想回鍋,有什麼職業好介紹

○銀狼●

我記得之前玩祭士,的補技好像補不是很多.
不過攻擊也可以看....之後沒玩了

我其實想玩助攻/輔助的=3=

助攻是 攻擊+輔助(比給暈眩之前給組員輸出時間之類
       輔助是只(主的補血,安全過版之類

個人又喜歡,玩召喚類的職業.(好像有寵物跟住哂又得, 乖乖企定定打又得0,0

咁我應該玩咩職好?

×咖啡..◇貓!

○銀狼● 發表於 13-11-11 05:17 PM
我記得之前玩祭士,的補技好像補不是很多.
不過攻擊也可以看....之後沒玩了

補得唔多 係你魔攻 同技lv低
我之前60lv聖徒 萬3魔攻
開哂2招補血 都大約回到成7~8萬
用埋45回血技除非一下死/唔避招 基本上都保到隊友


BTW你想玩加攻/輔助 咁玩吼傭 可以試下
但攻就一定唔可觀嫁啦

想玩召既就蘿莉啦

自己都未肯定 可以2下都試下先
反正而嫁升得咁快

○銀狼●

我見到人海戰術~很開心0,0

×咖啡..◇貓!

○銀狼● 發表於 13-11-11 06:20 PM
我見到人海戰術~很開心0,0

人海戰術?

﹏魚少`》

等緊刺客喔
技能很帥

○銀狼●

召幾多兵他出黎打0,0 就係人海戰術XD

×咖啡..◇貓!

○銀狼● 發表於 13-11-11 07:48 PM
召幾多兵他出黎打0,0 就係人海戰術XD

咁蘿莉 應該幾岩你

○銀狼●

明天試下先,唔好講笑

sparkshining

蘿莉三轉 機甲司令 應該幾岩你玩, 召喚一堆砲台同機械人出尼, 之後專心閃避就得

得閒對D機械鴨發幾個攻擊指令, 同埋補充消失左既機械鴨/砲台...

我玩左幾個禮拜機甲之後...發現...對手懶左- -"



補師職個邊, 應該個時你仲係遊戲前期, 個時補師既補血技的確係補得唔多, 但係依家出左三轉同60lv上限之後補血量係暴增(可能有改過技能數值), 一枝治癒之手已經夠你回爆半條血。

○銀狼●

我記得,補血個時... 得個100幾-- 我血好似差不多一萬

幾%左右


如果我機甲司令~做助攻有可以嗎?

我看他有有點技是暈眩之類~ 什麼 泡泡之星@@?

紅纓=^.^=

玩自己最愛就行了

sparkshining

回覆 ○銀狼● 的帖子

已經係好耐以前既補血能力啦, 依家既補師補血補到唔洗死咁制(當然係對佢自己尼講, 薄血職都係要小心)

我見過有隻補師勁到一個人單挑克拉汗(綠龍)人類型態, 完全冇死過-__-"

------------------------------------------------------------------------------------------------------------------------------

如果你玩機甲司令, 已經唔止係助攻咁簡單, 司令係中上程度既主力輸出, 最勁就係仇恨值全部計落你D砲台同機械人到, 隻大機械人係二轉仲有招技吸仇恨, 如果唔係自身輸出技放得太多, 跟本上你冇乜仇恨值, 識玩既, 50lv之前所有副本都可以單挑過深淵, 你會發現係用依隻職同其他職最大既唔同就係你好似帶左支軍隊去打仗咁- -

但係要知道第一次轉職之前都係瓶頸位, 未轉職都係小心D

泡泡彈(10lv技)基本上只可以定到小怪, 有霸體既王怪基本上都定唔到, 最多放比自己隊友做護盾(雖然都係一打就爆), 所以冇咩人加依招

你講既暈技應該係暈眩手榴彈, 10lv技, 暈眩力唔係太大, 但用尼暈小怪群都ok唔錯, 不過二轉之後隻機械人有左群體吸仇恨基本上依招都係用尼輔助控場

控場技方面大概有大機械人既吸仇恨(傑森重踏LV16), 真係要辛苦晒我隻成日比王打到飛上天既機械人...

機械鴨既電場(LV20)同警鐘(LV24)依兩招威力唔錯, 可惜控場效果對小怪有用D

------------------------------------------------------------------------------------------------------------------------------

不過好似樓上咁講...玩你自己最喜歡既就得

○銀狼●

我唔知點解,覺得點D點唔夠用

○銀狼●

因為什麼地板可以把怪倒地. 不知道王可以嗎?

咁出兵仔~係唔係機本上,所有兵都可以出到@@?



話說~你們講仇恨值的問題, 有人試過打乒乓波嗎?( 把仇恨互相拉來拉去0,0"?

sparkshining

回覆 ○銀狼● 的帖子

>>我唔知點解,覺得點D點唔夠用
唔會唔夠用...改左幾次版之後佢將D技能點改得鬆動左好多

一轉除左D被動技, 同埋蠟地板之外, 基本上都唔洗點加技能
二轉只係加召喚系個邊既技能已經夠, 砲擊系加強化大機械人既技同砲擊系40大技, 基本上都唔會唔夠點

>>因為什麼地板可以把怪倒地. 不知道王可以嗎?
認真對王冇用...

佢既最大作用就係打副本同打PVP個時放比隊友當係加速地板咁用

>>咁出兵仔~係唔係機本上,所有兵都可以出到@@?
唔係好明你依句講咩...

你意思係咪同一時間可以有好多隻機械人?

機甲傑森(同一時間只能一隻, 主要作用係坦)
機械鴨(同一時間可以有三隻, 主要作用係放電場、輔助攻擊、放警鐘)
所有砲台(同一時間可以有三台, 包括格林機槍台、火砲台、冰凍噴泉台、電鋸砲台)

所以同一時間內我身邊可以有七隻機械人

>>話說~你們講仇恨值的問題, 有人試過打乒乓波嗎?( 把仇恨互相拉來拉去0,0"?
打乒乓波係機甲召喚師另一個三轉(砲擊之星)先會發生既事...因為佢既輸出都係自身發射既砲技...

以單刷尼講既話, 機甲司令既仇恨值好少會同佢D機械人打乒乓波, 因為打怪既都係機械人, 你既仇恨值係幾乎0, 當然, 你幫手放控場技, 或者唔小心打到隻怪都會計你少少, 但真係少到冇人有, 我試過自己拉走仇恨值既時候已經係我打同一隻王打到超超超超超耐既時候- -

以團戰尼講, 你既仇恨值直頭已經接近係冇...有隊友輸出, 有機械人拉仇恨, D怪會彩你先傻... (機械人同隊友打乒乓波就差唔多)不過都係要小心D怪既範圍技, 因為隻王開技夠致命既話, 你唔小心中槍都係一樣叫痛

○銀狼●

呀!出嫁意思是,所有有出兵他的技@@

姐係點數唔會好吃緊吧@@?

原來係鴨唔係雞呀@W@

sparkshining

回覆 ○銀狼● 的帖子

點晒全部技出尼就一定得, 但係全部加爆技就唔洗諗點都冇可能-_-"

有D技能就一定要加高既, 好似格林鴨咁, 係大家公認威力唔錯既技能, 依D技加高無妨

有樣野要注意, 技能LV加上去既時候, 威力增加唔係衡等既

好似格林鴨依招砲台咁, LV4、7、10、11、16先會有威力上既暴增, 其他lv加上去都唔係加得好多

所以一係唔好加高佢, 一係就加到上去威力暴增既lv

至於咩技咩lv暴增, 我都講唔埋, 不過你可以去search下"龍之谷 技能模擬器", 有埋數值比你睇

----------------------------------------------------------------------------------------------------------------

>>原來係鴨唔係雞呀@W@

係-w- 佢個樣係一隻鐵皮既鴨霸

○銀狼●

回覆 sparkshining 的帖子

哈!! 我到時無敵了XD""""?


多問一樣係MP 聽人講會好唔夠係唔係嫁?

sparkshining

回覆 ○銀狼● 的帖子

依隻職無魔就冇乜點見過, 最起馬我冇...我用補師仲冇魔過佢...

不過依隻職既致命傷就係召喚物強大, 本體就皮薄餡靚美味, 打到去後期某D副本, 隻王準備開大技真係閃遲一秒即刻命都冇

而且記住某D高lv巢穴同龍副本要小心, 因為有機關既情況下你D機械人可能會幫你搞到個機關, 要預先知道個副本點打, 如果唔係會累到全隊人比人秒X_X"

60706724

講到好似無敵咁-口-

煩惱緊唔知玩機甲司令/冰女/弓 好