無話新手玩唔到, 但係新手非常難玩 !
因為隨住2內3內慢慢出, 老手殺新手等如你殺隻小豬咁簡單, 新手要追返老手等級越來越難, 而且有別一般"等級"制遊戲...
舉例, 玩魔獸2個星期內一定可以升滿, 同老手玩下團隊, 而係九陰, 正常途徑基本無可能, 除非九陰封頂一段時間, 否則後來者永遠追唔上老手
(正常情況計... 唔好同我拗咩VIP、歷練藥、鬥邊個錢多)
除左唔計內功等級, 新手係遊戲入面, 雖然唔講話舉步維艱, 但係都算寸步難移.
遊戲定位係PvP, 即係打打殺殺, 活動都係為左比人殺黎殺去, 先唔好講咁樣有無道德, 只係單單睇活動..
刺探 - 無人期望一個新手會識得刺, 但係, 一堆人會係門派游盪, 一個新手就係送上門既禮物, 任何人都想吃下去, 哪怕自己係略有小成, 見到個初識門徑, 都會直接開紅打落去, 就算係對於傲視、登峰, 我都唔止一次見到, 佢地追上去殺d"低級"既刺探, 對於九陰, 從來都無所謂有失身份呢樣野...
奪書 - 新手唔知, 但係所有老手都知道, 書頁可以賣到幾百兩至1錠多, 呢個所謂官銀, 係等同港幣 !!!!!!!!!! 新手唔好話搵唔搵到個書點, 就算奪到書走唔切, 打又唔夠人打, 咪又係被人殺, 而且, "呢個就係江湖"大行其道, 而家奪書變成點樣, 大家有眼睇, 老手玩都難, 唔好話新手...
(我唔係討論個活動內容, 而係, 想講新手有幾難... 你唔好同我爭論新手嘗試幾多次就熟練、內功有幾高就唔怕人殺, 到左果個時候就叫老手...唔係新手!)
遊戲好多外掛, 有幫未必唔係掛, 但係無幫既好多都係掛, 我有隻分身無入幫, 主要係倉+生活, 我就試過好多次被人殺, 係門派掛機被人殺, 係街行行下被人殺, 解解下任務當中被人殺, 劈完樹整理下個包包又被人殺, 反正係分身, 我就算啦, 只不過記低個ID, 下次奪書刺探被我遇到我實補佢刀... anyway, 我隻分身, 絕對係新手必定會不斷重複既體驗, 我完完全全理解作為新手, 係遊戲入面有幾無助...
新手, 只能搵個大幫加入(話說, 大幫又點, 人地要殺你, 邊會理你個幫大家細, 有時同盟、同門派都會殺你)
新手, 最好練君子堂(我記低左殺我既人ID同門派, 幾乎全部都係君子堂, 得1-2個錦衣、少林, 無武當無峨眉, 我都莫名其妙...), 同一個門派, 人地可能唔殺你...
新手, 人地要殺你, 你反抗唔到, 企定定被佢殺巴啦, 因為無輕功避唔開, 如果地點可以, 選擇跳河、跳崖自殺, 寧願自殺, 不願他殺, 我試過跳山, 結果我死唔去, 佢就無追我 
............
我幾鐘意九陰, 因為我玩落去耐左, 會有d成就感, 我鐘意自由度好, 可以選擇學咩武功, 使用咩招式, 咩時候做咩野等等.....
唯一唔太鐘意就係殺戮感太重啦, 我唔排斥PvP, 但係我鐘意比較有"規則"既PvP, 唔係隨便睇某人唔順眼就要開紅殺人, 唔夠人打又要鬧返人 *** , 唔係我唔開心就要搵你出氣, 唔係為左好玩而追住個新手唔放, 唔係為左有趣所以搞到人地過唔到青云......
如果九陰有 PvE同PvP選擇, 即使 PvE係有限度 PvE, 我都會選擇 PvE, 因為我唔想種種下田、養養下虫果時, 突然要同人隻揪, 去個wc都要放隻人去復點, 因為無地方係安全, 行路唔多行大路, 因為隨時被人誤殺.........
今日維修完, 我無再開game, 唔係睇左呢個po所以有感而發, 而係我突然唔想再玩咁"殺戮"重既遊戲, 畢竟我只係比較著重休閒既玩家, 如果佢有PvE服應該都幾好...
ps. 睇完呢個po, 原來大家都唔志在幾個新手老手既離離去去, 當然, "呢個就係江湖", 死幾個有咩所謂 ?
|
樓主: kong-2000
發表於 12-10-24 06:49 PM
發表於 12-10-24 03:57 PM
, 死左番生未又係一條好漢, 俗語都有講"君子報仇, 十年未晚"