而家D學生真係冇Q用,郁D就話壓力大

盟主

【經濟日報專訊】課程發展議會檢討高中新學制課程後，提出多項精簡建議，包括取消及延遲多個學科校本評核、縮減300個課時等，以紓緩師生沉重壓力。

文憑試（DSE）方面，中文科將有大刀闊斧改變，教育局會成立小組研究重設範文；教協亦引述當局透露，擬取消中文科說話能力（卷四）中朗讀部分、合併聆聽（卷三）及綜合能力（卷五）兩卷。

議會向去年首屆新高中畢業生進行調查發現，98%認為4個核心科目中，英文科對現時學習最有幫助，通識科則位列最後。

課程發展議會主席楊綱凱教授稱，新高中課程獲得良好成果，逾7成學生在5主科中獲得2級成績，即過往會考的5科合格，符合政府及僱主的入職要求，較過去會考只有6成考生獲5科合格成績為佳。

但議會在檢討後提出多項短期及中長期措施，指希望在不影響國際基準和課程目標的前提下，盡量回應學校及前綫老師的實際關注。

4短期措施 下學年中四推

4項短期措施都以精簡課程為目標，校本評核及縮減課時成兩大重點。數學、企業會計與財務（企會財）將取消校本評核，體育則以實習試取代；中、英及通識3個主科等都精簡及更新有關安排，其餘科目則延推校本評核。

原來的2,700個課時將縮短至2,400小時，學校可自由作彈性安排。全部短期措施將於下學年的中四生開始實施。

文憑試方面，學界一直要求重設中文科範文，教育局副秘書長陳嘉琪稱，將成立專責工作小組研究是否重設，若可行，最快在2014/15學年的中四生實行。但她強調這不代表要走回頭路，只是為教師提供工具，助學生打好中文基礎。

專責小組亦將進一步精簡通識的獨立專題探究部分；並研究企會財一科，會否分拆不同科目或就不同元素增設獨立的計分方法。

校長贊成範文 倡邀教師研究

此外，教協引述教局日前會面時透露，將取消中文科說話能力試（卷四）的朗讀部分，並於2016年的考試中，合併聆聽（卷三）及綜合能力（卷五）兩卷。

教協回應指，檢討方向可取，但認為增加常額教師及學科津貼，才能真正緩減教師的工作壓力。

風采中學校長曹啟樂贊成有關安排，指目前的關鍵是重新編排新的科目內容，以配合課時的調整，但認為長遠更應考慮是否全面取消校本評核。他又認同需重設中文科範文，「現在300篇自選文章太多，也要讓每一代學生有學習經典文章的機會。」

至於研究重設範文等的專責小組，曹建議教師或教育團體代表需佔成員逾半數，否則由學者組成的小組或忽略學生的實際程度及需要。

就課程是否達預期目標，如助學生發展多角度思維和兩文三語、擴闊視野等，有70%至95%科主任和校長認為達標，但學生和教師評價較低，僅60%至80%認同；而約65%學生認為有助確立國民身份認同。


而家新高中科目仲少過我地以前讀書果時,仲可以保你讀到中六,我地以前中五就要閒人止步
仲話要減少300個鐘,不如唔好讀啦好冇?

HolyNight

嵐雨 發表於 13-4-22 03:54 AM
都係維持之前咁講啦, 我唔係你地真係比較唔到,
冬令夏令亦唔知點分法,
你地星期六半日同我地全日更加冇 ...

年代唔同真係無得比較既，可能你覺得我地呢代而家輕鬆，我地就覺得你果代輕鬆，大家唔知大家既辛苦處

留堂我地學校都有，每日每級都最有最小十幾人留堂，係補完課之後再留，仲有老師點名
如果你五點半補完課就直落留到六點半一個鐘頭既留堂，任何老師都可以自由決定你留幾多日，不過大部份老師都唔會太留得太多日通常留兩至三日，我地既留堂位置冬天係有個食風位，Ｄ風直吹埋黎，曾係好凍，夏天好彩既坐到個位有風扇吹到，唔好彩坐錯位就一路流汗一路留堂

悔過書，我地學校都有每次有留堂就要寫抵過經過，仲有分手協議書呢樣其怪野如果比老師見到拖手不論係學校內定校外都會比人捉番去寫，我就未試過簽，不過之前既上年果班同學就試過，曾經有次同個女仔玩得好埋互相搭博頭就比人捉左落去查問係咪拍拖，但只係某部份老師會捉

我地係有電腦查字典方便好多，又唔洗擔水桶罰企，但由於有電腦我地都有ｄ麻煩野會增加，好似IES同SBA咁
首先寫幾千字既野去比老師過目然後再打係電腦到再SD比老師，然後老師又不斷叫你改，我地就再手寫，再輸入電腦再ＳＤ，不斷重複成年，問卷就容易，係搵人填果部份耐

我有興趣去讀果Ｄ中華廚藝學院，我對煮野食好有興趣，我呀媽話無前途唔好讀，我仲叫過班主任去勸我呀媽比我讀但最後都唔得，結果仲留係到讀

我諗間間學校都有Ｄ買左但用唔到既書，我呢間學校英文同數都要我地買兩本練習加埋五百蚊，中四開始買到最後都未用過，老師話遲下教，到而家都係封塵，唔洗老師教都可以自己做既，不過正常既功課同每日溫聽日要考果科既測驗內容都用左成晚時間

五點半最早放學時間，番到屋企近六點，沖涼，沖完涼就間中要煮飯，約七點半到八點呢段時間開飯食到八點半，計我休息到差唔多九點，做完大部份功課都十二點幾，經濟　中文　地理　通識　要最多時間，加埋最少寫三千幾四千字，通識仲要打埋落電腦到，講真有時我都會偷雞用十分鐘上網睇下野，如果唔偷雞最少都要做到十二點，偷雞咪做到一點幾，讀中西史既人仲耐，要寫既野仲多

平時放學點多補課都已經麻木左，但放長假好似聖誕咁，真係想同朋友開開心心咁過留抵下好既回憶，唔想夜晚玩到最高興果時都要就住時間走，就因為第二朝要補課

大家唔同年代唔知大家既難處，因為我地呢個年代無讀過你地果個年代，你地而家亦無體驗到我地既年代
壓力呢Ｄ野，如果唔重視果樣事情就唔會有，如果我唔咁遵守果到既校規我都可以好早放學，亦唔會就功課
果人仲會輕鬆左

『浩～哥仔』

愈整愈衰.....
香港既教育制度真係失敗...

嵐雨

HolyNight 發表於 13-4-21 08:51 PM
我諗而加中學唔會朝八晚三咁早.....
上到中學之後我未試過早過五點放.....
星期六就因科而定有時番半就有 ...

都係維持之前咁講啦, 我唔係你地真係比較唔到,
冬令夏令亦唔知點分法,
你地星期六半日同我地全日更加冇得講,
仲有你地中三學日文, 通識, 企財我地更加未有, 社會, 商業, 普通話原來頭冇講,
不過中三輕唔輕鬆我地果邊都係睇自己,
因為中三我以前果間係踢六班各三十五至三十八人踢到得番八十人果時,
上到中四分四班, 一班三十人, 你身邊都差不多係第二間唔知邊度黎,
以前我地果代中三畢業多呢個亦係原因之一,
到中四開始原則上就係要訓練一班唔係讀書就做功課,
好少老師會理你係唔係聽得明考得唔O岩佢水平, 或功課做唔晒,
唔聽佢指示, 教你唔聽真係會拎把鐵尺打你, 你唔好以為逃學威龍D人真係得個笑,
真係廁所都可以罰你去洗埋,
補課? 留堂就有, 夏令三點半, 冬令四點四十五分, 但大部份人都會係學校圖書館到六點先走,
因為最少唔識可以問你身邊果個, 除非你第二日又想俾人打或寫悔過書, 做一年PAPER同加背啦,
會考班想旅行? 單係花潮, 竹林深處人家, 我單係工作紙果時科影印費都二百幾,
班會影十張都係兩毫, 你自己計= =
你地補課都知有乜野作用, 咁我地果時D無限機械形讀書,
成效又有幾高? 除非真係冇心讀 , 如果唔係我地以前會考真係未聽過有人真係自殺會走去玩,
當然我呢D例外, 都做功課做到摩打手

至於你講果D學生論,
好似盟主呢D應該俾人FF過唔少果句:"死仔, 你而家唔讀書大個行乞呀"
係我地時代, 最開心永遠都係中三之前,
到中四中五? 除左識女仔拍拖, 仲邊會諗番學開唔開心,
保住默書100分唔駛罰抄100次, 千其老師唔好諗D怪野突然對某D作者有意思,
唔係又捉你去研究果條友作品, 新聞都千其咪有大穫野,
咁就功課穩定清得晒冇俾人又加工, 咁你食完飯沖埋涼都仲有得10點左右訓教,
唔係你就真係自己諗,
就好似而家你問我讀書開唔開心?
我會話開心呀, 最少我想讀果D我讀晒,
定係你要我講日日差不多番工咁機械式讀書一失手十二點都未必做得晒功課叫開心咩,
中五都係到尾聲叫好D, 但我果個年代,
個個俾人真係篤開, 突然冇人篤你估佢地會讀得輕鬆D?
以前會考自殺人數, 你睇番數字就會知係乜野一回事,
只係我地以前死人只有會考, 過左之後都習慣晒高考再難D都照殺冇所謂,
壓力野, 邊有得比, 單係我叫你拎水桶出去罰企,
唔好話有冇作用, 你聽少堂書做功課又要多粒幾鐘去查字典都夠死,
我地以前邊有電腦搵, 拎去做EXCEL或POWERPOINT已經係神級軟件, 翻譯通都要有錢仔先得啦,
逼到你真係乜文言呀, 英文報紙或書呀, 查都查到你記到頭痛, 更唔好話都唔係你會考範圍,
唉, 算啦, 都唔係好想慘對慘, 都係果句, 任何野都係睇你壓力問題,
你又要讀又要話辛苦, 如果父母唔反對, 咪出黎做野一了百了,
但你又想讀自然要諗計啦, 你唔鍾意, 乜都辛苦GA啦,
除非你自認係天資聰敏一目十行例外啦, 但你自己都話要靠補課又冇計,
咁又可以點?

HolyNight

SuperDS 發表於 13-4-21 09:24 PM
你間名校黎架?

校名就唔方便講......

不過我間學校係我住緊呢區出名多補課

校長愛面子,要求嚴格

老師就話呢間係Band1尾既學校

SuperDS

HolyNight 發表於 13-4-21 09:22 PM
而家都中五了

同埋同而家校長d人熟到好似屋企人咁

你間名校黎架?

HolyNight

SuperDS 發表於 13-4-21 09:18 PM
個別學校姐, 我見好多學生四, 五點都打梗機了, 如果你覺得你間學校太辛苦,

或者考慮下轉校吧 ...

而家都中五了

同埋同而家校長d人熟到好似屋企人咁

轉校會好唔捨得

SuperDS

HolyNight 發表於 13-4-21 08:51 PM
我諗而加中學唔會朝八晚三咁早.....
上到中學之後我未試過早過五點放.....
星期六就因科而定有時番半就有 ...

個別學校姐, 我見好多學生四, 五點都打梗機了, 如果你覺得你間學校太辛苦,

或者考慮下轉校吧

HolyNight

嵐雨 發表於 13-4-21 03:08 AM
讀書有壓力, 好正常GE,
就好似做野咁, 有D人都有壓力,
不過時代唔同, 我真係答唔到而家學制同以前有乜野分 ...

我諗而加中學唔會朝八晚三咁早.....
上到中學之後我未試過早過五點放.....
星期六就因科而定有時番半就有時番下就...3X既就有時要番全日
中三既科就有 中 英 數 通 體育 視藝 音樂 企財 經濟 化學 物理 生物 日文 普通話 地理 中西史
雖然中三科多但中三係輕鬆D
上到高中少左好多科 但就兩日一小測 三日一大測  小測打孖黎都係平常事
時間表係四點半放學,但每日都有唔同科既補課,所以真正既放學時間係五點半
聖誕假 新年假 復活假 內既幾日紅日假期係有假放 其他都變半就補課
暑假更加唔洗講 一至五就番四日放一日   暑假既星期六 日就放假
測驗多都算...我唔想無左原本應該有既聖誕假...假期係應該比我地輕輕鬆鬆咁過 唔係變補課
=========================================================
老師成日話佢地都陪我地番黎補
但點解暑假果陣老師可以輪流放假去旅行
某d同學既旅行計畫就要因為補課而取消

出左黎社會工作既人可能都係無咩長假,但我地而家仲係學生,係咪應該過番d開心既校園生活
第時結婚生仔女,仔女問你「爸爸,番學係咪好開心啊?」
唔通我答佢「番學最開心既就係補課..補課好開心架」

kathyfly

壓力大唔大係自己比自己

不知不覺的

盟主 發表於 13-4-19 12:39 PM
0分唔係因為我學唔識,而係好多場我連考都冇去考,果時根本就冇諗住要繼續讀
一心都只係諗住快D讀完書可以 ...

咁e+係未比到你日日打機咁happy

嵐雨

讀書有壓力, 好正常GE,
就好似做野咁, 有D人都有壓力,
不過時代唔同, 我真係答唔到而家學制同以前有乜野分別= =

我果時中三, 正科有中文, 英文, 數學, 地理, 物學, 化學, 生物, 宗教, 中史, 西史,
副科就音樂, D&T, 體育, 藝術
全日制(大部份學生應該同我一樣吧)朝8晚3左右(唔記得夏令同冬令兩者分別,
總之時間加1小時就係冬令差不多),
日日十堂課六個至七個科目, 一個科目都緊到除左體育全部都有最少一兩樣功課,
一星期背默1次左右, 讀默1次左右, 一星期一次小測, 兩星期一個PER-MOCK,
三星期一次大測,  個個都只係希望D測驗考試默書咪失手, 原因唔係因為怕成績差俾人FF,
而係怕成績唔好罰抄同要做新工作紙=W=
上到中四都係中英數宗教實有, 副科冇得走, 跟手主科睇你選文理商邊科,
整四科你去會考考七科, 跟住都係PAST-PAPER同洗腦教書日子,
中六會考完都係一樣生活, 只係俾你玩下活動咁啦=W=
基本上, 我呢種本身對中文類, 數學類同歷史類都幾鍾意下,
所以學習上都係我主導情況冇乜問題, 但英文同地理呢D,
果時冇乜心機所以都差D, 你見我打字呀上網呢D,
我想講其實我以前打機玩電腦都唔好打字=W=
所以壓力我覺得都只係興趣問題,
都係唔鍾意D科先有壓力姐,
真係冇心讀, 早D出黎做野咪幾好

gates

我都有壓力~

Loveyan4ever

poon2701 發表於 13-4-21 01:06 AM
．．...唉........
我就真係唔中意這種教育模式........

很少人會喜歡

Loveyan4ever

冷月明 發表於 13-4-20 12:07 PM
唔好話學生啦。。根本壓力一定有㗎個個人

同意
只不過多方面也有. . .

poon2701

．．...唉........
我就真係唔中意這種教育模式........

zxc223789

我上堂2000fun以紓緩學生沉重壓力
so wt 如果你係讀既就唔怕咩壓力
        依家唔讀果d就爽

小妳喇叭

佢朝令夕改先係問題囉
呢頭又話要改 第二日又話要改
不如改番舊制 一個會考踢走晒d吾讀書既出去先

吾生有涯

香港教育制度一改再改 師生、僱主、家長都係輸家
依家又話重設範文
講起中史今日先望到我o晒咀
秦代經濟

卍堅哥卍

想當年中學有無SBA ,IES果 D垃圾野???