【10月新番】櫻花莊的寵物女孩(更新第二十四話) 完結

藍燄

低低… 發表於 13-3-26 08:46 PM
上季既自新世界同呢套真係好出色
呢套係我心目中算係神作

自新世界我都有睇 最後個結局都幾發人深省下
化鼠原來係被有能力的人強加左某種鼠類既基因的人類 本質係人 不過外表可以形容係合成獸
大家都有23對基因排列 睇到呢度我都呆左 原來主角佢地一直係度殺緊人....

櫻花莊完左 嘛~ 冇辦法啊 當初揀為呢套動畫開帖真係正確啊 冇揀錯
唔算係神作但係已經非常出色~

藍燄

低低… 發表於 13-3-26 10:18 PM
自新世界係間接講番呢家社會既問題
例如：基因所引起既論理，自由，絕對既權力統治等
成套野某程度係預言 ...

嘛~我同意
自新世界 講既就係人類將來會有既其中一個將來之一
人類有左超能力 就可以自稱為神 不過相對 有d人會冇超能力
而有能力既人為左排除佢地 從而好似而家社會工作咁 對你加以施害 以除去自己將來既威脅
而有d人為左隱瞞而禁止人地做某d事去尋求真相 好似而家部分國家d政府咁 自己做左d衰野之後就唔比下一代既人知道自己既醜陋
可以話令我地人類反思一下科技帶比我地恩惠既同時 相對會令社會上矛盾加深 從而慾望就會導致滅亡

櫻花莊 人生就係充滿歡樂與悲傷
令我諗番岩岩睇銀魂尾美一所講既野
"人生中還有眼淚也沖刷不乾淨的巨大悲傷
還有痛苦會讓你們欲哭無淚
所以真正堅強的人
都是愈是想哭反而笑得愈大聲
懷惴著一切的痛苦和悲傷....
現在想哭就哭個痛快吧!!"

就算努力後得唔到自己應得既回報 但唔代表自己以後唔去努力 反而要保持 甚至更加努力為自己夢想奮鬥
就算不能成功但係起碼自己都有付出努力 如果放棄你就一無所有 只有努力才能令人保持前進~