一個由香港飯制作的節目-第二集

chisato

大家好，之前為大家介紹過一個由香港飯制作的節目「AKB共和国」已推出第二集了，今集內容有：

1. AKB48劇場公演介紹
2. AKB48前成員川崎希開設的時裝店Antiminss介紹
3. 高橋みなみ首張Solo《JANE DOE》Mini Live及握手會現場情怳

大家有時間去睇一睇啊，或者同身邊AKB飯分享一下啊！

如果想了解多d呢個節目，可以去 Facebook page: akbkyowakoku 睇下啊！

謝謝！

terry880926

睇完,意見已留言在FB,希望跟進~~

DOEYOU

我想知個問題係邊度答?

terry880926

回覆 DOEYOU 的帖子

好似send去e-mail(仲要FB like同share),你睇多次段片最後有講架~~

Amuse

估5到抽飛戈到會因為IP整合遲推出...笑左...

chisato

回覆 Amuse 的帖子

其實第二集的廠景和教學一早已經拍左，只係等埋tkmn握手嘅片，好可惜錄好晒嘅時侯akb網頁宣佈會重整account，我地唯有用呢一個比較幽默嘅方法表達，我知可能有人話攞黎搞，乾脆唔好播算，但我地制作一集節目真係要唔少時間，唔係一般人諗嘅咁易，希望大家可以支持下啊！謝謝！

Amuse

chisato 發表於 2013-4-25 11:37
回覆 Amuse 的帖子

其實第二集的廠景和教學一早已經拍左，只係等埋tkmn握手嘅片，好可惜錄好晒嘅時侯akb網 ...

我睇得出你地準備左好多去搞個節目 比上集好左5少 我知你地會更好的 (бвб)　コジハル。

chisato

回覆 Amuse 的帖子

多謝你嘅支持！
其實我地都知道個節目有乜野地方要改善，不過好多時真係好難就到咁多人一齊去做，亦好難安排咁多資源，所以有d地方唯有取捨放棄～

可能大家會覺得有d野應該做或者好易做，例如介紹member，介絡pv，介紹劇集等等，但其實呢幾様野係最難做，好簡單一様野，就係介紹緊呢d items嘅時候，我地究竟可以播乜野片呢？播mb嘅相？定片？播pv定劇集片段？大家要知道，版權呢一様野係好重要，我地既然花咁多資源去做呢件事，我地亦都好希望大家去尊重版權，就算無人告我地，但我可以肯定如果我地用左呢d片源，聲源，youtube唔夠一個鐘就會warn我地或者delete我地片同account，咁様我地又可以點做呢？其實今集我地用嘅background music，我係得到唱片公司嘅sample碟先拎黎用，而唔係求其用我地買隻碟/download隻歌就放入去咁簡單，呢様真係真心有苦自己知。

如果大家有留意我地嘅片，無錯，我地d片質素唔係最好，原因唔係我地無呢d器材／技術，而係好多時日本只可以容許你用手機拍攝，你一拎部大機出來未開機只係舉高手想拍已經比人趕。但我地想堅持嘅就係我地希望我地做嘅野係原創，所有野係自己做。好簡單係片入面Antiminss時裝店嘅地圖，係由我用AI畫出來，可能你會問website都有啦，做乜自己畫，就係因為website/blog好多時d相都好細，放大左根本睇唔到，我地唯有再做過或者唔放到最大，但呢様野我估無乜人會理。

至於之前有朋友提過嘅內容，其實我地有好多已經準備左，但如果你係節目制作人，我估你都唔會一次過講晒有乜野內容吧？雖然我地個節目係akb為主，但因為制作時間問題，我地都放棄左講akb news，因為上網爬文一定快好多吧？

再次多謝各位有比意見同支持我地嘅朋友，阻大家太多地方，希望以後嘅節目能令大家滿意呢！

terry880926

回覆 chisato 的帖子

我相信絕大部分回覆都係解釋俾我聽~~

其實我覺得介紹Member,PV同劇集真係唔難...你話版權問題,我記得講握手會個段有用到TKMN Blog既圖,其實介紹個時唔一定要用片段,用截圖/相都得,截圖應該唔會被Youtube warn掛(我記得AKBOMBER都係用截圖)...講真節目VTR大部分個d片段我真係無咩印象,播緊個時我都係靜係留意字幕,最有印象只有TKMN Blog既圖...所以我寧願見下成員截圖好過...

用手機拍攝呢個我明白,所以我對你地拍既影片質素我無意見,地圖方面我唔洗做到咁靚,簡單易明就得~~

AKB news當然係上網爬文快好多,但係又有幾多人(我除外)每日上網爬曬所有文呢?相信大部分人都係間中睇吓有咩新聞就算,更何況如果有圖有話介說既片一定會揀睇片多過爬文!!所以我先建議你地講多d關於AKB成員既近況,希望吸引多d平時少留意AKB新聞既飯同未入坑既人,俾多一個更方便既渠道了解AKB~~
我提供既內容電視劇,Solo,演唱會同總選報名近況呢d即使過左兩個星期都係可以介紹既話題,當然制作時間過長導致AKB news過時係無辦法(如果因為等埋TKMN握手既片不如留返下集,先播做好既部分好過~~),所以我先話三個星期出一集太慢...

如果我係節目制作人,當然唔會一次過講晒有乜野內容,但係以三個星期出一集既進度,真係咩好題材(除左我建議過關於官方會員同Cafe呢類唔會過時既題材)都凍曬...我真係估唔到除左AKB最新資訊仲有咩好既題材可以準備作之後既集數應用...

如果我係節目制作人,我會嘗試一次拍攝拍兩集,第一星期播AKB近況,第二星期有機會先加插日本旅遊既片段(握手會/Cafe/購物方面等等),因為日本旅遊既片段題材唔係咁多(拍攝限制又大),又唔係成日有機會去日本,間唔中播吓先吸引到人,其他集數主力播AKB資訊,維持住一班忠實觀眾,要知道過左三個星期對節目既乜野熱度都無曬...

Amuse

字海

chisato

回覆 terry880926 的帖子

其實制作呢一個節目只係我地嘅興趣，唔係我地嘅工作，所以我地唔希望團隊成員有太大嘅壓力，你嘅意見我地一定有聽，但我好直接講，雖然你嘅意見係最長亦最公開，但唔代表最客觀，因為你覺得好又或者唔好嘅野，我地聽番其他人意見剛好同你相反，例如fashion，你唔鍾意，但真係有人話好。三個星期你覺得好耐，我都覺得係耐，但唔係因為等tkmn片段，係因為等官網整合account消息，可惜等左兩個星期都未有明確消息，所以我地無辦法先加埋tkmn片段落去豐富第二集。而第二集嘅廠景根本我地亦係嚮拍第一集果陣同一日拍左，所以無可能要改到已拍好嘅片。

版權嘅野睇黎你都唔係好明，頭先我講過，唔係一定人地告你先叫有問題，你話其他媒體放圖或者播歌，咁唔代表咁様係無版權問題，你有無考慮過佢點解唔放youtube？唔好話用studio version嘅CD track，你有無諗過我用結他翻彈一首歌都會比youtube出warning話我可能犯左copyright？你有無諗過我另外一位朋友因為cover彈一首歌而比youtube delete片？放圖我地會考慮，但你話你只留意到節目入面tkmn嘅圖，睇黎都係你嘅偏好，相反我亦收到有觀眾反映好鍾意睇片，因為佢地去唔到，睇片可以令佢地知道更多，所以我諗我地會兩面都會考慮。

其實我地根本就係為左新飯來定制節目內容，例如講解劇場及門票類別，但係你嘅意見入面又講話呢d你一早知啦，所以對你黎講無興趣，咁其實同你最last嘅意見叫我地介紹多d member資料咪又係同一個問題，因為實有人一早知道member嘅資料。另外係第一集有意見話我地介紹mariko店果陣有提過唔係個個都係mariko推所以無乜興趣，同様道理，48 groups有二百幾人，就算我話介紹member，如果果個member唔係你鍾意果個，都會有覺得無興趣嘅問題，其實我地係要制作一個希望大眾都接受嘅節目，而唔係為左一部份人而設嘅節目，所以我地會盡量多元化。

我重申，你嘅意見我真係有睇晒，如果唔係都唔會有咁長回應，我地唔係無心或者無意去提供更多新聞比觀眾，但我亦聽聞過有人覺得2000fun呢版係有最齊最豐富akb48料嘅時候，我覺得我地無謂係到做對立鬥快啦，我地不如做一d資訊性又或者技考性上嘅野同大家分享啦，呢個亦係我地改名為akb共和国嘅原因，其中一様就係大家尊重和確定唔同頻度嘅存在。

希望你繼續支持，真心多謝你為我地提供咁多寶貴嘅意見。

terry880926

回覆 chisato 的帖子

我無強逼你地接受我既意見,我只係想講出我既節目感想~~
第一,我好直接講我從來無話過我既意見係客觀~~
第二,你地話聽番其他人意見有人話fashion好,我眼拙係共和国FB,第二集Youtube同Youku都睇唔到有類似留言,可以指明出處嗎?
第三,等官網整合account消息等左兩個星期,兩個星期夠時間拍新既一集,應該播新一集先而唔應該因為等消息而播出一段唔完整既影片~~
第四,我無話要提過要放歌~~
第五,只留意TKMN既圖唔係因為我既偏好,而係其他片段真係無咩印象...有觀眾反映好鍾意睇片,因為佢地去唔到<-方便請指明出處
第六,想知點樣劇場抽選當然係準備去睇公演,咁最基本既劇場及門票類別應該爬文/睇節目都知(我無諗過去睇公演都知...)所以我覺得劇場抽選係俾d想去而未去過睇公演既飯而唔係俾新飯(成員都未了解十足,檔都未補夠就咁快諗住飛去睇公演,勁!)
第七,介紹成員資料係上一集意見,係想被d未入坑/半入坑既人睇,介紹成員近況係想俾d飯知道成員最新大事(小新聞無需介紹),俾d唔鐘意爬文/資料唔夠詳細既飯有個補充既地方~~
第八,Mariko個Part無乜興趣主要係因為涉及AKB既地方太少,而48groups有二百幾人咪慢慢介紹囉,無人叫你一次個介紹曬,每集介紹兩個都夠啦,總會輪到你鍾意個個,咁應該夠大眾化掛?
第九,唔洗緊張,我第二集開始無話個你無睇晒我d意見(第一集個時無人回覆我個時有講過)~~
第十,聽聞過有人覺得2000fun呢版係有最齊最豐富akb48料<-咁勁!雖然我有同人咁講過,但係點解我無聽人咁讚過>.<
第十一,對立鬥快?影片點同文字版鬥快?節目可以做詳細/分析(主持人意見)版本,各有各做~~

Amuse

兩邊再講下去就無謂LA   大家渣個手算LA.

terry880926

回覆 Amuse 的帖子

佢有d誤解我,我解釋返姐,無野啵~~

chisato

回覆 terry880926 的帖子

其實我唔係同你做辨論比賽，你唔使有咁大嘅反應嘅，我都有提過啦，其實係你比較公開咁比意見我地，咁唔代表所有人都係好似你咁公開比意見我地，所以你話要我比出處，其實都無必要，因為我地收到意見就得，而唔係來證明我講嘅係咪事實。

我亦講過我地各人有自己嘅工作，唔太想將興趣變為負擔，你覺得3個星期太耐，我都話過我覺得耐，我已解釋原因，至於你接受不接受，我也沒有辦法，因為做節目只係興趣，我無必定死幾耐放一集，而之前有人問過我地都係講大約2－3星期一集，不過你唔好問我係邊度有人問啦，我真係唔記得。

你意見叫我地介紹pv，pv本身就係一隻歌，我舉例說明放歌都有機會比人delete嘅時候，你覺得影像會唔會仲更加大問題呢？我諗你應該都會追music station吧？你可以見到有人放上youtube幾多個鐘頭之後會比人delete啦。版權問題係一個好重要嘅既問題，呢一刻我地真係做唔到，如果youtube唔會理會嘅話，你估我唔想做咩？基本上你講嘅介紹member，pv，劇等等我地係開台前已經有討論過，只係暫時唔係我地最想做嘅野。我地唔係唔聽意見而只有自己思想，講一個例子吧，一開始我地根本無諗過做字幕，只係見到網上有人反映不明白廣東話想有字幕，所以我地先開會討論再立刻去做。

你覺得無理由連劇場係乜就唔應該睇公演？sorry，包括我同埋我真係有好多朋友都係咁，你有呢個知識唔代表所有人都係，你有上網爬文嘅習慣亦唔代表所有人都有，請唔好將自己嘅習慣套用係別人身上。我上年去睇tokyo dome，我連乜野叫同行者都未知，咁最後我都係去左睇，我決定去睇果陣就係SSA公佈果日，果陣我只係鍾意AKB個幾月，係咪乜都未知未識就唔可以去睇？定係要考到張證書證明你了解基本知識你先可以睇？咁官網可能要係抽飛前做份test比個user先啦(笑)。

我其實只係用平常心去回應你，絕對唔係要同你有乜野對立嘅辨論，大家都係為自己鍾意嘅偶像去做唔同嘅野，我真心唔想因為呢d意見令大家傷和氣，就係因為第一次你話我地唔覆你，所以我先要更加認真詳細去覆你，如果我嘅字海回覆令到你有唔愉快，我真心向你講聲對唔住。

至於2000fun係最呢版係有最齊最豐富akb48料，我都係聽聞啫，而事實你都真係好落力每日update大小news，每個媒體頻度都應該有自己立場宗旨，大家理應互相尊重係基本嘅事吧？

的而且確，文字係唔可以同影像鬥快，但我地係一個平台，而節目只係其中一個渠道，如果你有留意我地fb page，我地係有akb資訊放出來，基本上一星期都update三四次，而呢d資訊亦同你完全唔同，我唔係度賣廣告了，你有時間有興趣可以上去睇下啊！

Terry，係我個人立場又好，代表AKB共和国又好，我絕對覺得你係一個好好嘅觀眾，我真心唔希望因為我地係度嘅交流而影嚮大家嘅關係，希望你明白吧！謝謝！

chisato

回覆 Amuse 的帖子

我知道terry為我地節目著想啊，所以唔係乜野爭論，只係討論一下吧～ :)

terry880926

回覆 chisato 的帖子

你打既野有d深,我靜係回覆你少少算~~
我唔係小學生,唔會唔開心啵,有溝通對大家先好~~
放心,我會繼續留意共和国既節目,想俾既意見今次都俾曬,相信下次我都搵唔到新既意見~~