HI~各位巴打有無掛住我呀。_。

藍羽臣

返左成個月工了，呢份工係我四年黎做得最長既一份(被眾毆)

嗄，我認我懶，做慣二世祖要我自食其力真係有D難，但呢份工我應該會做得長，最少可以捱過呢個冬天。

其實我一直有上2000FUN，不過唔出聲，靜靜地睇下野，有無咩特別野發生咁，觀察左咁奈，發覺2000FUN真係好少人，我識既仲少，識我既更加少，以前都有D人係度寸下嘴，欺負下人，而家呢D事都無左了。

唔知話好定唔好，總之，2000FUN真係步向緊死亡，2000FUN有無輝煌過呢？

令我諗番記聖經既故事，約瑟被賣落埃及，係獄中幫人解夢，因而被法老賞識，幫法老解左個夢，就係預言埃及有七個豐年，緊接著又有七個荒年，七個荒年既飢荒會慘到令人忘記左之前果個七年既豐年。

2000FUN而家就係係果個七年既荒年咁，究竟2000FUN有無經歷過豐年呢？而家既慘況簡直令人記唔起2000FUN有過一段輝煌既時期。

記得我初初黎2000FUN果時，正正係OLG鼎盛既時期，沙士果陣日打夜打，玩緊古龍群俠傳，完全唔覺得有咩悶，OLG豐盛時期，我相信係2000FUN最輝煌既時期，因為果時OLG帶領人流，D人玩OLG而上2000FUN，唔講唔知，原來我而家返緊果間教會，有個弟兄佢都有上2000FUN，我無問佢叫咩名，淨係知果時佢玩OLG而上2000FUN，今年10月15日我先去完佢既婚禮，佢無玩OLG好耐了。

問番我教會D人，其實好多都有玩OLG，尤其係係大學時代，佢地玩得最多，讀完大學之後佢地就出黎社會做野，好少再玩了。

題外話講到呢度，講番2000FUN，2000FUN係遊戲為主大家都知，如果唔係有遊戲版，2000FUN會變成點都唔知，聽D前輩講，2000FUN前身係一個金庸群俠傳既社交網站，果時D人賣左2000FUN比盟主，留番臥龍會會員區係度，而家仲有幾多人係度都唔知了，皆因金庸群俠傳都沒了。

所以，以OLG興盛既時期代表2000FUN鼎盛時期都不為過，但聊版則一直無咩特別，以前有吹水帖，而家都無了，閒聊灌水區又無分制，吹水帖去左果度，得番小貓三四隻，一日都無三個人無去留言，得番雄雄係果度機械式留言，2000FUN變成咁，都唔知幾時會汁笠，2000FUN一玩完，我上網都唔知去邊度睇野好了，高X同UX我都好少去，伊X而家都無咩去，多數去都係睇小說，而家連OLG都唔想玩，到時真係少左樣野玩。

最後，希望能夠係仲有2000FUN既日子，可以多D抽時間上黎，同淨番落黎既巴打絲打傾下計吹下水，永遠懷念真龍哥哥、雲路哥哥、神三哥哥，願你地工作順利，身體健康，長命百歲，願慈愛既天父賜福與你，啊們。

藍羽臣

我訓教啦，聽日仲要返工，唔玩咁夜了。

夢的理由

閱  

小學雞論壇你講咁深 我唔明
我等陣就FB我小學3年班既大表哥  問下佢兩千趣論壇以前D輝煌歷史  問到就番黎答你

串人王

難得有弟兄都係2KF會員 來SAY個HI~
我諗我就係你所指會打OLG既基督徒~~

peppergroo

太極千字文

藍羽臣

串人王 發表於 15-10-28 12:34 AM
難得有弟兄都係2KF會員 來SAY個HI~
我諗我就係你所指會打OLG既基督徒~~

戴先生你好，原來你仲有上2000FUN架？

渡蜜月好玩嗎？

★熊貓;D

相認

藍羽臣

★熊貓;D 發表於 15-10-28 10:59 PM
相認

我都唔知係咪佢黎，佢話佢好耐無上2000FUN。

wyz1301c2920

安息吧

黃米奇

你好:D　

藍羽臣

星期六日休息，準備返教會崇拜。

串人王

藍羽臣 發表於 15-10-28 08:27 PM
戴先生你好，原來你仲有上2000FUN架？

渡蜜月好玩嗎？

你認錯人囧....
我意思我係話我係你指會打OLG既嫁種基督徒^^"

藍羽臣

串人王 發表於 15-11-1 12:35 AM
你認錯人囧....
我意思我係話我係你指會打OLG既嫁種基督徒^^"

哦，你也是基督徒喔，信了很久？

在那間教會？

串人王

藍羽臣 發表於 15-11-1 08:29 AM
哦，你也是基督徒喔，信了很久？

在那間教會？

細細個已經番緊聖公會既幼稚園同小學
中學受洗 都1X年了 現時番緊同X堂

咦 原來你都鐘意睇小說 我鐘意睇網絡小說
睇泥大家興趣幾似 鐘意番教會+打機+睇小說

franky$$

hello add oil!~