愛上一個不應該愛的人

hippohehe

我本身係一個好忙的人, 一個人做2份工, 係半年前因為在正職公司關係認識了個女仔, , 但同她談天說地,講什麼都好開心, 講了2個月電話,同whatapp, 之後約她見面之後,一齊了, 但佢同我講原來佢有男朋友不過佢同佢一齊有好多問題, 這該真係有d唔開心, 不過我真係想同佢一齊, 因為我太忙所以一星期先見一至二天, 平時工作時間通常10am-11pm, 所以晚上會出去食飯,之後先再番工, 不過我通常約她見面都會見3-4個鐘, 之後先番公司通常2-3am先放工, 不過一齊時都好開心, 但最近佢問了一個問題就係, 幾時見佢daddy同見我媽, 果一刻我想會否太快拍拖只係3個月, 所以我回佢遲些先, 跟隨就二天後同我講不如我地分手, 因為佢話我地都冇結果,所以不如分手啦, 同我講句 (對唔住係我錯) 但佢話連朋友都唔可以做, 因為佢唔想聽到我之後同其他女仔的事, 我真係好痛, 我感覺到同她一齊時她真係愛我, 但太過突然,

hippohehe

3個月見家長快嗎, 其實可能我答應她, 她可能會同佢另外個男友散,

ＭＡＮＤＹ

依家件事都發生左,,只好順其自然啦

如果大家真係相愛,總有係返埋一齊既機會架

加油啦

冷月明

拍拖長久與見家長並無關係
我覺得女方是感覺不到你的誠意
而選擇放棄花青春在你身上

清楚知道問題所在就要改變自己
難道與女朋友分手就不能約對方家長出來飲下茶傾下閒計?

loseweightec

樓主幾歲?個女仔幾歲?
如果重係10幾歲, 我唔怪佢, 但如果20以上, 只可以講佢幼稚左D
識左3個月就要見家長, 我覺得太早, 唔見就=冇發展, SORRY, 我覺得佢咁諗真係小朋友.

花濺淚v3v

太少資料

不過真正愛你既人
講完分手都唔會走
只係等你去哄

KA2837

見家長有咩咁大不了?
莫講話三個月, 就算係幾分鈡, 一樣見得!

冷月明

KA2837 發表於 13-5-6 05:38 PM
見家長有咩咁大不了?
莫講話三個月, 就算係幾分鈡, 一樣見得!

有同感

kafai1725

見唔見的確唔係咩問題,
見代表你有決心有誠意同佢係一齊去考慮將來,
但我同時覺得佢都俾唔到信心你,因為佢仲未同另一位男朋友分手

冷月明

kafai1725 發表於 13-5-7 04:20 PM
見唔見的確唔係咩問題,
見代表你有決心有誠意同佢係一齊去考慮將來,
但我同時覺得佢都俾唔到信心你,因為佢 ...

樓主只係講左佢鐘意個女仔時...女仔係有男朋友
一齊左之後...冇講到女仔有冇分左手同之前條仔

又唔好咬定個女仔未同之前條仔分手...

kafai1725

hippohehe 發表於 13-5-4 01:28 PM
3個月見家長快嗎, 其實可能我答應她, 她可能會同佢另外個男友散,

佢係2樓自己寫未散

hippohehe

年齡30了

係我同她一齊之後, 先知她有男友, 她同我講同另外的男友有問題,  但都係未散, 不過我真係好愛佢,

kafai1725

愛情就係咁令人盲目,
未遇到之前,你覺得自己唔會做第3者既可能,
但當真係遇到,你係抽唔到身
不過有時我真係想鬧下d女仔,
可唔可以散左先同第2個一齊呢? (雖然男既都唔少搭幾船)
我認為愛一個人應該就全心全意!

拉筋手下

O N 9 9 .........................
見家長............................
第3者..............................

咁嫁女人仲意又好 愛又好 比你都唔好要啦
自己有個男人都受其他人媾
比你做到佢男人啦
下埸又會同上一手一樣

SORRY2036

別人唔愛你
無論你做幾多都5會愛你
算吧啦..你死纏難打 變相是討厭的

kuen9090

佢突然同你分手可能有唔同原因,可能係佢家庭問題(例如因已有男朋友,家人叫她不要三角戀)
又或者是佢男朋友逼佢都唔定,其實你可以試從哩d原因睇睇點解,
如果佢真係同你度過一d好開心既日子,佢又真係好開心既,我唸佢都係鐘意你,
無理由突然間同你講分手,一定係個兩日發生左d事,雖然佢話唔鐘意你,
但你可以做d令佢好感動既野,放下尊嚴,女人才會喜歡

紫靈姬

loseweightec 發表於 13-5-6 03:17 PM
樓主幾歲?個女仔幾歲?
如果重係10幾歲, 我唔怪佢, 但如果20以上, 只可以講佢幼稚左D
識左3個月就要見家長,  ...

女人無論幾多歲都會有幼稚,女人要強悍無非都係想保護自己脆弱既一面.只係你係咪佢既另一半,無需再刻意假裝做返自己,咁就係幼稚嗎=_=?咁我覺得你感情生活都幾辛苦下喎....
當然查實你同得你男/女朋友一齊當時你已經認定左佢係你愛先會一齊,只要有適當時機對方又唔會拒絕的話,咁幾時見家長有咩問題呢?唔通3個月係試水溫唔岩就散?似玩野多過似拍拖..
見家長呢部分係唔關時間問題,而家既時代已經唔同,有啲家長好開通,唔一定係結婚對象先會見面的.

紫靈姬

hippohehe 發表於 13-5-4 12:35 PM
我本身係一個好忙的人, 一個人做2份工, 係半年前因為在正職公司關係認識了個女仔, , 但同她談天說地,講什麼 ...

佢同你一齊既開唔開心,只有你能夠感覺得到,旁人係只能睇到你既文字,愛唔愛你真係自己先會知道,只係細心諗一下,佢真係愛你的話,點解唔可以同你商量下又或者埋怨下你,而去選擇分手呢?
佢自己本身有個男朋友,想去見第三者既家人,有點令到樓主你個心總會有條刺,怕會係爛尾收場,結果意料中的事..
可能佢真係想求一個安心穩定既情人,佢都可能曾經有提議過原本個男友去見屋企人,但被婉拒..就發生好多爭執,不過..都係猜測而已,最緊要係你都已經覺得愛上一個唔應該愛既人,就唔好諗太多,時間可以淡忘..希望你能找到一個真心愛你既人..

hippohehe

好多謝樓上所有人, 雖然過了一段日子了,但我都係未忘記到佢, 不過佢其實一早已經見過男朋友家人