龍珠online越黎越無聊喇...

ewannam

乜你地而家先發覺好悶?  呢隻game變到太過商業化,你有錢先有好裝,咁冇錢(或者唔想太洗錢)嘅人咁就唔洗玩啦,只靠果幾個肯洗錢玩嘅人(我肯定唔多過10人,3幾千唔算係,每月計)真係可以養活到佢地紅心?我諗佢地而家都為左搵錢急到瀨,成日搞埋d活動叫人用多d錢先送得果丁屎咁多野,佢估d人好恨要咩~咩都講錢,眼光太短淺,永遠唔會送d實際d嘅野,搞到d玩家走下一個又一個.....我對呢隻game好失望

ewannam

講起奧迪~係我心目中,我只係覺得佢最勁~"小岡",佢玩嘅絕對係技術,裝備係其次,諗起果陣時仲有好多人玩隻game,大家一齊玩超開心,我仲記得當時d人打副24小時都有人,呢段時候大家都好樂意洗錢玩呢隻game(我都唔例外),不過而家變成咁我諗大家都唔想~~人覺得其實紅心絕對知道問題所在,只不過佢地係搵錢為先,忽略我地玩家心目中所想追求嘅目標,所以紅心佢地要自己受番個後果!而家d武/防石越高lv越貴,遲d如果再開75/80lv,又要沖過新嘅武/防,食錢食到咁你玩埋我果份,永遠唔會調整d價錢,咁樣做生意佢估d玩家一定要買?
職業唔平衡係一早嘅問題,到70lv得魔導有70lv防就已經非常唔公平,防沖得越高仲要硬過舊屎,龍珠咁樣錯落去法好快就會玩完,冇眼睇