不打‧短評80：那夜凌晨我坐上了旺角開往大埔的紅VAN (有內容)

港產不打

不打評價：租碟價 $7

不打總評：掛紅Van但不是拍紅Van，懸疑科幻變林雪一人show

電影既最基本要求係乜？劇本？畫面？演技？
所有野我都可以算，但起碼我要「完整」！！
小你老x！【那夜凌晨我坐上了旺角開往大埔的紅VAN】根本未能拍完
唔係【魔戒】有計劃分幾部曲果隻，而係根本乜能都冇交代一個長鏡頭wide shot就完
對於冇睇過原著既觀眾，根本唔知做乜9！
陳果死忠可能會話【紅VAN】故事太宏大好難一套戲拍得晒
仆你個x你老美陳果，你預Q左家嘛？！有人逼9你買個劇本咩？！
你冇料到，拍唔到，可唔可以有少少職業道德，係片名加返個「上」字！？

我成日都講，電影同其他商品一樣，都有所謂「用家預期」
觀眾入場前，一定有自我對該片既預期，包括片種、故事類型、casting等等
睇完發覺同自己落差太大，一定小！
我一向唔打港產片，痛之心，責之切，但呢套我睇完真係燥到爆
因為佢根本唔係拍緊網絡小說【紅VAN】，原著既懸疑、驚慄、批判性同世界觀乜能都冇
原著既四份之一都唔知有冇，只係用左佢既角色和大橋，劇本改到九彩
你改冇問題，你改得好OK架，改到由懸疑科幻驚慄片變左笑片，芝士漢堡個腦生草！

其實導演陳果一向拍開寫實、地道、黑色荒謬既風格作品
某程度上由佢買【紅VAN】開拍，我好期待，亦希望佢可以拍出原著神髓甚至乎超越原著
只可惜陳果明顯仍然抱住獨立電影既心態，嘗試去拍一套有話題既商業片
成本低、特技差、畫面粗糙、劇情支離破碎，明顯冇心亦無力，胡混過關拍完就算
不過今次仲離譜，拍唔完，都算！非常不負責任！！

套戲唯一亮點只有林雪，同達哥撞出火花，喜劇效果非常成功，出年好大機會問鼎最佳男配角

Youtube：港產不打
http://www.youtube.com/cheungsecond
Facebook：港產
http://www.facebook.com/cheungsecond
Weibo：港產不打_微博
http://weibo.com/cheungsecond
************************
港產不打
全職非牟利網絡打手
100%支持本地製作
乜戲都打，淨係唔打港產
************************