關於FEZ未來發展,初音回答如下: 19/10更新 PAGE 6

SonyStrike

[GM初音]今天我終於終於終於終於終於終於終於終於終於收到第一個編年史更新版本....令我嘆為觀止....D BUG仲多過國服....國服之前改依個版本都要停機七日...根據過往經驗...修正得黎都可能落雪了...我而家既心情簡直就係粗口都難以形容 :0)

小弟問:之前又話無錢賺~俾唔起錢更新既! 可唔可以解釋下?

答:我笑了,我一直都係強調係無錢賺,公司真係無乜錢可以袋到,咁而家儲夠錢係咪又唔好更新先? 你講啦? 啊, 而家唔更新又唔鐘意, 更新又唔鐘意, 你講晒我無問題咖 :0)

問: 無人講過唔鐘意更新(可能有人,講但我唔知道係邊個,我亦無講過),你強調無錢賺(之前好似話蝕tim),但又儲到錢,想當年fez無人玩果陣,港橙一口氣更新了三隻職業(當時大家都認為會半年出一隻職分開出.) 這次又巧合地情況相同...當無人玩果陣港fez 會非常大方地開放香港玩家應有的福利. 不禁有..巧合 另外,我和其他朋友在online game 所花費最多的金錢就是在fez 所以我一直懷疑呢隻game 到底係唔係無錢賺既. 之前你講到話落廣告 動不動都要幾十萬,但我只見到,同樣都是hk market 既 ava戰地之王可以大b賣廣告,又可以tvb 賣廣告,又雜誌落,即使上youtube 都見到. 相反fez 一隻好game 既promotion 卻非常爛(可能不叫爛,因為都無). 話說回來,港橙代理左咁多遊戲,fez 都賺唔到錢,咁你地有咩game 賺到? 而賺到既可以夠晒你地開支,補埋d 蝕既game? 重點就係 ,點解可以咁遲出更新版本? 係要d 人走晒先出既...可唔可有計畫d ,例如,唔一定要儲夠$$先出,你更新左大家自然會洗錢,marginal profit 可以蓋返之前蝕既$$架ma...

答:如果你係講緊一間公司既運作就完全唔同講法,第一,代理AVA既戲谷,一間公司有幾多隻GAME? 佢可以將公司既資產訓身落去買廣告,第二,橘子係點搵錢? 橘子大GAME多, 講搵得多錢FEZ排到好尾, 我求其UP幾隻GAME都可以賺得多錢過FEZ一倍兩倍三倍四倍都可以, 第三, 每間公司都有唔同既營運策略, 有公司會訓身一鋪過, 但有公司亦會選擇保守態度, 畢竟橘子係自己GAME自己負責既態度, 公司永遠採取開放態度, 只要你賺得返, 佢理得你拎幾多錢出黎做宣傳, 就如我之前所講, 就係FEZ只能夠好似阿婆收埋D錢係床下底等交租一樣, 儲左一年錢, 夠錢買更新買裝備買聲優買FATE ZERO(依個仲傾緊), 咁我地咪拎個D錢出黎用, 但仲有無多餘錢去為一隻4年既遊戲再去做一個大型宣傳? 連阿口米都唔敢訓身, 何況唔係管理財政既我? 我同王子係出面同D廣告商傾過好多平價錢做宣傳, 但依然唔合乎經濟效益, 點解唔買廣告? 點解人地又買? 因為每間公司既策略都唔同, 你用多左錢去做宣傳但又賺唔返, 係公司立場黎講咪即係要其他GAME幫你手賺返個D錢, 咁做乜要咁做呢? 我地幾個GM各自都有其他GAME係手, 就算唔理個D GAME既生死都想FEZ繼續, 但平心而論又係咪一個職員要意氣用事黎亂咁洗錢呢? 講緊係幾十萬, 就算係幾萬, 都真係寧願拎黎向開發商買裝好過, 希望你要明白就算更新左, 之後好多人返黎洗錢, 但個D錢都係為左再下一次既更新/買裝/聲優之類而搵返黎, 唔係為左落廣告而去出咁多國戰商店

注意: 如要知道全文的完整意思,請認真看一次,本人的粗體可能有些斷章取義


總結:在初音的話語之間,相信大家都睇得出,佢認為FEZ係一隻搵唔到大錢既GAME,所以佢地既目標只是在維持經營,但本人卻認為這是一隻潛力股,所以大家有咩方法令到爛橙公司覺得呢隻係賺大錢既GAME呢? 。在不做PROMOTION的情況下, FEZ呢塊餅越來越細,玩家所支付的(平均遊戲更新費用)不斷上升,更新時間間隔一次比一次長(而且越長佢D FIXED COST 越高(EG: 人工,伺服器費)利潤越少....,依我所見,如果繼續這樣的STRATEGY
情況不會改善,只會每況越下。(歸究於黑橙的 公司政策保守),所以港服 可以等摺另外,我對聲優已經無興趣了,EVEN SO IT IS COME FROM FATE/ZERO.......

文章中,初音說到 FEZ的利潤會用來,用於下次更新。 但我會想佢將D profit放係promote 上面  你地又點諗呢?

If you need further information please refer to 初音's facebook.

chaushunkiu

講搵得多錢一定係cso @@

ARChing0v0

其實佢肯出新裝放落黑店未 如果佢出 我都會買少少支持下既
依家fez個交易版長期都係d人收野 無人放野

CH_MG

重點:FATE ZERO(依個仲傾緊)   明年/後年/大後年出唔出到丫?

小星塵

ARChing0v0 發表於 12-10-15 11:52 PM
其實佢肯出新裝放落黑店未 如果佢出 我都會買少少支持下既
依家fez個交易版長期都係d人收野 無人放野 ...

搵鬼抽咩＝　＝
有Ｄ人幾千蚊毛都冇條　

好似上次　國商任　初音講：你唔見裝飾品有野出咩　（可愛的共通裝）

就好似國戰商（你唔見有人中裝咩？）　有咩分別－。－
迷一樣的機率　成日見有人開ＰＯＳＴ　冇貨

反過黎上到ＦＥＺ　有幾多人用緊新武器新裝備（同一件）？　１０隻手指都數到

▇▇　

美洲狼

更新點都緊要過聲優同買裝掛
裝備聲券咪又係放落黑店度錢搵錢
唔買既人好大機會繼續唔買, 買既人之前買完一大咋返黎遲早都愈買愈少
整個大型更新至少可以肯定人人受惠, 又可以借勢宣傳下搞旺返個場
一路keep住隻game無人玩主城無晒影
比你抽晒FATE ZERO咁多件裝咪又係無人睇到
好似金閃閃咁擺晒入倉做王之財寶咩

``Edi

有更新咪好
點解宜家連更新都有人嘈
有錢更新都要解釋..

lpc9999

根據過往經驗...修正得黎都可能落雪了

HK幾時先會有雪落???

warrence

如果黑店易D中我會抽多D

KELVIN3562

warrence 發表於 12-10-16 04:01 AM
如果黑店易D中我會抽多D

易唔易中我就無所謂

最緊要多野抽  黑店黎黎去去都係果幾樣....
我個人喜好法利亞多D 但係20$ 1次真係....仲要比黑店更難中....


其實佢愈得多裝係黑店 理論上係愈多人買點
法利亞真係無哂人去抽 機率太低
黑店個機率可接受, 唯一要改善係 獎品方面 再加多D  畢竟有部份洗錢玩家已經儲齊佢地想要ge黑店野
可能只係差 每期新出ge裝 但係會唔會為左果一件裝去抽又係一回事
第2 貨唔夠...........

63330966

其實與其幫一個半死的病人吊鹽水，我情願做個成功率唔高的大手術

god_snowman

我相信黑店也令不小人唔玩FEZ lol

rewq

其實我支持更新多過做promotion.....你諗下,有更新就會有新血(老手聽到有大更新都應該番來望下咩事啦

只要佢覺得個更新改變左佢地對國戰打來打去都係咁,超級悶既印象(因為有編年戰爭,多野玩,有新地圖

咁就得啦,起碼會多番人流........其實我都拉左個fd入來玩,佢n年前都玩過(電腦問題之後都玩唔到

其實FEZ最大既賣點係戰爭,而裝備同埋聲卷呢d係次要.....而戰爭靠咩?咪就係更新囉,你唔更新,打廿年都係一Q樣,一早轉game啦....唔更新,即係冇希望;冇希望,即係遲早都摺

樓主建議既後果就係:如果promotion成功,咁就可以吸引幾十個人新人來玩;如果衰左,連更新都冇錢做,到時就真係
咁你覺得出一個廣告既效益大d,定更新既效益大d?另外,我想講既係其實gamania可以係beanfun官網到做一下宣傳既...不過佢地肯唔肯就另一回事(多數都唔會做

mahoro

有更新好事黎既, 可以更貼近日服
雖然我都差唔多半年無玩過~v~

dronald

你批評禁多做咩姐~

有得玩城戰已經好好la~
你玩到禁5開心 5好玩la~

d78d70fe

最無用就係聲優卷,最好將尼D錢撥去更新到

d78d70fe

我覺得重點係留舊人,吸新人吧
GM派D打手去第2 D GAME到紅頻大叫玩FEZ~

傻K!nG

分分鐘 個聲優卷 重貴過 一組合裝備價錢a_a
宜家禁多年啦 佢廣告我係認真 出game果陣 睇到係某車站有!? 唔係好記得~~
我認為fez係一隻值得投資GE遊戲 唔好講宣傳先~~
官方連汁汁個官網都唔願意 何來新血!?
宜家只可以靠玩家支持 多教新手 唔好亂踢新手(一個月可能會有幾個 同時有玩家流失)
如果係要更新 不如再一次 草埋廣告錢....
一次過出更新+廣告 唔通GM認為淨係有更新錢 就可以拉返哂D人返黎??至少都係2KF放過廣告話更新A_A
如果官方唔宣傳 玩家們好應該努力了 自己一個傳幾個~~~

kevin987654

講咁多都係無用，p甲問題一日唔攪 hkfez 都唔會多人玩，見到成堆垃圾p甲 重要玩埋聖光，

有佢打你無人打得動佢，俾聖光燒兩野差唔多無左一半血了，
完全係同開外掛沒兩樣

fiy

老老豆豆,我唔建議fez大賣廣告,因為fez呢類型game唔係幾岩香港玩家既口味
回報真係可能同投資唔係正比上升,,仲有爛橙既經營手法你又唔係唔知,
除非佢真係含家裝都用寶石買到,,就算加價都應該會有好多人肯買

如果我而家係未玩過fez呢類型而咁岩見到有廣告都未必會玩,,因為大路都係已經比韓狗泡菜game洗左腦