分手了

longkit123

http://www.2000fun.com/thread-5129977-1-1.html

拖左兩個禮拜

琴日終於下定決心同佢講分手

自從上左中學 都冇再喊過

我以為自己人大左堅強左冇咁易喊

我一早諗好一大埋野同佢講

點知臨講果一刻 我同佢d回憶係我腦海中 不停湧出黎

我的淚完全不受控制 一滴又一滴

用左好耐時間先講得哂我想講嘅野

有時候我真係好憎自己點解咁冇用

讀書又差 又冇毅力

今次分手係女友屋企人同我女友研究過

覺得我屋企冇錢 成績又差  而我女友屋企又有有地錢.

我咁嘅情況 跟本就冇將來 佢又幾大洗

我大過出黎搵錢 要比番佢 佢E家咁嘅生活佢都好難好難

次次一講到成績同錢 我就好自卑 好憎自己

E個原因而分手 對我黎講真係好殘酷 我真係接受唔到

真係好憎自己 點解細個唔讀好D

SOSAD

〞kIu﹑

依家開始努力啦

Garenets

你今年中幾呀? 初中既話要追返吾難 高中就要狗沖嫁啦

longkit123

中五了
真係要狗沖-.-

warrence

讀好書再努力找一個吧

hoyin2234

朋友 你依家已經中五 係時候緊張下自己既成績
你俾你前女友&佢屋企人睇唔起係好正常 亦反映左個社會現象 ─── 人係好現實
出到黎社會 大把人都係用依種眼光睇人
希望閣下唔好因為咁而信心 相反 你要用佢作為你發奮既動力
證明俾人睇 「就算屋企冇錢 舊時既成績又唔多好 但只要有上進心 一樣可以有成就」
分手總會傷心 唔需要強忍眼淚 盡情喊出黎 然後重新振作
加油!

花濺淚v3v

既然hoyin溫柔地鼓勵左你
等我殘酷地鬧醒你

呢個社會乜都講錢
你同女朋友出街食飯睇戲
睇落好似簡簡單單
但系分分鐘講緊200幾300蚊
你想條女食得好著得好?
你淨系帶一張500紙出街絕對系連車錢都會無得淨

點先有錢?　你連書都讀吾掂
你都咪洗指意第時有錢交房租
你宜家乜都食屋企住屋企
連零用錢車錢飯錢雜費乜都系屋企出錢
好多中學雞以為自己有返過Part-time好威?
賺賺埋埋D錢咪又系比自己少爺仔洗　當家用?

人地宜家嫌棄你窮　嫌棄你無錢呀
你醒未呀?　我系你就拿拿臨考好個DSE
之後入最Top果三間大學讀商科啦
讀完四年之後你咪以為自己就可以搵份有錢有油水既工呀
你去外國讀多2~3年大學
學費?　你去人地快餐店洗碗啦
你仲想要乜野霸氣?　你仲想型?
你剪頭髮、買衫、買髮泥既錢都系屋企出架咋
你貢獻過D咩?　你肯醒未?

你要話比自己聽
你已經無得輸　吾可以再比人睇你吾起
你將來要渣住架跑車　停系你前度既屋企樓下響安
大大聲話比佢知　多謝你當年飛左我
如果吾系因為你當時咁狠心飛左我
我都吾會有今時今日既成就

希望你真系會發奮做人啦
有無將來　吾系由人地話比你知
而系憑你自己雙手創造出黎

__anSOn

讀書唔成唔代表搵唔到錢...
只係要比有讀書既人辛苦d姐

例如:
你做sales...你sale得叻...一個月搵2萬以上都得
你做salon...你勤力去學去諗...一樣可以剪個頭收幾百至一千蚊嫁

睇下你自己點去努力嫁姐
愛唔一定建立係錢上面

loveyoujj520

讀唔到書唔等於冇前途
世上咩工作都有前途   冇一種工作係冇前途
唔好再聽d人話 你讀唔成書只可以做d冇前途既工

清潔工人唔係冇前途   佢係清潔垃圾  試諗下一個社會冇左清潔工人  會有幾多垃圾出現
冇裝修工人   會唔會有咁多房屋出現
唔係呢d工冇前途  只係個d人睇唔起呢d工種

人地睇唔起你唔係問題   最緊要唔好自己都睇唔起自己      

樓上話salon搵到食    呢行係最難搵食既行業    我做呢行可以話做salon全部都係對髮型有興趣   如果真係想搵錢養家呢  髮型唔多岩  做髮型你係要一路做一路洗錢 仲要一路草錢    洗錢係你要不停自己出去學野  草錢係你一定要出國進修  先會易賺錢

花濺淚v3v

__anSOn 發表於 12-10-4 03:42 PM
讀書唔成唔代表搵唔到錢...
只係要比有讀書既人辛苦d姐

宜家佢仲有時間去追
佢岩岩先中五
點解要咁快比藉口佢吾讀書呢?

「讀書吾成吾代表搵吾到食」
我覺得呢句說話　對住一個仲未去到最後關頭既中學生黎講
絕對無正面作用

呢個世界
天份生成　吾系人人都可以好聰明
但系大家所擁有既時間都一樣
我地吾可以抹殺後天努力既人
更加吾可以比人睇死
更加吾可以比藉口自己

與其比時間去諗藉口編一個理由比自己
不如執起本書　認真咀嚼每一隻字

樓主你宜家先中五
你系咪諗住一直HEA上去　直到考公開試呢?

我見過有好多人話自己吾系讀書既材料
但系上堂就吾認真聽書
有聽書但系吾返屋企閉關重溫同備課
又或者無耐力去跑嬴讀書馬拉松

一字記之曰：毅

盡快忘記失戀既傷痛
尋找書中裡面既黃金屋啦

吾好畢左業之後先黎後悔
更加吾好令支持你既人失望
你有付上全力　你跑輸左　無人會怪你
但系如果你根本就無努力　你跑嬴左 (吾讀書打天才波負碌入大學　無可能你死心)
其實都只系一個輸家

ＭＡＮＤＹ

過去左唔好再諗啦,,展望將來,

加油努力,大把人支持你的

CHoK!麟=)

巴打，唔開心一定會有既，喊左出黎舒服d!但見到你因為呢件事都有反思有得著呀，所以兩個人一齊真係唔係咁簡單，你已經算係好早階段就認清大家+對方家人價值觀而分開，都係一件好事呀。以後都有可能遇到同樣的問題，所以要做好準備了，唔好令自己再後悔。

sukiyaya

回覆 longkit123 的帖子

嗯.....我反而覺得, 讀唔成書 或 唔係讀書材料 都唔係最大的關鍵.
我覺得最大問題是 樓主你點睇自己.

比你讀完中五, 但你唔中意讀書的, 我覺得出黎做野 好過繼續死讀落去.
讀書都要錢, 因為社會好現實.

我認同讀書時期, 係可以擴大知識. 但係讀得多書, 都唔代表好.
我見過好多死讀書, 但唔識轉彎的人.
都見過好多學歷低, 但搵錢多同有內涵的人.

世上太多例外, 樓主要知的是, 過左去的野唔好去諗.比你諗又點呢, 流失左的時間又唔會反黎.
而家應該係 好好諗下未來, 比d自信自己, 話比自己聽: 我係得的.
如果連你自己都同自己講 唔得. 咁就一世都唔得了^^

諗諗自己將來係適合邊條路, 讀書 進修 定係 出黎做野.
意見可以聽, 但係決定由自己黎.

因為別人的意見 可以害你 都可以幫你, 最重要係取決於自己.

longkit123

多謝你地
我會努力 加油
點都會努力考好DSE!唔會比人睇死!!!!