不打‧短評89：奪命西 (有內容)

港產不打

不打評價：租碟價 $3

不打總評：低俗爛片，連基本引人發笑既基本要求都達唔到，垃圾！

首先大家唔好以為佢係Cult片，唔係無能啦啦有人爆頭被牛撞影相爆炸好多人死就叫Cult
Cult片有Cult片既味道，Cult片有Cult片既特質
想知可睇返我舊文【不打‧短評63：索女重炮神經刀】【誰明白【保衛戰隊】的Cult】
唔係拍得荒謬、粗糙、玩屎玩血叫雞殺人重口味就係Cult片
呢套只係一套想Cult但拍唔出、扮Cult又扮唔到既爛片

大家又唔好以為佢係一套笑片，笑片既基本要求係有觀眾笑
我睇果場坦白講都有六七成人，但全場一下笑聲都冇過，氣氛好似送喪咁
我雖然一向專打荷里活片，但坦白講我接受到鬼佬幽默，亦接受到重口味
【醉爆伴郎團】系列、even較早前【老爆伴郎團】【賤鄰50】等等我都有笑
但呢套垃圾極品，我可以保證，完全冇香港人會笑，亦唔應該會笑

嚴格黎講呢套應該定義為西部愛情片，主角行行企企憤世嫉俗但最後都係為左溝女
條大橋其實係紅杏出牆，主角勾人妻仲殺埋人老公
西部單對單槍決淪落到要落瀉藥、落毒入子彈，但腐壞既美國佬已經覺得冇問題
能夠以弱勝強，係智慧既謀略，係英雄既表現，道德水準低到極點

導演係著名美國喜劇演員Seth MacFarlane，繼【賤熊30】後第二套自編自導自演作品
上套【賤熊30】只係聲演見唔到佢演技上既不足
今套出場冇型冇格又冇喜劇效果，淪為下靶角色當主角做自我感覺良好
其實【賤熊30】都只係sell gimmicks 既垃圾作品，呢套更見導演功力上既拙劣
劇本鬆散，情節簡單，節奏散慢，冇笑位又冇劇情
唯一亮點只有Amanda Seyfried，由【In Time】開始已經覺得佢夠索夠搏
但導演醒目到一場床戲都冇安排俾佢，晒Q氣！

P.S. Crossover【回到未來】完全唔知為乜

Youtube：港產不打
Facebook：港產
Weibo：港產不打_微博
************************
港產不打
全職非牟利網絡打手
100%支持本地製作
乜戲都打，淨係唔打港產
************************