講真,我覺得夢歷有排做

cjason02

回覆 官方小雲 的帖子


講真我覺得小雲你好哂氣
無可否認經營一盤生意係非常難 基本上各行各業一樣難
包括你地做遊戲代理商 我身同感受 因為我自己都係做代理生意既人 分別只係我代理一個牌子 你代理一個遊戲
簡單d黎講 夢之既玩家就係你地公司既消費者 就係你地既客戶群 你地係有絕對既責任管理好遊戲裡既一切
我所講既管理 包括好多人提到既伺服器問題 亦用呢個問題黎做例子
好多人話轉server果陣會彈ac 甚至會卡住 要等一陣先可以登入番
我就見到有某d玩家留言 話伺服器唔係你地gamecyber可以控制到 因為你地係判俾出面做server既人(我唔係做你地呢行 用詞有錯請見諒)
但呢個問題更加唔係我地玩家既問題 我地係冇義務幫你地諗埋解決方法
我個人經常好強調一樣野 在於遊戲層面我地係玩家 但在於業務層面上 我地係你地公司既消費者
你地有你地既難處我好明白 好多野都係要睇原廠去決定 但當你地收到玩家反映既問題時
你地應該係要盡力同原廠講 爭取 就算爭取唔到 改變唔到
都唔係"原廠唔理 我都冇辦法"既態度俾番一眾玩家
冇錯 "你甘叻你做啦" 呢句係人都識講 問題係事實我地真係唔係甘叻 因為我地係外行人
而你地代理先係內行 假設我賣左一樣產品出市面 結果出哂問題 外箱破爛 機件凹陷 用左兩日成件野報銷
我又係咪可以同個客講 "呢個係生產商問題 我反映過嫁喇 佢唔改我有乜計?"
仲要加多句 "人地生產商唔洗放假咩 你都要放假啦 邊有甘多時間心機同你班傻仔做好件產品佢?"
直接啲講句 真係冇人有興趣知你放假同緊屋企人飲茶都仲要趕番公司緊急維修 server出事你地即刻搞係天經地義既事 唔通你想話我知你甘有本事可以繼續飲茶 由個server死番一兩日先?

我覺得你地如果係有心代理呢隻game 你地最起碼改變下既係俾玩家們既態度問題
唔單單係你地gc客服接線員對答既態度 最重要係你地俾到玩家一個訊息 一個肯定
"我地係有誠意 有心搞好呢個遊戲"
盡左力 做唔到 埋怨聲音總會有 但玩家條氣點都會順d

題外話 我平時好少出現係2000fun 係今次睇見你呢個post先忍唔住講甘多 夢之對你地gc黎講應該係命脈黎
當然我又冇資格或冇權力去幫你地諗埋點樣令個遊戲更加好
記住一樣野 好現實 我地玩家只係負責玩呢隻game 同俾錢 你與其花時間上2000fun留言同玩家打關係
倒不如實實在在搞番好應該要搞既野先仲好