東亞版小朋友齊打交 : 各國勢力分析

BenL2418

近幾日講到中國同南韓關係終於走近咗，各國都出哂奇招拉攏他國加入陣營，到底各國係點樣對待喱場「東亞版小朋友齊打交」呢 ? 小弟就為11個勢力作出以分析。喱場戲，簡直值得食花生 !

以下內容只係娛樂同埋小小分析，請各位無需過激。

主要勢力

1.中國
捍衛我國領土 !
親近 : 南韓、美國、俄羅斯、馬來西亞
仇敵 : 日本、美國、北韓、印度、越南、菲律賓
講起中國俾人圍堵又係真嘅，日本拉攏中國周邊各國圍堵中國，中國對住咁多仇友依家態度都開始由軟變硬，近日仲同南韓走埋一齊，可以講係令東亞形勢變相更為複雜 ! 南韓、日本同美國係盟友，此舉中國的確有得力國喺日本問題上有所突破，而且可以間接瓦解美日韓三國聯盟，但中國到底幾時先會向越南、菲律賓喱啲次勢力施以震懾 ?

2.日本
解禁自衛權 ! 日本人需要自衛捍衛守衛一切領土~
親近 : 美國、北韓、越南、菲律賓
仇敵 : 中國、南韓
日本近日睇黎做出咗一件大新聞俾世界知道 : 解禁自衛權 ! 喱件事已經嚇疾哂各國 : 中韓立即反對，連日本身後支持佢嘅老美都冇聲出潛水游，睇黎解禁自衛權有國民反對同埋中韓抗議，日本更加顯示自己同南韓嘅盟友關係間接破裂之外一無所有，唯一值得日本開心就係拉攏咗個核彈癡漢北韓同佢一齊走~

3.美國
當面對東亞各國不斷結盟...你班x街同我煩少陣我唔得呀 !
曖昧 : 中國、日本、俄羅斯 ( ?
支持 : 日本、南韓、越南、菲律賓、台灣
重反亞太結果都係一手後台攪局。由開始都依家一直作為各個成功東亞各國身後嘅一個美麗動人嘅女人，日本解禁自衛權之前就同盟友打哂廣告，解禁自衛權之後依家一粒聲都唔出，就好似俾人打咗一巴咁靜靜哭泣，無力再介入東亞 ! 話就話老美同日本諸國結盟，但又同中國一亦進行唔少演習，同中國簡直係又愛又恨，曖昧、曖昧 !

4.南韓
唔唔...其實我係好支持中國 !
親近 : 中國、美國
仇敵 : 日本、北韓
南韓作為老美盟友之一，依家站喺歷史嘅角度去審視盟友日本到底係咪挽野定係真心。歷史嘅角度上南韓基本上同中國企埋一齊，難得依家日本解禁自衛權同毀長城，南韓應該好興奮，本身已經因為獨島、慰安婦問題同日本爭執，依家解禁自衛權完全俾機會南韓喺日本面前發難跟中國走得更近，完全係中韓原本已經想要嘅雙贏局面之體現 ! 我最期待的畫面，出現了 !

次要勢力

5.台灣
我...其實仲未選擇勢力 ( 或者因為我連選擇勢力個制都唔知喺邊 !
親近 : 美國
曖昧 : 中國
仇敵 : 日本
台灣完全係喱場「東亞版小朋友齊打交」入面冇咩作為嘅一個地區 ( 國家 ) ，因為原本就已經俾中國緊緊控制住，依家鬧革命對東亞勢力根本冇影響，只不過用黎打擾中國士氣同埋俾老美機會切入抽水...

6.北韓
同款核武，同種思想，共同的朝鮮民主主義人民共和國~
親近 : 日本
疏遠 : 中國
仇敵 : 南韓、中國
北韓夾喺中國同南韓中間，又因為不斷試射核彈而俾各國孤立，但係北韓繼續堅持射核彈，果然堅持有回報，日本入坑 ( ?? 。北韓肅清哂內部可疑者，其壯舉簡直同史太林大整肅有得比。原本日射夜射核彈入日本海搞到日本抗哂議，依家兩國極速笑笑口和解，令人非常費解...

7.俄羅斯
東亞 ? 等我搞掂個烏克蘭先 !
花生 : 東亞諸國
仇敵 : 美國、烏克蘭 ( ?
俄羅斯喺東亞問題上冇咩影響力，甚至乎係冇打算亂入。俄佬雖然有同中國簽天然氣，但係俄佬基本上同中國嘅關係仲未去到爐火純青嘅地步 ( ?。依家俄佬專注緊搞掂個烏克蘭，對住中國扯自己簽天然氣、日本要自己還北方四島，俄羅斯都應該有同美國同一個心態 : 你班x街同我煩少陣我唔得呀 !

8.越南
中國你撞爛哂我啲漁船我點捕魚 ?
親近 : 日本、菲律賓
仇敵 : 中國
越南作為一個次勢力，雖然冇得主宰大局，但係由頭到尾一直大鬧中國撞漁船侵犯領土主權，最後引起日本同菲律賓嘅深表關注，實在譁眾取寵 ! 越南雖然唔係美國同盟，但仍然佔東亞勢力一席，行為唔算出位，冇下文嘅菲律賓離譜。

9.菲律賓
阿基諾 : 你都未死，係咪先 ?
親近 : 日本、美國、越南
仇敵 : 中國
菲律賓嘅二五格簡直係所有東亞勢力之中最無恥、笑得最多 ! 菲律賓出現喺國際眼前就係由馬尼拉人質事件開始，之後指責中國侵犯其領土主權，仲搞埋台灣搞到小馬哥出手，可以話係得個樣字。面對強大嘅中國有老美支援就會笑笑口，依家老美唔在場，菲律賓咪又係靜哂。MH730搜救各國都派大軍，菲律賓仲要派得果一隻船，事後仲笑笑口講東亞各國前所未有地團結...菲律賓除咗搞局搞菲越友誼球賽之外，果然仲識搞gag。

10.馬來西亞
中立，我唔想搞大佢 !
親近 : 中國
馬來西亞喺喱場角力上根本冇任何影響力，但係大馬一直作為中國最後方嘅支持者，都唔會喺東亞問題上面表態支持任何一方面。先有MH730搞到大馬唔知點同中國交代，之後又有中國人俾人擄走，搞到大馬頭脹，只好乖乖打中國牌搞合作。

11.印度
印度洋同太平洋好近啫 !
仇敵 : 中國
印度作為一個印度洋國家，喺東亞問題早期就開月光砲射中國，到中國到印度洋護送船隻又鬧中國侵犯印度領土，令人摸唔住頭腦。印度喺東亞問題早期一直跟日本為首嘅勢力親近要牽制中國，又間中用麥克馬洪抽抽水，到依家喱個地步印度基本上已經出咗局，原因？鞭長莫及囉。

到底喱場「東亞版小朋友齊打交」發展如何 ? 讓我們繼續看下去。