大家小心買遊戲錢.!

宮本千雨

大家小心買遊戲錢.!

小弟同一間叫 (GG-game) 的公司買12錠九陰錢, 佢地在game入面叫 (柴小寶), 咁有一日佢地放50錠, 話想清倉所以好平, 我問佢1千蚊可以買幾多錠, 佢就話12錠. 又叫我去找換店匯錢過去, 因為要人民幣, 之後幫我落單.
第二日我去匯左1千蚊人民幣, 同佢講已經匯左錢啦.
GG: 你張單係850人民幣, 1000港幣.
我: 下.? 甘多左果150蚊你可以給多少少GAME錢.
GG: 因為你過的數額同張單唔同, 所以我唔能夠確認係唔係你入.
我: 我有銀行單同匯錢張單. 可以影相俾你地確認.
GG: 對我地冇用, 因為你入左850, 所以而家張單變成1850, 你要再入1850 俾我地, 先可以確認到.
我: 下.! 我又要入 1850? 甘我入返850 就得啦,
GG: 你都係唔明我講咩.! 你而家張單係 1850, 你要入返 1850, 先可以確認到係你匯.
我: 如果我再入 1850, 你又知係我入.? 如果同時又有個客入, 咁點算.?
GG: 因為我會同財務部講.
之後不停吵……....................

我想知入左錢俾人, 有銀行單同找匯店張店, 可以確認唔到.? 真係好笑GA係, 之前 850張單變成 1850, 當我入返 1850, 都係一張新單, 又點樣確認我之前 1000 係我入.?

今日我: 下午一點會再入返1850俾你地, 點樣確認係我入.?
GG: 金額同時間.
我: 之前 1000 蚊, 我都有金額同時間.
GG: 琴日唔係同你講左LO, 你都係唔明.

哈哈~~~~笑死我… 人笑我太 8 CHI, 我笑人看的穿. 真係搞野, 又有單, 又有時間, 又有幾多金額, 只不過同落單時多左….

MSN: GG - game 01 @ hotmail.com
銀行戶口: 中國農業銀行, 王成, 6228 4800 8472 6139 714, 廣州東城燕岭支行.

lky582000

推一推！！

hammertws

報警啦c兄

暴力狗

你呢個吾算勁招啦

我之前玩陸服..見到有人世頻賣平錢
仲話有交易網保証
之後上qq同佢傾..佢qq send左條link黎比我按入去
個網做到同真果個某某交易網站一樣
我咪信囉..之後佢叫我搵假網站入面既客服幫我申請入錢
入完之後又要我比信用卡號碼核實資料
我覺得吾對路所以拒絕左

之後個假客服又話如果吾比資料佢..佢好難幫我核實資料
我話咁吾洗核實啦..你退返張點數卡比我就得
佢話點都要比資料先可以退數

最後我放棄了..100蚊都呃
大陸真係好能野

香港比人呃好多都係低級呃人手法
大陸專業到又有假客服假官網假交易網站
好彩我都最後都無比過任何資料佢地..係蝕左張100人仔既電話充值卡

我以後玩九陰,,一定吾會再同人收錢賣錢
直接同官網黃金轉官銀算數
蝕小小起碼夠安全

AreS乂

咁有冇報警呀？

Roberto

而家越昆越離譜, 55錠=5000HKD, on79!!

風小邪

佢地成日開新AC世頻度叫賣=,=話咩擔保交易0﹏0 我見佢地賣一套太極拳古譜就問下啦=,= 佢俾左個網址我...就話公司擔保=口=連公司咩都未聽過~~
問佢有冇實貨睇一睇~~佢又話要洛單訂~~又話咩佢追業績(騙子集團都要睇業績@@@@@)
我唔知係咪同一個人所為...但經常就話清倉賣錠~~賣武功果D~_~大家小心呀

〤啤少〤

去易升買啦 信用高

火天使

Nkk911 發表於 12-11-7 02:13 AM
我都中左伏...不過我係比GG - game 06 @ hotmail.com  昆-.-... 佢話我比少1蚊,,所以確認唔到,,,無法同我交 ...

你呢單可以報得警
只要係香港就可以壓制到佢

gordon22

其實我之前玩吞天3都比佢大陸個D呃左百二蚊...手法類似係咁....又係話收唔到....所以話唔係相熟呀...冇朋友買過都係唔好搞...同埋唔好一次過買咁多...少少咁買....佢唔肯一定身有屎多!!!!!所以大家真係要小心呀!

lcl_Arthur

樓主太傻仔...
匯錢都信,諗都諗到啦
你有單有咩用,你去報警香港警察會同你去捉大陸人?
可能得既,不過你搵律師d錢多過你1千蚊幾十倍lor,仲唔知得唔得添

wiwyzz

基本上見到大陸字,或者直程係工作室  就已經完全唔可信

求奇搵個大公會入,入面實有唔少人放官銀,分分鍾仲抵過工作室
入數又得面交又得用點卡換又得,同一公會,可信過大陸仔先

Nkk911

Roberto 發表於 12-11-1 03:38 PM
仲有間叫多買公司,話14錠1250HKD,即1000人仔, 小弟都中左招, 我俾左1000蚊, 又話入錢要有尾數, 唔可以1000, ...

我既情況咪同你一樣..後面一定要有尾數..我諗同一班人黎..

Nkk911

我都中左伏...不過我係比GG - game 06 @ hotmail.com  昆-.-... 佢話我比少1蚊,,所以確認唔到,,,無法同我交易,,旦係開頭未入前講好左係咁多,,入左佢先話我少1蚊,,比佢吹脹,,要我入多$1501先得,,入完確認到即刻退返比我,,心諗在入比你,,我就真係笨銀7,,
MsN:GG - game 06 @ hotmail.com     
銀行戶口:香港中銀    012-699-1-018499-8       onlinebuy
電        話:3069 7330     
game到佢叫北唐磊  日日係世頻叫平賣36錠..

samuelhkhk

有HTM點解唔買HTM@@

RECALL．凌

全部人民幣匯錢一律唔買
支付寶一律唔買
無朋友幫襯過一律唔買..
唯有等下相熟既遊戲幣玩家放錢好過比幾千蚊人洗..
有陣時真係窮到甩褲 頂唔順迫於無奈要用點轉金T-T

Roberto

仲有間叫多買公司,話14錠1250HKD,即1000人仔, 小弟都中左招, 我俾左1000蚊, 又話入錢要有尾數, 唔可以1000,要100X咁樣,
頂佢個肺, 之後話確認唔到D錢又要我再匯多3000去確認, 如果我再匯過去我真係冇腦啦, 提醒大家小心!

旦旦殺死左bb勇

華服都好似有依條友

火天使

正規價150HKD = 1錠  (而家)
見到賣低過$120 都要小心

同埋最好搵自己幫或熟人先好買

風雪云影

咁都會有人信...