《童話十年回憶尋人篇》- 美人魚迪士尼樂園 - 童話交流區

查看: 600\|回覆: 5	go [其他] 《童話十年回憶尋人篇》- 美人魚迪士尼樂園 [複製鏈接]

95137

七星元老會員

Rank: 7 Rank: 7 Rank: 7 Rank: 7 Rank: 7 Rank: 7 Rank: 7

UID: 466659
帖子: 3835
積分: 8151
Good: 50
註冊時間: 05-7-31
在線時間: 1845 小時

十週年勳章(賀詞)

1^#

發表於 13-1-5 03:33 PM |只看該作者 |倒序瀏覽 |打印

========================題外話========================

原先見到有呢個活動係唔打算參加，

文筆又唔係好，以前既相又無哂，

諗住唔會拎到D咩獎。

跟住同一位舊朋友傾下童話，傾傾下佢問我有無參加，話有娃送好吸引

「我都唔會拎獎架啦。」

「參加獎送娃WO。」

...................................................................................

咁唔參加唔得啦..................................................Orz

========================題外話========================

當初點解玩童話呢？因為有班FD玩，佢地話一齊玩WO，好丫！

玩咩職好？我地班有咩職無人玩丫？武鬥家，僧侶同商人，咁我玩武鬥家LO。

配點？咩黎架？鐘意點加就點加啦。

養寵？好似寵物小精靈咁養？呢隻幾得意BO(個陣對土狼/狼人系列一見鐘情

)

個日就去左7仔，用左$18買左盒新手包，仲好記得當時係天方夜譚(資料片)

返到屋企裝童話，睇住幾點幾分ON，ON 1個鐘就扣 6點，唔好ON 多幾分鐘蝕比佢！

星期六日玩耐D，就轉時段制玩，20點由朝玩到晚，抵到爛！

就係咁，我踏上左條不歸路......

當同班既同學都無再玩既時候，我有繼續落去，

因為，童話已經成為我生活中既一部分，

就好似每人每日都要刷牙洗臉食飯訓覺咁，當時既童話對我黎講就係咁重要，

ON童話已經唔係習慣咁簡單。

啊POST名明明叫尋人但係講左咁耐一個人名都無提過實在抱歉，

不過以上所打既都係一D對我黎講係好珍貴，不可或缺既回憶黎。

丫德仔丫 (光使)，雖然你唔係迪士尼樂園 (美人魚SER某家族) 入面既人，

但我仲好記得以前我地每日ONLINE一齊打怪升LV，每日升1 LV，

仲有同個刀戰一齊 (呢個我唔SURE叫咩名,好似叫燊仔?!)，

當時係你地拉我入族，個次係我第一次接觸家族呢樣野，你地亦都係我係童話入面識既第一個FD。

亦都因為咁，我好鐘意「家族」呢個系統，

你我各在天角一方亦都可以係呢個頻道入面傾計，仲要唔係Individual，

可以成班人一齊傾計，真好！

其後我家姐就開左個族，無錯就係　迪士尼樂園　啦　(好無新意呢)，

作為細佬既我都有入呢個族，

亦都識到好多好多好好既朋友，

眨下眼就過左咁多年，不過我仍然記得你地(排名不分先後)，

雞雞！哈哈真係估唔到會係童話入面撞番你！！！我地遲D又要一齊慢慢打怪升LV！

bbq！見你之前玩斧戰玩得咁勁，我決定係月費SER開個斧戰，誓要勁過你以前個個！

豆漿！我地上一次傾計個陣好似係勁舞團入面傾，都好多年啦。我記得你之前有個格師叫鬥我，同你PK你唔夠我打架哈哈

天之光神！我記得我以前係叫你做天天架，仲有樣野就係你好勁，你升D寵都升到靚過人，你個闇使又高攻，個刀都係！我仲好記得隻全力死神係你放比我！

ccy！我一直覺得有二轉技既法師都好犀利，因為元素真係難升到死！

吉寶！之前有次你MSN搵我但我唔記得左你係邊個！我對你唔住！

仲有小小子，0o天神o0，政府，宗劣X，＋＋......

眨下眼就過左咁多年啦。

除左係　迪士尼樂園　，　仲有好多好多，不過真係不能盡錄，

亦都有唔少已經係唔記得左，畢竟真係過得耐同埋斷斷續續重玩左好幾次。

希望係月費SER會撞得番以前有一齊玩過既人啦，而呢樣野亦都係我玩童話既最大動力。

我會用番我舊AC個名去玩，即使個名係幾KAI幾咁白痴都好。

如果你係識我既，係新SER度見到我既，

不妨禁下我個人右制，CTRL+2，同我SAY 個HI