對於最近愛字頭組織發言後特別價值討論(預左無人傾)

嵐雨

兩次佔中事件, 我自己都懶理佢地係唔係收錢,
有人就討論下研究下啦同再增加下啦, 當教育下一代都好,
我更會開名, 唔只泛民又好, 愛字頭係深圳黎果批而黎亦好,
其他老左真係喜歡中央又好,
不過緊記以討論最必要程度"論點""論證"同"論據"去講

大量挺中人仕:
1:反中亂港係指反對中央批評中央
2:基本法普選唔係普選

陳淨心(愛港力):
1:港台係官台, 當然係要為政府猴舌
2:只識國保係熊貓

高達斌(愛港之聲):
1:民主係香港只有近二,三百年歷史, 唔係香港核心價值

陳廣文(愛港之聲):
1:研討會係派對
2:喬曉陽買香港奶粉係因為香港奶粉好
3:這乎合聖經裡保羅的教導 : 對什麼人就說什麼樣的說話.(2013年4月18日更新)

林以諾(香港阡陌社區浸信會主任牧師暨飛躍網路國際義務執行董事):
1:但我們不應給不信主的傳媒借機挑撥，破壞教會合一。(2013年4月18日更新)

頁頂我會更新(冇人會自問自答自high再share俾人睇, 板主阻到你任刪, thx)

嵐雨

預左自high, 自己問會自答先=w=

"反中亂港係指反對中央批評中央"
中文黎解, 反中亂港即係反叛中央, 擾亂香港,
反對同批評係唔正確, 當然有可能係講者自定其義,
係咁根本冇得解, 但如果真真正正去解又可以點去解?
最少識中文一定唔會咁解釋,
首先, 反對同批評, 未必係叛逆意思, 古時, 政事有唐朝魏徵長期反對批評唐太宗有關政事錯誤之意見,
戰爭有漢朝趙充國反對同批評漢宣帝對戰事意見, 近代史中, 聞一多大量的對國家絕望的作品,
全部也是對國家有利而去做的, 那這也是反亂行為嗎?

嵐雨

"基本法普選唔係普選"
根據基本法四十五條原文
第四十五條香港特別行政區行政長官在當地通過選舉或協商產生，由中央人民政府任命。
行政長官的產生辦法根據香港特別行政區的實際情況和循序漸進的原則而規定，最終達至由一個有廣泛代表性的提名委員會按民主程序提名後普選產生的目標。
即係最基本產生方法係要由一個要有提名委員會,
點整個提名委員會?
第二十六條香港特別行政區永久性居民依法享有選舉權和被選舉權。
即係委員會係我地有權去選出, 但幾多人, 點去搞回歸咁耐都係未向呢個方向行過,
之後特首呢? 連埋二十六條一樣加埋第四同十五條,
第四條 香港特別行政區依法保障香港特別行政區居民和其他人的權利和自由。
第十五條 中央人民政府依照本法第四章的規定任命香港特別行政區行政長官和行政機關的主要官員。
再經由字面配上, 就係我地去投一個提名委員會去以民主程序,
例如直接民主, 或代議民主中提名, 再一人一票選出

嵐雨

"港台係官台, 當然係要為政府猴舌"
香港電台係為香港市民提供編輯自主、專業和高質素的電台、電視及新媒體服務。
亦即係編輯自主係港台真係接近大晒,  同埋佢唔係為政府而係為市民, 最近更新係2010年8月,
以5年為限

"只識國保係熊貓"
國內安全保衛支隊，簡稱國保支隊或國保，原稱「政治保衛支隊」，是中華人民共和國各省級行政區所轄地級市公安局下的支隊。
國保支隊內設機構一般為辦公室、情報基礎信息與對外聯絡科、社會調查與基層基礎工作指導科、民族宗教案件偵察科、反顛覆破壞偵察科、機關高校文化及經濟領域國內安全保衛工作指導科、國內安全保衛案件偵察科（機動偵察大隊），邪教案件偵察科，均為副科級。
人員國保的成員屬於國家公務員，不少人畢業於公安警察院校的國內安全保衛專業。國保的主要專業書籍包括：《國內安全保衛學》、《國內安全保衛工作常用法律法規手冊》、《公安機關辦理刑事案件程序規定釋義與新版法律文書製作指南》等。
都唔駛點解釋, 同補充一點就係國家經費一項維穩成七千幾億支出其中一環就係國保,
由1998年開始成立, 唔熟國情唔該真係唔好亂講=w=

嵐雨

"民主係香港只有近二,三百年歷史, 唔係香港核心價值"
黑人奴隸都唔係好耐歷史, 要唔要番番果個時期?
中共建國共產主義又冇一百年, 咁共產黨唔應該執政應走番帝君之路?
所謂算唔算係地方核心價值, 係指當年發展果陣人們有冇以呢種心態發展地方,
有冇以呢種心態為榮, 就好似當年拚搏精神(獅子山精神),
民主精神(市民可干涉各類事話事如遊行發高抗議不被打壓),
法治精神(法律面前人人平等沒有高低),
唔係耐, 但係就係因為咁改變左由個個隨地吐淡, 亂黎, 冇乜尊嚴到起到家

嵐雨

"研討會係派對"
研討會係一個討論主題集中地, 只係針對單一具體而作出交流,
以近期最熱話"佔領中環"為主題搞兩個研討會, 當然係集中點去進行流程,
研討會係冇固定參加方式, 目的係集中一班志同道合人仕去參加,
正如職業進修研討會呢d常見會咁公開係唔會出現有人叫你唔好進修,
因為你唔係有意進修你點討厭去進修,
或有多人討厭進修都唔會入場同人講反對=w=(除非踩場, 呢個小學程度知識, 唔明仲撐d乜)
係單向討論交流會議
(政府成日搞d經濟前景研討會都唔會有人講不景只會俾點做就係咁解),
更唔係派對, 而係有流程, 就算點無腦都唔會有人拉大隊去出聲,
因為稱上研討會就係要保證講者必有發言交流效果不容許隨便發言,
而人數一般200人內, 但呢個級數一般都係以代表發言, 或配一兩個助手,
再配以時間分段發言, 某兩個團體可以分散人報名入場,
致參加人數早早爆滿呢種做法實屬罕見=w=
一般係國際間又好, 中國禮儀亦好, 更唔會係呢d場合有直播之下企係某d物件大叫,
正如梁國雄議員議會給趕走道理同樣,
但全團體以這形式表演之流的確無言(該團體會議完後給跟蹤全部上深圳意義不明, 某些男的還可猜想)

Loveyan4ever

嵐雨 發表於 13-4-17 03:58 AM
"研討會係派對"
研討會係一個討論主題集中地, 只係針對單一具體而作出交流,
以近期最熱話"佔領中環"為主題 ...

一個真心討論的好會員

嵐雨

"喬曉陽買香港奶粉係因為香港奶粉好"
香港的奶粉也只是一般國際間可買到的奶粉, 所以香港有的貨不是好,
而是香港一直營商也有一定商標品質保證不會假,
而喬曉陽是國內的一位官員(需要詳細解釋那人是誰可再寫),
因為2008年9月20日, 趙連海的兒子給發現左腎有2毫米結石, 以民間網站調查,
公佈了該年中國奶製品污染事件----三聚氰胺事件, 號召遇事而患結石的孩子家長一起進行訴訟,
但趙連海自2009年11月13日後則給多次拘留以各罪名判上,
事件也給國家封鎖下去, 有關機構沒有受法律制裁,
加上國內人民因為金錢做假情況普遍嚴重, 製假市場卻逍遙法外,
中國市場大幅淪陷, 奶製品是其中淪陷之一,
故不是香港的好, 而是中國接近沒有正常可供人使用的奶製品(上月新聞再有做假事件呢)

嵐雨

-------預留, 可刪

hok55

字太多

嵐雨

Loveyan4ever 發表於 13-4-17 04:12 AM
一個真心討論的好會員

<---非熱心討論會員, 係太嬲搵野吹下分散下注意力以防偏右,
泛民本身都已經冇乜出色, 對立果班結果仲大穫特別係尾指勁同渣流頂講野仲好似小學生智商咁,
堆愛字頭果邊乜真係研究完佢講果堆野都唔明牛頭又唔搭馬咀,
入去一d fb又同我講幾句就自動消失刪留言,
d100果邊又太保守, 佢地咁多廢話咪最好搵個平台黎打下字,
成日又要怕死又要出頭, 樣都俾人同唔少人跟住左影埋啦都唔明仲怕乜,
一個國內黨員+青年民建聯作主隊, 一個香港舊中共工會+少量自由黨+新移民作主隊,
兩個香港人, 綱彈乜都算啦, 以前讀書讀唔掂, 都過左成半佰歲, 俾以前學校話佢係恥辱,
俾佢師兄話有問題人任都算, 果個田雞文, 佢就真係咪影衰香港啦,
當年工業暴動怕死又怕俾人話死係後面又要掛名, 而家應邀出黎又要用假名又要怕死?
兩次論壇都係口號派都唔明佢講乜, 上港台訪問乜野ko李慧玲同d100 ko大班,
我聽咁耐我都係聽唔明佢想表達d乜, 中國人, 會唔會乜野係尊嚴?
你可唔可以唔好叫自己係中國人? 連研討會都唔識乜地方上電台講?
陳篤心自己大陸果邊都唔會亂UP發神經, 你作為香港代表輸俾佢呢個最低級知識?
你撐你都衰得好睇D, 你仲要係個國內同國外仲多過香港人聽GE 網台粗言亂講野?
你係咪傻呀? 發神經都睇下人地係乜野媒體啦, 吳老先生點樣呢D都起碼識乜野叫得體,
扮乜野名咀仲話十幾個入去, 你最睇唔起果件陳篤心講國保唔識但表達果陣都贏你呀,
真係講到火都黎, 仲話讀過中學有理性, 愛港之聲係唔係真係人都冇個呀?
我話之你係唔係收維穩, 都俾番件講野似野D啦, 講又冇腦不如搵個打得出黎啦

Loveyan4ever

嵐雨 發表於 13-4-17 05:29 AM

愛港力陳淨心

嵐雨

hok55 發表於 13-4-17 04:54 AM
字太多

我如果將田雞文講果堆野解釋你聽仲多,
問個職業可以答私隱私隱私到完半粒鐘先答到文員,
我重整佢D講野不停重覆2次都聽唔明佢係中間表達D乜但佢真係講到D野出黎,
但又唔係答案, 又唔關事, 仲要好有自信咁認為自己已經答左果種我都唔只點講,
唉, 訓教聽日再睇乜事, 6點半仲要起身準備番工

嵐雨

Loveyan4ever 發表於 13-4-17 05:33 AM
愛港力陳淨心

認真講, 我都係第一次會認為有人可以比佢更冇腦,
輸俾個深圳仲低學歷過自己女人, 兩個都係中共點會輸咁遠

Loveyan4ever

嵐雨 發表於 13-4-17 05:38 AM
認真講, 我都係第一次會認為有人可以比佢更冇腦,
輸俾個深圳仲低學歷過自己女人, 兩個都係中共點會輸咁遠 ...

大巴大巴車佢

嵐雨

Loveyan4ever 發表於 13-4-17 05:38 AM
大巴大巴車佢

車呢d人有乜用?
打佢地影衰香港文明,
話佢地又選擇性答話呀, 唱衰佢地呀或一言堂,
小學雞都好d啦, 點廢話都係得把口姐,
呢d團體, 真係煩到xyz

poon2701

@@好多字....
你叫我討論 最先 還是 最後?
不是主題不吸引
而是太多副主題.......

Loveyan4ever

嵐雨 發表於 13-4-17 11:13 PM
車呢d人有乜用?
打佢地影衰香港文明,
話佢地又選擇性答話呀, 唱衰佢地呀或一言堂,

唉 HK RIP

嵐雨

poon2701 發表於 13-4-17 11:16 PM
@@好多字....
你叫我討論 最先 還是 最後?
不是主題不吸引

你可以當係政治講中文,
主題唔吸唔吸引我自己都冇理到, 所以一早預左個主題係自high用,
呢個帖係我或其他人將d政客怪論貼去第一帖,
再將語言偽術正常化唔好將真實價值轉變,
不論係自稱中國人又好, 華人亦好, 中文都係必要面對,
有時拎番呢個topic結果(或係我自己講)重貼去第二度都好過成日都係打埋同一樣野解釋,

霉乂男

同時作多項討論太麻煩，
字海導致回覆意欲下降，
提議樓主逐件黎。