咁我就講 咦 你個前前度男友喎 佢話咩前前度呀 前度咋嘛

之後有幾次都話我地未分手 話我係佢男友

又話唔捨得我 又好似平時咁樣又捉住我隻手 又訓落我博頭度咁..

我以為唔洗分手 可以係番埋一齊啦

但係臨走果時 佢話可以再諗下分唔分手

之後就走左.

我唔知佢諗咩呀 一時唔想分手 突然間就想分手
我覺得佢又唔係完全想分手 如果係想分手 佢係可以好決絕咁同我講分手啦 唔好煩我
但係e家佢唔單只冇 重當我好似佢男友咁

我有諗過佢係咪玩緊我 但係又諗唔到佢點解要玩我

我唔知點哄佢 點做 唔知佢想點

sad  我唔想同佢分手 經歷左咁多野 唔想咁就放棄d段感情
我想盡力挽救先

hoyin2234

其實我又覺得佢唔多似係玩你...反而似係有第三者介入..而佢仲未諗清楚點做

longkit123

回覆 hoyin2234 的帖子

第三者.....................
我哭了

longkit123

回覆 hoyin2234 的帖子

之前因為傾到將來嘅問題 佢覺得同我一齊冇將來
想分手 但係後尾佢又唔想分手

會唔會因為咁...所以:....

sukiyaya

回覆 longkit123 的帖子

我挽留佢果陣 講話好愛佢 唔想冇左佢果d野果時 佢又會偷偷地笑

e個女仔慣用的試探手法. 對你若即若離, 時冷時熱, 時不時拋分手理由.
佢想試下你仲係米緊佢.

第2, 有機會好似版主所講咁, 係有第3者出現.
都唔排除有e個可能.

挽留係可以, 但係挽留太多次就要想想值唔值得.

一段冇未來的愛情, 就算你點挽留都係冇未來.
不過, 都會有奇蹟ge~~~

如果努力過了, 挽回過了, 都係唔得的. 唔洗灰心.
始終你都有為e段感情掙扎同爭取過^^

無論點都好, 先祝福你^^

〞kIu﹑

你地幾多歲呀?如果好細個既,咁又真係好難講將來

hoyin2234

sukiyaya 發表於 12-9-27 07:40 PM
回覆 longkit123 的帖子

我挽留佢果陣 講話好愛佢 唔想冇左佢果d野果時 佢又會偷偷地笑

無錯..佢有講過分手..其實都證明佢開始變心
你講咩都好 只能留得住佢個人 但留唔住佢個心

其實樓主 大家只係拍拖啫 又吾係簽左賣身契
能夠白頭到老係一件好事..但唔能夠強求...
話雖如此 相信你已經能夠o係依段期間入面學到好多野
要學會感激 感激一個改變到你既人

ＭＡＮＤＹ

longkit123 發表於 12-9-27 05:03 PM
回覆 hoyin2234 的帖子

第三者.....................

男人要堅強一點,

俾信心自己,唔好咁容易喊呢