問歌

天雨乂

5分25果首係咩歌??

gOD.

歌有好多版本..你自己搵..

海芯

今晚老母冇煮飯，我迫住出去食
樓下選擇雖然唔少，有老麥、有唐記、有板長、有酒樓外賣
但我最後都係比大快活既冷清吸引左
成間店咁大，只有四分之一既座位有人坐
有幾個阿伯係度睇報紙，神情呆滯；有幾個阿婆除左拖鞋unun腳傾計，睇怕由下午荼坐到依家
一入門口就係counter，只有一個counter有人當值，排隊既人只有兩三個
我納眼望過去個餐牌，最左手邊係雪藏牛扒餐，四十幾蚊得果一塊十成熟牛扒，加飯仲要加錢，叫果個真係on9(以我觀察叫既人亦極少，唔明白點解仲未remove from stack)
再過d係普通西餐，咩野焗豬，咖哩雞，為到都三十蚊三十五蚊，觀望
過d係火鍋，為到要四十蚊以上，無非有肥牛、海鮮選擇。
最撚離普就係加料，四粒魚蛋要成九蚊，holy shit，就算係你大快活自家製魚蛋都洗賣咁貴？
forget it，右邊係中餐，佢個火山蛋都幾趣置，未試過，可以一試。
再右手邊就係燒味，同幾個所謂泰式飯，有豬頸肉，心諗有豬頸肉就係泰式？呢d就係marketing
考慮左陣，始終focus係中餐，貪佢有個味精湯，個人幾中意食味精
最後心血來潮，決定食咕嚕肉飯，想食d有鑊氣既野，那怕鑊氣值只有20%
落單果陣，加左兩蚊轉可樂，食得鑊氣就一定有杯可樂先頂癮。
拎左張單行到埋去，fellow話等叫number
隨便搵張椅坐，後面有個阿伯係度睇報紙，餐盆都收左幾個鐘，椅都坐得lup哂，報紙都睇到熟哂，仲未走
never mind，可以呢d就係60年代flower power既政治主張
39蚊，中國荼轉可樂41蚊，都幾平，都幾抵
我咁諗
？
我唔知，係我腦海中，忽然浮現起十幾年前既景象
一個揚州炒飯二十二蚊，一個焗豬二十四蚊
中餐冇乜印象，可能果時仲未輕中餐
只係記得，當年揚州炒飯二十二蚊，今時今日係三十蚊
即是話，十幾年之間，揚州炒飯既價錢升左1.5倍...
照推論，當年廿五六蚊一個咕嚕肉飯，今日賣四十一蚊（轉可樂）
諷刺既係，我地竟然覺得正常不過
仲要好開心咁比錢，覺得好撚抵，好撚抵
仲要加兩蚊轉可樂
可以想像，假如咕嚕肉飯今日賣四十一蚊，六年後可能係五十蚊，十年後可能係六十蚊
六十蚊，只係十年前既1.5倍
十年前加班一個鐘可以食兩個咕嚕肉飯，十年後加班一個鐘，甚至連一個咕嚕肉飯都食唔起
或者到時或者我地仲會覺得咕嚕肉飯好抵，超值套餐，好味抵食
只係因為
我地已經唔記得，香港曾經有二十五蚊一個咕嚕肉飯。