我怪責自己介意女友唔係處(而本人係處)，好辛苦...

redblueyellow

首先, 我係一個男仔, 24 我識左女朋友兩年了 同佢一齊真係幾開心 但其實開始既時候出現左一個問題，當初拍左拖我知道左佢唔係處女，我唔開心，因為我係處男。直到今日, 我覺得其實佢係好愛我，我亦都愛佢。佢可以同我坦白真係需要唔少既勇氣。但始終我係處，佢唔係，我始終有條刺。我好介意佢唔係處，而佢個ex我都識，令我更容易胡思亂想， 所以我覺得好辛苦！我知道成件事係timing問題，我知道我無資格去介意，佢亦都同我講佢無後悔俾左第一次佢個ex...佢亦都試過用sex去留住佢個ex...我好倦，我唔想為lee問題日日去諗...我好想可以解開個心結 我知道愛一個人, 係應該要包容佢既過去，我知道佢當日都係愛ex-bf, 但係佢又點知道最後會同佢個ex分手。佢既經歷都唔係開心 我試過好坦白比佢知道我介意，但係我冇想過因為咁而分手 因為我係鍾意佢 而佢又的確對我好好 我亦plan佢係我結婚對像，我唔會選擇對佢冷淡 或者對佢唔好 我亦試過盡力去學習用愛去包容佢既過去 因為我知道呢方面我做得唔好，人地都可以用愛凌駕o係上面。我應承過佢係佢面前唔再提起呢個問題 但係我內心又的確好煩惱，我知道佢係愛我, 而我亦都係，佢有事, 我都會好緊張同關心，但係我亦好唔想呢個問題而影響我地既感情。我唔知道我究竟要幾個時間先可以說服自己。真係好煩,  我想揾樣野去發涉情緒，但成件事都無人錯，定係完全係我錯！係我既問題呢？其實我真係好亂，亦都不停怪緊自己...lee件事已經令我好倦了.....大家可以教我點做嗎？

biob

花濺淚v3v

redblueyellow 發表於 12-11-25 06:29 PM
首先, 我係一個男仔, 24 我識左女朋友兩年了 同佢一齊真係幾開心 但其實開始既時候出現左一個問題，當初拍 ...

我廢事多講
你拉返上去
睇下我加左Good比邊兩個人

一係就同佢執返劑
一係就同佢分手

唔好怪我亂吠
你自己都唔細啦24歲人
你自己攝高枕頭諗清楚OKAY?

　

ss5555

正確o的來講,應該都係因為大家都係一齊左冇耐,咁好自然會介意/把這件事睇得太重,
而件事如果你地一齊得耐左就好自然唔會去諗佢,係因為佢ex你都識所以好自然會介意啦,
但其實比你知道左仲好,因為當佢唔出聲,到最後都比你發現感覺都唔同啦,到時條刺仲唔舒服,
反而而家應該諗既係,你知道自已愛佢,亦知道佢都愛你,其他多餘既野你根本冇需要諗,反而緊加應該唔好錯過你自已愛既人,找一個你愛既人難,但係找一個佢都愛你既就仲難呀!唔好執著而o的小事啦,真係架一齊得耐左好自然唔會諗亦都覺得冇想象中咁重要,因為你愛佢ok? 加油啦

Ting§Infinite

樓主..
睇開d..
講真..
宜家佢係中意既係你..
好多人都有過去..
我地一定要去接受..

公仔王子♂

B02.★ 發表於 12-12-22 10:03 AM
甘執著令到自己更加辛苦咖咋

同意
你愛佢個人唔係愛佢個處丫嘛!!樓主
睇開D啦

sk24191377

明白完全明白.....
我個情況同你有90%似
但係到左最後 我始終都過唔到我自己 同佢分左手
我認我係犯賤 過左好耐我仲好愛佢
但係我而家變左 我知道有d野真係改變唔到
我真係愛佢 好想再俾一次機會我可以同佢再一起
全心全意的照顧佢 呵護佢 當佢係寶咁錫
而家已經唔可能....
題外話:
我想同妳講 我既改變就係我唔會再介意你係點
我話我想補賞 係因為同你一齊既時候 我心入面係介意 好多野都收埋
好多野想做但又止住 你唔明白我到底我改變左d咩
...對不起

hydeder

~~ 其實有辦法可以改變尼個問題嫁 而且100%WORK!!! ~~
不過系要睇你既決心!!!! 你有嗎!!!!!

方法好簡單~~
Step1:首先叫你條女幫你破處先~
Step2:你揾番你條女個EX黎破佢處or叫佢吞你sperm (精)

敢情況就會由原本既:
你條女個EX--->你條女--->你
變成
你--->你條女個EX--->你條女

用左以上尼個方法之後~~所有問題都會完滿解決的說~~
係咪好簡單尼~~~ (ゝ∀･)☆

B02.★

甘執著令到自己更加辛苦咖咋

tallman173

咁執著個處做咩...無意思架啵...

zachary999

真係好明白你ge 感受 我自己都唔知點算如果係我 唯有放開d啦

波波利

樓主,介意你又可以點?分手!?
咪問D咁白痴既問題啦
得2條路,分定唔分,
冇得你介唔介意!

CHoK!麟=)

明白樓主感受呀，是會好介懷的，同唔可以埋沒左自己呢d唔開心既情感。

樓主要認識下自己究竟真正介意係d咩?

如果大家都唔係處，你會否接受到?

定還是一定要女朋友獻出第一次的是你??

介意佢ex的種種?佔有慾?

frankywow10

呢D野唔到你控制, 如果心裏不舒服就放棄吧, 不然將來心裏會有刺

loveyoujj520

唔明介意d咩
處女唔一定性交先破   做運動都可以   發生過性行為都唔一定唔係處女

我唔覺處女/男值錢d  珍貴d    係處就價值連城  唔係處就一文不值?
你咁介意  你係同佢個人拍拖  定係同處女膜拍拖?
你自己識介意  女仔唔會後悔既  佢仲介意過你   你唔諗下佢感受?

仲好意思話自己24歲   24咁大個人諗野仲諗到咁   你點結婚
做人請轉個立場諗野   如果你係女方你男朋友介意你呢樣野  你心會唔會好過丫
如果因呢小小事就令你咁介意   我唔覺你有幾愛對方   你今日為小小事介意  他日同樣會因小小野去介意

成件事就係因為你覺得自己把尺好清高   你覺得自己係處  女朋友同樣係處先得    如果你自己唔係處  你仲敢唔敢去介意?

人點都會有過錯有缺點    你敢話自己冇過錯冇缺點?  

sukiyaya

回覆 redblueyellow 的帖子

其實不如咁問丫. 點解你咁介意你女朋友係米處女?
因為你覺得佢同好多人訓過? 難道冇左塊膜就唔係人?

處女膜係可以人做的, e個世界咩都可以做假.
既然佢對你坦白, 你係米應該去相信佢?

我可以同你講, 你有條刺就一世都有, 除非你想開左.
如果有日你因為心裡條刺 而失去佢. 你會唔會覺得可惜?

好好諗諗, 唔好到失去時先識得珍惜.

PS: 個人覺得塊膜真係唔重要, 最重要係個人的內在 同 對你好唔好.

吞食貝貝

叫佢幫你破處
老實講你唔係處男之後,會無咁介意
不過你同佢EX睇黎就唔好玩得太埋
廢事你強化你心中條刺

刺+10
攻擊力：100+10
耐久度 100/100

小彊＊

我都有試過
雖然我同你問題唔同 但本質一樣
我都好介意 成日會搵自己同佢比 比下比下就將自己比下去
但我每次都諗 "查實有乜好介壞呢 反正呢加佢都係我既 對我又死心塌地 又乖 所謂成大事者不拘小節也 我一個大男人點都要有d胸襟"
跟著每次知自己發作就會咁諗 慢慢就無事

睇反你問題丫
其實處唔處真係冇關係 我知道你根本冇在意到呢樣野
你在意既係佢前男朋友 所以你更加唔可以自卑
唔係處咪唔係處 佢依然係你女人 係呢加或者日後都會好愛你既女人
所以呢加你係你女朋友心中係最有型果一個 佢同樣會為你獻出自己
話唔埋 你呢加係你女人心中既地位 仲高過果個前男友 就算呢加唔係 你日後都可以令到自己係 因為你有時間
我相信你會成功擺脫呢個心魔 維繫好呢段難得既感情 請珍惜 加油