《童話十年回憶尋人篇》尋十年前既小學同學

天目一個×

童話係我人生第一隻online game
帶比我最多快樂既時光 最多既回憶
仲記得第一次買番黎既童話係15蚊 黃色盒
封面係隻登山雪怪伸緊隻腳出黎 入面有本藍色既'魔法書'
我係由小四開始玩起 果時仲係傻下傻下
唔好話識朋友同點樣搵錢   
果陣我連打中文都唔識 連入點都研究左好耐先識
雖然果時咩都唔識 但都會係game到周圍用小學雞英文問人野
唸起都唔知點解當時會咁厚面皮
又試過比人昆 又比人爆過ac 果陣真係會喊到收唔到聲
但當時既我好易滿足 入game周圍打下怪 行黎下去已經好開心
仲有d人設同幻獸真係好好睇 令我愛到泥足深陷
亦都因為童話 我先至開始去學打字
果時仲係讀緊小學 好少人有玩電腦既習慣 玩online就更加少之又少
當你同我講你有玩既時候我真係嚇左跳 仲要係識玩得勁果隻
好多野都係你教識我 邊d寵勁 點樣搵錢 點升lv升得快
仲記得同你一齊狂買幻獸卡 好多好多~
最不得不提既就係帶左我入公會 識左好多好多朋友
個公會大頭目仲要係雲彩 (果陣我唔知佢咁勁 我係過左好耐先知)

自從小學畢業之後 大家都無乜聯絡啦
連以前好多既cap圖都無晒 因為洗左好多次幾 又換左幾次電腦
係呢十年入面 頭幾年我都斷斷續續咁重玩左幾次
不過記得既人唔多 可能已經太耐太耐無玩啦......
太多名字都已經記唔起...... 連你都係
只記得既係你個名有個雷字
如果你係93年 細個係肥仔 小4-5有同個傻仔fd玩童話
個名有個雷字 又係雲彩個家族既話
見到呢個post一定要搵番我啊
希望今次重玩可以搵得番你啦 哈哈

山地熊

如果你係93年 細個係肥仔 小4-5有同個傻仔fd玩童話
個名有個雷字 又係雲彩個家族既話
見到呢個post一定要搵番我啊

笑左