[心聲] 分析港女

□艾爾維斯□

其實我一直有個疑問，港女港男都係貶義- -
樓主甘樣講香港女性未免有D過激。
職場上，如果要做勞動性工作，女性唔會少於男性- -
你去餐廳食野，棒餐既妹妹會唔會棒少D- -?
男女做既野都差唔多，定係你受太大刺激呢?

買衫既問題唔止係單方面欲望，係社會風氣做成~
好似辦公室OL甘...你套衫如果2日都著同一套~(有時冬天有D人一件衫著兩日)
真係有人會背後話你係乞衣WO

當然啦~如果有D人唔介意既米由佢，如果老闆介意呢??
我自己見工，老闆就已經評我衣著打扮，雖然我好大路就著恤衫西見工。
但係到我返工果時老闆都係嫌唔夠- -"
又話要化妝化好D阿，咩畫眼線，修眉等等(我又唔係一字眉又唔係謝里眼,整整齊齊都有犯罪?)
男仔返工，有冇老闆叫你畫眼線，化妝，返工最好著套裝之類-_-

唔好再同我扯咩男女平等，男女平等只係夢想，
只係香港男女平等方面係做得比較好。
冇甘大差異。

唔好講到男仔好委屈，女仔都有佢自己既難處，你唔鐘意冇人要你追香港女性，先預祝你第時娶唔到"香港"女性做你既老婆，如果唔係你真係好慘。
要你甘委屈真係唔好意思。

----------------------------------
建議你快D移民到日本，有你最鐘意既日本妹A_A

□艾爾維斯□

回覆 qcuqcuqcu 的帖子

我覺得係教育問題..你應該問返六~七十年代D父母俾左D咩教育。
如果果D家長好似我屋企甘，要7歲開始煮飯，甘就大部份而家既八~九十後都唔會話唔點識煮/唔願煮。
習慣成自然=_=
我媽果輩都係甘既歲數自己煮，唔好話虐待細佬仔，情況唔容許都要自己煮。

所以唔做家務尼D係新一代既問題..已經唔單止剩係關港唔港女事...
同埋你識既女仔唔做姐~唔好講到所有...
我識既女仔朋友都會幫下屋企煮下飯，做下家務。
我自己情況比較特殊唔可以作比較(我係屋企做妹仔)
我D朋友真係有好幾個係好道地既港女，但都間中自己煮飯，洗衫。
好過完全唔做先，完全唔識做就叫港童啦

講返返工，
我果次去見室內設計細公司，去見工個個員工都著T同牛仔褲，
個老闆叫我返工著套裝，真係O哂嘴- -
不過待遇太差就冇去做，就去搵住PART TIME 就要我化濃妝，嚇到我鳥=_=

少衫呢個問題~係發生係我識既朋友身上，
佢條西褲冇換就俾人話乞衣=_=
之後佢忍左半年頂唔順都走左，試問月薪只有8K5既文職仔，
又要養家，何來經常換新衫。

我自己覺得女仔有10幾套衫已經好多=_=
唔清楚其他人既標準

日本女仔，的確有唔少好處，但壞處好似冇乜人睇甘既?
我有同學去左日本留學，果度D群體觀念都好重下。
排他性都好高，標新立異少少都會俾人杯葛。
都係果句，凡事唔好睇單方面，
你唔鐘意冇人迫你同果D甘既香港女仔來往，
虐待自己咩，我自己都識唔少港男啦，唔合做朋友都唔洗來往，
有冇紳士風度我唔講啦，但講到負責任，好似做PROJECT，
我甘大個人，未見過有男仔有負返責任做好佢地既部分，
有同學有突發事件發生，D男仔走都走唔切。
SORRY，如果甘講我米係要歧視哂大部分香港男性，
我相信個別既人問題唔代表全部。
同你諗法相去唔遠，
係大部分既男仔俾我感覺係做事好冇責任心

都係果句，唔合米唔好理，HIBYE FD就算啦，
KEEP住來往虐待自己咩?

□艾爾維斯□

回覆 不知不覺的 的帖子

我只係去見繪圖員draftsman，office d人個個都t-shirt 牛仔褲，
得我一個著套裝甘膠?西裝都話唔得，一定我要著外套，啥鬼事?
之後去親見工既同學，只有女仔係俾人甘要求。男仔話著t-shirt 牛仔褲返工就得，
仲唔係歧視?

仲有就係我fd忍左半年，我覺得ok啦！
你覺得我fd有問題，你又唔識佢，點知佢份人有冇野，
自果次之後，一返工，老闆都叫埋佢乞衣一份，
人身攻擊囉唔該。
你重點都放錯左，我意思指佢返人工甘樣俾人話，男仔如果甘樣著，
有幾可會俾人甘話?

日本排它性強?比香港強好多好嗎?
漫畫入面發生既事，好多都係現實都有發生，係日本，
你有冇睇過日本d新聞，欺凌情況仲勁過香港。
佢地唔一定係欺凌外地人，係本地自己同學都會甘做。

都係果句，我重點係凡事唔好睇單方面，你睇D唔睇D就亂插，
你唔鐘意香港女仔可以直接講，唔洗搵野亂插。

□艾爾維斯□

回覆 qcuqcuqcu 的帖子

煮飯尼家野係你情我願，唔鐘意可以去買外賣，冇可能迫女朋友一定要煮俾你，
甘樣點解唔搵個識煮既呢?
長煮尼個問題，結婚之後實有人長煮架啦，點解一定要老婆長煮?

係韓國，家庭煮夫都唔少，你尼D觀念就停留係舊時。而家男女都外出工作既時候，
煮飯既樣野就唔剩係落係一個人身上。

姐係人睇你，你睇人，你睇女仔點點點唔好，人地女仔都可以睇你點點點唔好。
如果你話你好有錢好靚仔，又對佢平時都唔錯，你所謂既港女應該唔介意煮埋俾你食
不過如果甘樣個女仔都要你煮，甘就過分左D，有好男仔都唔珍惜

有另一個回覆提到衫既問題，我唔解釋。
日本妹既壞處，你去睇下少女漫畫就有，
好多欺凌事件都係有現實發生，
唔好以為果D漫畫人物行為好膠唔會發生，
事實就係有發生
去搵學長之後俾人打尼D好常有，佢地階級觀念好重，
我大你一年級你就的確要聽我講。

成班女仔減肥，果個女仔本身自己瘦既走埋去講:
其實你地都唔係肥姐，仲OK阿。我覺得你地而家甘樣都好好身材。
有部分小團體會覺得果個女仔暗串，之後就輪到果個女仔俾人蝦。
(尼個係發生我一位男性朋友既女朋友身上)
被人欺凌情況我就唔提了，同漫畫果D差唔多=_=
WC果時從天而降青蛙，凍水，蛇尼D....

□艾爾維斯□

回覆 qcuqcuqcu 的帖子

點會俾人笑到面黃，尼D係心態問題，同埋係你說話術出左問題。
你可以換個講法講，
我好鍚我老婆，我唔想佢放工返黎甘辛苦，就幫下手做家務，邊個得閒米邊個做。
甘樣人地會覺得你係個超好老公=_=

男仔煮飯唔係自豪既事，你尼句話打死好多做廚既男人！

冇人話到隔日煮尼個問題，
煮飯尼D野你睇甘重其實冇人強迫你識個唔識煮飯既女仔，
而家似你識唔到走出黎講

以我屋企為例，前幾年，我仲返緊學，
我家姐又返工，我媽又返工，
我早放學or放假，就我一腳踢哂所有家務。
唔通我要話我老母唔做父母既職任煮埋俾我食?
我7歲開始煮飯耶！唔通話我媽冇做好阿媽既責任?
佢都返工養，我唔洗返工，甘我做好正常。
當我返工果時，我都係依舊甘做，
除非我忙就我媽煮。
將心比己，你愛佢唔係愛佢識煮飯架?
仲有其他野你先會愛佢，雖然好多時候d人都話愛係冇理由。

都係果句，你唔鐘意冇人迫你識，除非你有本事改變到果個女仔。

□艾爾維斯□

回覆 不知不覺的 的帖子

俾人佔便宜好睇人- -

同埋樓主都冇講到佢自己既情況出黎，
如果佢有錢養活到一家人(姐係指婚後)，唔洗話好靚仔(普通樣)，
又好為頭家，個穩定同居女朋友或者老婆都係甘既樣，家務唔做，
剩係識伸手要錢(自己有返工)
甘就係果個女既唔岩。

最後多講一句，你地識唔到好女仔唔好係度怨了....
我識既女仔朋友，有男朋友既，大部分都好珍惜男朋友俾既野。
就算送小禮物，旅行買到既明信片，或者小掛飾，
雖然果D係幾蚊雞既事，但佢地都寶貝到唔捨得用。

真心愛一個人，唔會想得到對方太多。
只希望對方同樣愛自己同一齊過得幸福。

只係你地遇唔到姐！

□艾爾維斯□

回覆 qcuqcuqcu 的帖子

雖然你話..我地男人溝女會簡樣同性格。
(仲有能力，做家務，因為你後期回覆主旨都係講緊做家務尼樣野)

我唔係話你講得唔岩~@@
係你講少樣。

其實而家唔少都睇埋女仔既學識。
通常高職有金既男仔都唔想要有樣好性格，但係係個豬既女朋友...
同豬，係溝通唔到。

正如一個高學歷既大學畢業，搵到份唔錯既工既女仔畢業了，講而家同世代，
會唔會同個高中畢業既男仔拍拖?
(之前有單新聞就係有個甘既男仔自殺，唔記得幾時)
先唔好講錢唔錢，溝通唔到都係一樣問題。
當然你地可以話，之前某PO既回覆，如果有愛，女仔養埋男仔都得啦。
尼個我唔排斥。因為韓國對於女養男方面都可以接受，點解香港唔得?
就係人既思想問題，樓主指出到去俾人話一個馬甩煮飯好於，冇面。
尼個就係香港社會既問題，人既觀念跟唔上社會既變化。
社會已經傾向男女"較"為平等。但人既思想仲係比較傾向父權社會。
男人工作，女人持家務。

不過再諗深人層，其實尼個係人性既醜陋面，
同埋上一代既父母灌輸既想法問題，
上一代既人捱得多，希望自己既女兒嫁個好對象，好正常姐。
我表姐都係一個好例子，
佢而家既老公，賺唔多，但養得起頭家。
不過我姨丈覺得佢窮(我姨媽反而冇尼個問題)，
就想我表姐嫁佢朋友個仔，嫁個有錢既生活就好。(我表姐屋企都唔窮，都有錢)

試問有幾多個父母，屋企本身有錢既，點會想個女去跟個冇錢既男人捱?
真係好老實，各位香港既男士，當你為人父母果時，會唔會想自己個女嫁個俾窮人捱窮?
之後個仔又娶個唔做家務既女人?


---------------------------------------------
以免有人罵錯人，話我表姐係拜金女，先澄清返。

最後我表姐都係嫁左俾搵唔多錢既男朋友，雖然我表姐都要操家事，
要兼職返工，又要睇住兩個仔，但而家生活好幸福。
大富大貴唔一定最幸福(離婚收場既都唔少啦)
心靈既富裕先最重要，而平凡既生活先係最幸福。

□艾爾維斯□

回覆 SuperDS 的帖子

一句話可以解決，
錢唔係萬能，但冇錢係萬萬不能。
學生時期拍拖好多唔講錢。
成人拍拖會諗結婚，就會講到經濟能力，就會講到錢。

冇本事就要睇下DS你既本事要幾多。
其他優點又唔多，多既定義又係因人而異，

都係果句，人地唔識，唔知你既最低要求。

本事尼樣野，養得起頭家，有返D積蓄，我就覺得已經唔錯。
而家尼代人唔係甘多個識儲錢。

優點既話，男仔唔會以大男人主義相待，唔洗話超溫柔，有返甘上下就可以，
姐係粗口爛舌對住女朋友講野，開口埋口好似罵人甘，已經好好。

BTW，而家D港女好多都唔滿足上述情況，要求男方要有趣。
其實我見到我D朋友係甘我都唔想再同佢講甘多，
要人地有趣，點解唔同小丑拍拖....

港女係幫唔落，但香港女性係幫得落。
而家腦殘既港女港男都有唔少，
拉返轉頭，其實此文題目係"港女"
之後樓主發文就話到香港女性，我先作甘多回覆。

因為港女既定義係貶義，再講更多都係貶，
但香港女性，唔係貶義詞。
所以我都唔想爭論港女好唔好了。

□艾爾維斯□

回覆 SuperDS 的帖子

唔好話你遇到，我都有，岩畢業有個天兵，
佢屋企又係好有錢，佢媽睇死佢搵唔到工，
佢就出去搵工搵到啦~
應該話佢太膠，先係面試，遲左20分鐘(仲一邊whats app現場直播)
整唔到d野又係甘問，家下你返工定我返工
開價開太高，先話要求萬五蚊。老闆請新仔都係想萬2萬3，
佢聽到間公司唔錯，就變左佢要求佢老闆請佢，
之後啦，老闆見就話考慮下，因為驚人工唔岩佢要求，佢做做下唔做。
之後仲話建議老闆，萬六蚊請兩個人丫，佢搵多個同學黎一齊返。
膠到甘...

甘都算，收尾條友就話8千蚊都做，老闆就話一萬蚊試用(真係好老闆唉)，
開始返工果時佢仲現場直播佢老闆點教佢做野。
期間一直撞板又話老闆罵佢，又返工遲到，
佢搞到老闆俾客投訴，老闆剩係話佢~新黎唔識又唔問，搞到佢俾投訴。
佢甘樣都覺得老闆唔好，膠仔
返左半個月到，佢老闆炒左另外個人，炒人就即時出左糧。

尼位天兵就話點解唔順便出埋俾佢，反正都出被人炒果個。
我地D同學就真係睇到佢好似哂氣，
點知尼位天兵仲話佢係老闆放假果時打去問，老闆話下星期出糧。

結果出左八千蚊，我計返條數，其實老闆都改變心意月薪俾左萬五蚊人工佢。

之後佢又話想去佢媽朋友既公司返工，人地出八千蚊請佢，但有個DESIGNER教佢，
因為"阿媽"既朋友，所以想一腳踢開尼位好老闆。

尼位就係我講過一D都唔緊GORUP PROJECT既老兄之一‧

BTW佢符合左我講有錢養得起頭家，唔會成日對女仔講粗口。
唔知甘多個港男覺得佢係米一個好男人。

俾著你係女仔，會唔會揀佢

或者尼個天兵係女仔既話，你地男仔又會唔會揀佢?

□艾爾維斯□

海芯 發表於 13-9-4 11:03 AM
據韓國《朝鮮日報》20日報導，一項調查顯示，韓國10名單身女性中有9名都表示，即使錯過適婚年齡也不願放低 ...

1億9193萬韓元=137萬HKD

匯率現時韓元/140左右

不過身高要求就離普左D- -
男仔一般平均都係170左右...

□艾爾維斯□

回覆 海芯 的帖子

a"a有身高，d女人就會揀樣，沒完沒了

□艾爾維斯□

回覆 海芯 的帖子

當然啦，有要求先有進步，不過我意思係，如果係雞蛋裡面挑骨頭，
不如就唔好拍拖了，對方會好可憐，自己都會好可憐。
犯賤咩

□艾爾維斯□

回覆 qcuqcuqcu 的帖子

你發文，就打左好幾次香港女性

我希望我男朋友對我好啲――十個香港女性，九個都這樣說，但怎樣才算對她好？


我認同上面尼句，但以下既根本就係港女，而唔係香港女性。主題係分析港女，而唔係香港女性orz
所以DS先會覆甘多，因為內文你將港女寫成香港女性，先會變成甘。

說穿了香港很多女性所謂對我好的具體表現，無非就是照顧她的一切開銷、忍受所有無理取鬧以及像她們老豆老母一樣不單要接受她們的臭脾氣還要調返轉去哄她們開心，否則你得到的評價就是：一啲都唔細心、唔緊張我、唔關心我。
她們不會意識到若果是在找男朋友而不是奴隸的話，沒有人需要無條件接受她們所有的缺點然後還不准投訴，而同時你的所有缺點將成為被人攻擊的藉口。在她們一再說男人要有風度、要關懷女人時，有無人諗過咁邊個關懷男人呢？

當然，有一些女生會覺得最大的付出就是自己――我肯同你上床仲唔係付出――comeon你當自己係雞都唔好當我係嫖客，你把自己當成是一件貨物也不要以為我應該理所當然地向你付錢，然後把這一切變成一場另一種意義上的性交易。
我仲估我地嘅交往係建築喺感情之上，估唔到，原來都係一盤生意。

--------------------------------------------------------------------------
有D我係好認同，但講到底就變質...
果D已經同你講既一樣，都唔叫愛情了。

解釋下"個豬既女朋友" ，人頭豬腦- -
公主病..我某位表妹就有個公主病太嚴重到無腦，
我同佢係親戚都唔想同佢講野=_=
溝通唔到阿
姐係一個正式既公主病，去旅行台灣泰國好CHEAP，要去日本歐洲先得。
成日幻想有白馬王子，事實佢自己都好唔到去邊。
其他我唔解釋，大家心照....

□艾爾維斯□

回覆 qcuqcuqcu 的帖子

= =我都覺養唔起，
其實而家D男仔都犯賤D，
女人唔壞男人唔愛。

好似以前我識既一對甘，
果個男仔(以下稱M男)都OK受歡迎，
但佢條女(以下稱為A女)當正佢係ATM，有另外個女仔(以下稱為B女)都鐘意果個男仔~仲對佢好好。
點好我就唔詳細講解啦，但以我角度黎睇~如果拍拖都係甘既態度，
真係一個帶得出街又睇得，又哂得既好女友。(我同佢唔係好FD，我都係甘覺得)

不過M男就犯賤，就剩係鐘意對A女(我同A女就真係比較熟既朋友黎.. )
原先我都冇同B女唔多熟，係A女成日話M男點點點唔好，
又話M男買唔夠多野俾佢(百分之200係港女兼公主病)
又成日同第個男仔煲粥，我都唔想知佢甘多野=_=
廢事佢條仔話我唔夠朋友啦~又唔話佢知。

甘我同佢地玩同一隻ONLINE GAME，就識到B女，B女係同M男係小學同學黎。
暗戀左佢好耐~都由小六暗戀到中五。
玩GAME佢唔鐘意打怪，但又成日肯陪佢打。
M男話想買某D野，B女又肯陪佢。
M男送少少野(遊戲道具姐)B女當正寶。

A女做既野同B女相反哂，唔鐘意陪M男出街。
玩GAME要M男幫佢練埋，
M男送野俾錢佢當正垃圾。

B女後尾告白話真係好鐘意佢，M男就話我剩係鐘意A女。

結果成件事我局外人睇，講好聽DM男係癡情種。
難聽D就係被虐狂兼戇鳩。
有個有樣有身材唔差，又對你好好既女仔鐘意既又唔要。
係都要果個樣好普通，身材麻麻既女仔又公主病。

SORRY，我每次諗返起就覺得B女唔抵，
但好彩佢冇同正尼個冇眼光既M男一齊，有甘既條件，我相信佢應該搵到更好既男仔~
(不過我冇點同尼對聯絡，剩知A女同M男結左婚。B女就更加冇啦)

以上情況發現唔少，可能我唔識咩30歲後既人，但15~30歲尼D情況的確唔少
最嚴重既見過有人結婚前一晚走左佬。

□艾爾維斯□

回覆 qcuqcuqcu 的帖子

可能啦~
你會唔會甘，冇人知將來事。

但其實有幾多年輕人接受到平淡既愛情= =
好多人感情淡左，
對方就算條件幾好都冇用。
米又係分開~
都係果句，人係犯賤，

有部分人未衰過就唔知咩叫好-_-
有果時唔識珍惜。
冇人先知好~
(尼個例子可套用於男女身上)

□艾爾維斯□

回覆 qcuqcuqcu 的帖子

尼D全部都係我D 朋友經歷cheers:
佢成DD野都PO 上FACEBOOK~
我成日咬花生睇戲