- 閱讀權限
- 40
- 最後登錄
- 24-2-28
- 精華
- 0
- UID
- 1321339
- 帖子
- 1016
- 積分
- 1019
- 註冊時間
- 09-6-8
- 在線時間
- 356 小時
- UID
- 1321339
- 帖子
- 1016
- 積分
- 1019
- Good
- 9
- 註冊時間
- 09-6-8
- 在線時間
- 356 小時
|
本帖最後由 冰龍~ 於 14-9-25 07:30 AM 編輯
 
今日休息 無聊上2KF睇下新GAME狩龍戰紀見到alta下面有童話禁入黎睇下
突然好感足想講下對童話既經歷 記得當時仲讀緊書,一放學就同班FD去OK買思樂冰飲
個FD突然春叫,話隻呢隻GAME好似幾正 好卡通feel 我記得當時光碟封面係粉粉地色有隻登山雪怪係到
咁個陣學生哥零用錢又少,有錢都留返小息買下紫菜食同放學幾條友去OK買思樂冰一邊飲一邊頂住人地門口吹水
咁就唯有一個同學買,裝完隻碟再拎比我地輪流裝...我又唔算好期待童話隻GAME同埋我個陣都挽緊萬王之王,所以我係最後裝個果,裝完隻GAME申請哂野入到去揀灰姑娘SER再創人物見到有精靈種族就豪不猶疑咁揀左精靈,入到遊戲搞左一大輪終於又一個見習修士轉左法師,個陣我班FD都已經20幾LV 得我仲停留10LV,咁佢地就話帶我去史洞升,一開始我覺得法師好廢,得招巨木之擊打史洞堆木偶...不過都好享受成隊人各出自己既技能打贏個種feel,幾經辛苦
終於升到有火焰流星就比以前清怪速度快左好多,不過仲係長期閉關史洞,挽到30幾級我仲係用緊木鼠 而我班FD都有自己既寵物 我就去左金銀城買粒一級封印石比我朋友 捉左隻土獅,一開頭見佢幾型以為上得大場面啦,點知第一回合比怪秒左,之後有一排學校考試會早放學 一返到屋企就打電話係咁一個駁一個駁齊四條友係到傾計打機
我仲提議一齊去試下打鼠王,我地四條友(劍戰)(幻師)(武鬥家)入到去搵左好耐都搵唔到條鼠王路,行行下見到有隊人係到升緊LV 我見到有隻光C 就密佢一唔一齊打王+我地,佢秒退左隊 入黎我地組仲帶我地行,之後去到打王一直火焰流星 風動閃 斷空拳 聖言術 打左好耐 得返鼠王同我地隻劍,最後風動閃終於殺左佢!
有一日我入GAME見到好多寵都變哂問號,原來要一直買光碟更新資料片咁就順便去買幾包幻寵卡,抽到戰娃就成個人好興奮,個陣戰娃好記得個價係20m!!!20M對個陣黎講已經係好多 因為個陣無咩分子D野 除左ob 降奶D神物品 戰娃已經係top5最值錢,個陣我仲好醒目唔睇耐久就買野試過幾次15m買左隻1耐戰娃...當然悄佢 佢都唔會應你 遇到咁既水魚。
到左暑假個陣開始多新GAME出 我班FD都一個一個無挽 剩返自己同街人組隊升LV 個陣我都已經50級 靠住一招大地之怒係月光搵隊打雪怪,有日係月光組到個60幾級既暗C 見到佢帶自己族既人升LV 隊伍仲有一個位我就混水摸魚+佢隊...佢係咁暗2+黑洞帶升月光 仲問我入唔入族 我起勢都話入啦 免費帶升,之後同班族人熟左,日日放學返到屋企就ON童話同族人吹下水又係咁密個暗C升唔升月光,我同個暗C愈傾愈熟 佢係個女仔黎 佢game情係狂戰斧,兩個成日黑洞+驟雨斧帶族人升...後來佢仲問我做唔做佢GAME入面既仔 個陣都好興GAME好多關係 咁我就話OK 格左幾日佢密我話聽日我休息 洗唔洗幫你開你AC升 咁我一定話好嫁....個陣對佢地都無介心既...識左一段時間 又成日吹水一齊升 之後佢都有KEEP住幫我升,升到60轉左巫師 有日登入我就開唔返個AC....我開隻新AC係咁密佢都唔應機...到今生今日格左十年!!我仲記得條暗C女叫咩名 之後我就放棄左童話。
－－－－－－－－－－－－－－－－－－－－－－－－－－－－－－－－－－－－－－－－－－－－－－－－
到上年出左童話十年回憶版我決定挽返! 一入去就開左四隻人 買開升LV!因為我個陣返工係返夜晚 放到工返屋企大部份人都返學返工...基本好少組到人 所以決定自己四開 劍C->魔C>兩隻大老板 一隻升到60就長期掛金大傳....個陣好懷念十年前 各自出技能打怪種feel 未二轉個陣 基本係無人會入我組...我三隻無打怪技 得隻有技既風動閃.....所以升LV都幾慘....後來升到60哂 一隻大老板長期掛賣 再苦練另一隻大老板上白金卡 帶隻劍同魔C升....升到70幾80 開始成日組人上23F.....後來組到一班固定團 一開始個個都好鐘意上23F 好似搶住帶路咁....上得多就無人想帶路..上23F個過程太煩....keep住上左成個月都未試過有人中ob 核心...最後都係因為工作關係同埋個ser開始愈黎愈少人 就同童話從此畫上句號。最後多謝 汐兒o啦 每次我地上23都要你行 ~
－－－－－－－－－－－－－－－－－－－－－－－－－－－－－－－－－－－－－－－－－－－－－－－－
因為換過幾次電腦關係 相片都全部無哂 只係有D十年回億版既資料save左係2KF交易平台到。
↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓
７５級龍長大劍 ３９９１２聲
上哂裝 １１７力 １０７體 ２１９敏 ５７６５血 １３１７ｍｐ
未武化９２７傷 武化後２１ｘｘ
６８級火蜴 ２６２力（武化）
５７級火燕９７智１６２力 （法化）
６６級土天 １３０體 １９８幸 （甲化）
７５級野生火南 包五車
７３級野生水企
６０劍技 ２４盾 ３２連 ４０衝
↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓
８０級獸神魔獸使 ３８２２３聲
上哂裝 ８０力 ５０體 ２４１敏 ３６７３血 ２２１２ｍｐ
未武化７１５ 武左１５６６／１８７４
７１級土天 １３４體２１２幸 （甲化）
５９級金象 １１３力１０２體 （甲／武）
７３級火劍 ３２４力 （上左五車）（獸化）
６２級火劍 ２３８力 （武化）
６３級黑羊 ２２７智 （法化）賜福專用
３７級火蜴 １４９力
３５閃 ３７幻知 ５９鞭 ５５馴
包一套力裝 已經夠哂敏 快過威２木水 收個５０力玩夠秒水木
銀行 ５條後備８０鞭 大量娃娃 ５０力玩料／娃娃 ５隻戰娃 ３枝ｓｍ
４枝幻加 １枝愛心 ９隻經娃 ５４萬童幣
↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓
６６級白金大老板 ３６０９１聲
１３６力 ７４體 １１７敏 ３２１５血１０９４ｍｐ
唔洗武化秒沙中
５４級火象 ２０４力
６２木波 ２４４體
５７火燕１５８力 ９１智
３４閃 ２７迅 １９交 ４１收集 ３２金錢攻擊 ３０裝 ２９算
６２藥 ９２採 ４１農 ３５酒
↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓
６４級大老板 ６５６６聲
１１８力 ８１體 １１２敏 ３３３５血 １２３０ｍｐ
專係金大掛檔
↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓↓
 咁就凌晨四點 係時侯訓 打咁大篇野 有邊個真係會花咁多時間睇哂
希望以後再會有類似童話既online game! |
-
總評分:
Good + 5
查看全部評分
|
發表於 14-8-9 04:03 AM
我又重玩返
到今時今日 所有遊戲都仲用而個帳號
感謝支持