不打‧短評8：ARGO救參任務(有內容)

redblueyellow

不打評價：正場價 $70

不打總評：記錄片cross劇情片既顛峰作品

真人真事改篇
寫實手法拍攝卻適當注入商業元素
在記錄片與劇情片之間取得絕妙平衡
有記錄片既客觀同國際視野
又有劇情片既幽默同戲劇效果

頭段十五分鐘盡顯導演功架
交代當年美國領事館被伊朗民眾佔領既一幕
寫實如親歷其景
卻又有多角度切入，不同角色出發，裡裡外外鏡頭交插
更勝置身現場，充滿張力

之後既電影拯救團
由埋班、選角、寫劇本、到開記者招待會
為套戲添了一份幽默輕鬆
回到伊朗節奏再一次加快
男主角要說明六人又要說服高層
角色對話擦出唔少火花
後段一波十三折
明顯係做戲咁做，但偏偏又不落俗套
由當初最唔贊成拯救計劃既人
最後反而因為佢熟讀劇本成功遊說個官而拯救了大家
離開伊朗領空的一刻大為感動

ARGO係美國中情局最成功亦最荒謬既拯救任務
難得在於用最和平既方法解決最危險既任務
呢套戲一樣，難得在於冇動作但有張力
唔係下下槍林彈雨死人塌樓大爆炸先叫緊張刺激
精細既劇本同佈局，唔用畫面用演技同角色用對話去推進故事
觀眾一樣受落，呢套係美國獲得一致好評

男主角Ben Affleck唔係演員咁簡單
身兼導演及製片，係荷里活近年矚目導演之一
佢演而優則導，剃左鬚可能大家會有印象
成名作正是《驕陽似我》

《20世紀少年》選角已經堪稱99%相似
出字幕時記得唔好走住
你會發現呢套，直頭係真人真演！一模一樣！！佩服！！！