《童話十年回憶尋人篇》- 約定的碎片

黑桃`

其實我唔記得約定的碎片前後仲有無符號了，
不過當年係小學同學黎。（亦順便召喚其他見到呢個post既小學同學～）
仲記得自己開始玩既原因，
係買自由斟加＄１換資料片一大張...
第１隻人仔既名應該是紫瑤（？）什麼的。

果時童話真係好熱鬧，
班入面４０個人，有成１０幾廿個都有玩
番到學校，無野傾，就傾下放學去邊度升lv好，最近某某捉左咩寵。

一開始無錢比月費，係選擇左１個鐘６點果個制度...一夠一個鐘就即刻要off
仲要成日偷屋企人錢買點數。
而我第一隻玩既人仔，係一隻法師
（亦因為呢個「第一次」情意結，令我係之後既七年，玩任何game都係以法師開始...）
當年既法師好厲害，打遍屎洞無敵手，火球術、火流，真係好強

果時好多人都係用小學雞英文，但諗番，自己好似無經歷過呢個時代...
只有一部電腦係屋企，細佬就每日都坐係我隔黎睇...

第一次去動漫節（？）就係買幻獸卡，到而家都仲有唔少係度～
好靚既外型、質感，令我將佢地保存左落黎做書簽。
但當年期期買齊既童週，就係搬屋既時候掉晒了。

變左回憶post添
小學畢業之後，同呢一班同學無再聯絡，
亦都無再係童話見過佢地，唔知佢地而家點樣呢？
如果見到呢篇文，會令你諗起一啲過去，請搵番我。
亦希望可以係收費ser與以前既好友重聚

黑桃`

另，仲記得當年呢位同學叫乂約定的碎片乂（好似係咁？）既原因，
係鍾意w-inds.，唔知你仲記唔記得我呢？