各位中國人,大家好

hello~~~

依D咪係有質素的POST啦！ 成日講潮文，潮文又有乜咁巴閉？ 毛主席、周總理[2]都無寫過潮文， 佢地都一樣咁有成就，咁多人尊敬。 所以話，實事求事，做野就認真Ｄ， 唔好求求其其出個ＰＯＳＴ就「嘩嘩」聲。 我知！有好多正經的ＰＯＳＴ都無人欣賞， ＳＯ　ＷＨＡＴ？唔通真係要學牛叫， 做馬騮戲搏Ｄ牛公牛妞賞識？晒心機捱眼訓啦！ 老老實實，今次就唔同，睇得出樓主好專業， 一筆一劃都精雕細鑿，入木三分，句句都係經典！

我成晚訓唔著成晚諗住依篇文，覺得真係前無古人後無來者， 於是去深水步（埗）警署前面同差佬講，記得睇依篇文， 睇完要影印低送俾Ｄ親戚，新年流流當揮替貼落門口。 咦，話音剛落，四叔公就來拜訪，佢話： 「因乜解究貼Ｄ咁好的野出來，小心俾人偷呀！」 於是我地就將成篇文放落去夾萬入面， 密碼係29283283，我重覆一次， 係29283283，千祈唔好話俾人聽。 我地仲誠心誠意對住夾萬上左幾柱香， 希望來年順順利利，ＩＦＣ樓下就企企理理。