【Roccat Kova親身體驗之一試愛上！】1號參賽者開箱文

資訊發佈員

今次係本人第一次參加開箱文活動，如有任何寫得唔好的地方，請勿插，謝謝。

話說家中一直都用緊一些傳統滑鼠，別問甚麼牌子因為是無牌的，是當初砌機時Sales哥哥送給我的，當初其實對滑鼠真的沒有甚麼要求，反正有得用就可以。不過自從係朋友個朋友度試了一隻手感超舒服的滑鼠後，心思思真係想換了家中那隻迷你mouse。(最衰唔鬼記得咩牌子-.-) 既然係facebook見到2000 FUN有借滑鼠活動，就借左隻返屋企玩玩。

原本想借白色，不過唔想等轉，所以借左黑色返屋企，黑色都幾令仔架。



雖然盒野幾大盒，不過入面就只係得一隻滑鼠同一本說明書，隻滑鼠摸上手都唔差既，最少比我原先用緊既蚊型滑鼠好得多-.-" 至於本說明書....影完相就冇理到了.....事不宜遲，即刻通電用下先。


嘩嘩嘩! 隻滑鼠通電後真係好靚呀*0*! 不過由於我係第一次接觸依款滑鼠，想問下咁樣係唔係會好食電架?! 由於角度既關係，大家可能會覺得D光爆晒光擔心「殘眼」，我想講其實係唔會既，起碼我用左3粒鐘都冇事。

用後感:
其實我真係對隻滑鼠要求唔高，由於從事文職工作，一日到黑隻手不離開滑鼠，所以買滑鼠對我嚟講手感大於一切，加上我都唔打機既，所以完全唔使考慮function方面既問題，講真就算隻滑鼠識飛天，對於我嚟講相信用唔著囉。啱手型會係我第一點考慮既，其次就外觀。整體嚟講，依隻滑鼠外觀我會比100分，個人都幾鐘意，不過我略嫌佢太"收身"，如果佢可以寬少少我諗會用得更舒服。
不過我仍然會考慮下係米會入手，因為網上見到原來都賣緊$499，如果around $350我會即刻買囉~