爐石戰記卡牌人物故事解說(一至五)

harveyin

今次小編講既題目，將會講下爐石入面卡牌既唔同角色，同佢地係魔獸世界入面既故事。而作為開首，小編一於就揀左「王」黎做題材，為大家介紹下爐石入面「國王級」既卡牌啦。
瓦里安‧烏瑞恩


「瓦里安‧烏瑞恩」其實就係人類最後壁壘「暴風城」既國王黎，而且仲係牧師英雄「安杜恩‧烏瑞恩」既爸爸黎添。瓦里安作為人類既王者，以至統率成個聯盟，統卿力梗係有番咁上下啦，所以戰吼會將抽到既手下會帶去戰場上面，非常之有瓦里安既特色啊！
而且瓦里安既生平，仲曾經係一名好有名氣既角鬥士黎添，仲得名「鬼狼」。所以卡牌注解果一個部份，會寫佢係一名競技場高手！而12連勝，則應用左爐石入面競技場最大既勝利數12場黎解說，代表瓦里安係未輸過啊！希瓦娜斯‧風行者


「希瓦娜斯‧風行者」係被遺忘者既女王。但如果洞察力驚人既玩家，都有可能已經發覺佢個名其實係同獵人既新角色「艾蘭里亞‧風行者」相似既，而希瓦娜斯，其實就係「艾蘭里亞」既妹妹黎。如同註解一樣，希瓦娜斯係被巫妖王殺死同轉化成女妖既。而佢掙脫左巫妖王既控制之後，就帶住一班同佢一樣被巫妖王控制過既不死族一齊反攻！所以控制一個隨機敵方手下，亦都同佢生平好有關係！而且希瓦娜斯配以「瑞文戴爾男爵」，希瓦娜斯死後仲可以控制對手兩個手下添！凱恩‧血蹄


「凱恩‧血蹄」呢一個牛頭人既王，都算係幾悲慘既一個王黎。事關佢作為牛頭人既酋長，係同戰士英雄「卡爾洛斯」既決鬥中，被「卡爾洛斯」身邊既手下落毒陷害，結果慘死收場。而且「貝恩‧血蹄」則係佢個仔黎。呢張紅極一時既死聲卡，配搭「重新召喚這個手下」同「觸發死亡之聲」效果既牌仲會有奇效添！偽而家死亡之聲大受歡迎既年代，凱恩‧血蹄實在係超實用既牌！傑爾賓‧梅卡托克


「傑爾賓‧梅卡托克」係地精既王，就如同地精工程學一樣，地精既王當然都係一名工程學技工黎啦。雖然梅卡托克係一名6費既手下，但佢戰吼效果卻可以召喚出強大既發明品，幫助玩家係戰場上取得優勢！〈前題是要效果放在對的人身上〉如果配上「布萊恩‧銅鬚」，仲可以召喚出2部強大既發明品添！沃金


如果講起食人妖，大概好多玩家都會即刻諗起4費3/5既「森金禦盾大師」〈塔斯汀狗〉啦，而「沃金」則係一眾食人妖既王。作為一個類近牧師既「暗影獵手」，佢當然就擅長用巫術去弱化敵人啦，所以佢戰吼既作用亦都係同另一個手下對調生命值。如果運用得好的話，可以用沃金將一名敵人既血量變為2，再用法術或姐係手下去擊殺對方一個強大既手下！

harveyin

爐石戰記卡牌人物故事解說(二)上次就同大家介紹左幾個「王者級」既爐石卡牌人物，而係爐石入面，除左各陣營既「王」之外呢，其實仲有好多「BOSS」級既人物存在既。而呢一集《爐石卡牌人物故事解說》，小編就會同大家講下爐石入面，各種「BOSS」級既卡牌啦！
拉格納羅斯如果係爐石元老級既玩家，可能都對「拉格納羅斯」呢張卡牌唔會陌生。係舊世代爐石果陣，「拉格納羅斯」幾乎係一張萬用既卡牌。因為8費8/8既體質，令「拉格納羅斯」可以話係戰場上係難以死亡既存在。雖然「拉格納羅斯」係不能攻擊既目標，但佢強大既被動係可以隨機發射一個8點傷害既火球。而「8」呢個數字，亦係好多史詩以至傳說級生物既血量。所以「拉格納羅斯」被打到場上，幾乎已經意味住對手既其中一個手下已經死啦！
而「拉格納羅斯」係魔獸入面，其實就係一眾火元素既「王」。所以佢被動效果係火球亂射，實在係非常之有「火焰之王」既特色！
死亡之翼如果講一張卡可以逆轉一個賽局，「死亡之翼」大概可以話係當中既佼佼者！12/12既體質，已經可以話係手下之中最強大既數值！如果對手無視的話，更可以3擊打死一個英雄！雖然「死亡之翼」既被動係丟棄手上所有既牌，但如果「死亡之翼」係留到最後一手先放，變相就係10費既12/12！如果敵人手上冇清場既法術的話，恐怕都會被「死亡之翼」活活打死啦！
而「死亡之翼」係魔獸入面，其實係一條名叫奈拉里奧既龍黎，可惜最後失去左理性，變為一個與世人作對既存在。
克蘇恩


克蘇恩呢一類既古神呢，其實就係參考左「克蘇魯神話」入面而被設計出黎既「古神」，係一種充滿住觸手同眼睛既怪物黎。天生10費但係得6/6既克蘇恩，好多玩家望落去數值好似好差咁，但其實克蘇恩可以組經由其他手下既加成令佢逐漸長大，最後變成一個極強大既存在！而且玩家如果係上一個回合先打出「布萊恩‧銅鬚」的話，因為克蘇恩既被動屬於戰吼效果可以觸發2次，所以不論係敵方手下定係英雄，都好有可能會係呢一套Combo之中被亂槍掃射而死！
巫妖王巫妖王呢一張牌，近期可以話係無人不知無人不曉！羅德隆既背逆王子，最終仲成為左一眾不死族既王！捨棄左聖騎士身份而變成左死亡騎士既阿薩斯，當然就係擁有一套死亡騎士獨有既強大技能啦！而呢啲技能更加化身左做唔同既法術牌，仲係每回合結束既時候就會放一張到玩家手中添！
8費8/8既巫妖王本身就已經擁有良好既體質，仲附帶嘲諷效果，如果俾以嘲諷牌為主既「城牆德」用的話，仲可以用「哈卓諾克斯」復活已經死亡既巫妖王添！
伊利丹‧怒風伊利丹‧怒風呢一個角色雖然係近期冇好似其他牌咁受歡迎，但事實佢係魔獸入面其實係曾經重創過巫妖王既人黎添。伊利丹本身係德魯伊英雄「瑪法里恩」既細佬黎，但伊利丹卻為左得到更大既力量而沉迷左係惡魔既力量之中，從而生左一對惡魔翼同角出黎。
而伊利丹係爐石入面呢，被動係可以係玩家出牌既時候，召喚一個2/1既埃斯諾斯烈焰出黎，而呢一個被動技能亦係參考左魔獸中伊利丹既技能而出黎既！

harveyin

爐石戰記卡牌人物故事解說(三)上兩次小編就同大家講左關於「王」同一啲世界級「BOSS」既卡牌故事同小解說。而今次，小編將會同大家講下咁多個「任務卡」之中，邊幾個任務最受玩家們既垂青啦！
法師任務：開啟甬道之門

法師任務：開啟甬道之門可謂而家最受歡迎既任務卡啊！因為配以大法師安東尼達斯、同4名巫士的學徒，將可以一回合內以無限火球術直接打死對面既英雄！可以話係只要捱過到前期唔被擊殺，就可以穩中求勝既卡組啊！至於冇安東尼達斯既玩家其實都唔緊要既！因為玩家同時可以利用「秘法巨人」黎做武器，係新回合開始時秘法巨人就可以馬上攻擊，變相係8/8衝鋒巨人！ 至於施放6個不在套牌既法術呢個前設，其實亦都係非常簡單就可以利用「秘法師魔典」達成，如果玩家係途中抽到寒冰屏障的話，仲可以令自己更加難以被擊殺添！

牧師任務：喚醒造物者

自從里諾係改版之後唔能夠係標準梗式再用之後，牧師任務：喚醒造物者就成為左牧師一根強大既救命稻草！召喚7個死亡之聲的手下，係牧師前期可以做到一個控制場面既效果，令到對手要為打人定打手下做多一層既考慮！如果對手係選擇左打人的話，如果係牧師解到任務前都殺唔死的話，阿瑪拉既出現將會係對手既一大夢魘！因為5費8/8嘲諷既阿瑪拉，可以將玩家生命變成40！令到努力嘗試打死牧師本人既對手，所有野都要重新黎過啦！

戰士任務：火羽之心

戰士任務：火羽之心可以話係「城牆戰」必備既恩物啊！而且係戰士世界中呢張牌仲非常之受歡迎！打出7個有嘲諷既手下對於戰士黎講，係一件非常之易如反掌既事黎！而且打出有嘲諷既手下，更可以令本身已經好耐打既戰士變得更加安全！係完成任務之後，玩家獲得既一把「薩弗拉斯」(3費4/2既武器，隨機對一個敵人造成8傷害) 仲可以隔住一堆嘲諷手下對敵人每回合不停既施放火球，將對手既手下同英雄一一步一步咁瓦解，非常之乎合戰士既風格！

術士任務：拉卡利獻祭

術士任務：拉卡利獻祭既捨棄效果，幾乎係術士獨有既牌組。術士可以以捨棄「自身卡牌為代價」，令術士可以在遊戲前中期就將強大既手下召喚出黎壓制對手。而術士任務：拉卡利獻祭更可以促使術士去捨棄手牌，再召喚出強大既「傳送門」，令1回合2隻既3/2小鬼可以不斷傾巢而出，令到術士既整個前中期場上都手下滿滿，打出一波漂亮既速攻！

薩滿任務：魚人總動員

魚人牌組，可以話係速攻既先河。但缺點就係當你手上既魚人牌一次過打到場上，不慎被對手清灑之後，就會顯得非常疲弱，因為你手上面既牌已經冇灑，但魚人牌又缺乏抽牌既能力。 而薩滿任務：魚人總動員，就為左呢個問題做出左一個補救措施，就係 ─ 大大鰭。薩滿召喚左10個魚人之後，就會獲得一個5費8/8的大大鰭，戰吼更加係用隨機魚人塞滿你的手牌！變相當玩家湧完一堆魚人之後，即使對手用法術清左，玩家都可以即刻用大大鰭再一次將魚人放到場上！

harveyin

爐石戰記卡牌人物故事解說(四)

上回就同大家提到各類唔同炙手可熱既任務牌同佢既打法，而今期當然就係要講下呢一版最炙手可熱既英雄卡啦！
自冰封皇座版本推出之後，英雄卡就幾乎成為左每一套套牌都必下既卡呀！因為英雄卡既強大能力，運用得宜既話分分鐘可以一牌定勝負！當中以牧師黎講，更猶其重要！之後落黎既時間，就等小編講下有咩英雄卡係最炙手可熱嫁啦！
德魯伊英雄 ─ 『疫病蟲王』瑪法里恩『疫病蟲王』瑪法里恩可謂現今最多人用既英雄之一，2選1既特效，可以俾德魯伊玩家因應唔同狀況而選擇召喚出黎既手下。如果場上有「范達爾‧鹿盔」的話，仲可以一次過召喚4隻手下出黎添！
致命劇毒特效係7費區間，如果對方冇清場法術，就會被硬生生換走2隻高費既手下。而嘲諷甲蟲，同各個流派既既德魯伊亦相性良好，可謂係德魯伊唔同牌組既萬用英雄！
牧師英雄 ─ 『暗影死神』安杜因『暗影死神』安杜因既出場特效，幾乎可以話係一張附帶清場效果既英雄呀！5攻以上既手下全部死亡，意味住將敵人場上最強既手下都完全清走，可以係危急關頭保自己一命，但補血技能卻會因此而變成攻擊技能。
雖然係咁呀，但因為新既夜雄技能只要玩家出牌就可以再次使用，配上「綑縛者拉札」的話，配合低費法術使用更可以一輪打出巨量傷害！其恐怖之處被玩家稱作「機關槍」！
術士英雄 ─ 『奪血者』古爾丹『奪血者』古爾丹係眾多英雄卡之中，費用最為高昂既一張卡。但『奪血者』古爾丹既被動，卻係可以將所有死亡既惡魔重新召喚到場上既強大手下，配上2張死亡既「末日守衛」，打出既時候仲可以連帶2次衝鋒效果，如果對方冇嘲諷牌，更變相對敵方英雄造成10點傷害！
除此之外，選手有嘲諷既惡魔手下，連同「末日守衛」一同復活至場上，更可以為「末日守衛」做掩護，可以話係非常致命！
法師英雄 ─ 『霜巫』珍娜『霜巫』珍娜既法師英雄卡，相對地黎講配法會較其他更為單一，因為要發揮到『霜巫』珍娜既最大用處，就只有以元素手下做核心既「控制法」牌組先可以做到。其他流派都一律唔建議將『霜巫』珍娜放入去。
9費既『霜巫』珍娜，可以話係除左『奪血者』古爾丹之外最高費既英雄牌，而『霜巫』珍娜既特別之處，就係可以配以英雄技能將剩1血既敵方/己方手下打死再將佢變換為1個有3/6生命竊取既水元素。因為有生命竊取既手下即使被敵方手下攻擊，仍然會幫珍娜回上3血。如果配以1血殘血補刀，『霜巫』珍娜幾乎可以無限召喚水元素同對方慢慢換血，直到將對方手下全部磨光再擊殺敵人。途中珍娜可以話係會全程滿血狀態，係一個非常之剋「耐打」牌組既流派黎。
獵人英雄 ─ 『死屍獸王』雷克薩6費既『死屍獸王』雷克薩，出場時可以造成全場2傷，如果早有預算咁計好敵方手下既血量，將可以用『死屍獸王』雷克薩係6費階段做一次清場效果，再將2種合成既強大野獸去應付後期既作戰。
『死屍獸王』雷克薩既強大之處，係英雄技能可以每回合都合成一個因應實時需要既野獸手下出黎，令場面盡在玩家手中。其中令玩家們都垂青既合成獸，不外乎係「致命劇毒」+「懼鱗」既組合，因為合成獸既效果可以令每回合除「致命劇毒懼鱗」以外既手下全死，係非常之強大既控制黎。

harveyin

爐石戰記卡牌人物故事解說(五)

[隱藏]

王、世界BOSS、任務同死亡騎士英雄都同大家講過啦。咁係爐石卡牌人物故事解說最後一篇入面呢，小編就想同大家講下係爐石入面咁多把武器之中，到底有邊幾把武器係最知名最有趣既呢！
霜之哀傷霜之哀傷呢一把武器，係一張死亡騎士牌，只能夠透過阿薩斯或姐阿福斯取得。而呢把武器既有名之處，莫過於佢係由鼎鼎大名巫妖王─阿薩斯所持有啦！如果係魔獸既玩家，可能會對呢一把武器既認知比較多，霜之哀傷呢一把魔劍歷史耐到基本上無法被考究，但最後佢係俾仲係聖騎士既阿薩斯發現左，但因為霜之哀傷既詛咒太強，令阿薩斯本人自己都墮落左成死亡騎士，最後仲成為左魔獸同爐石既一代知名武器。
而係爐石入面，7費5/3既武器乍看之下體積好似唔多強勁，但佢利害之處其實係可以將曾經擊殺既手下，係呢把武器破爛既時候召到場上，係遊戲既中後期有住巨大既影響力。
灰燼使者而灰燼使者則係同霜之哀傷有住巨大既關連。係魔獸世界入面，基本上呢一把係與霜之哀傷係故事上係完全對立既武器；一把係極端邪惡既劍，而一把就係極端神聖既劍。灰燼使者呢把極端神聖既劍，係由聖騎士傳說卡牌提里奧‧弗丁所持有，所以點解提里奧死後會將呢把武器自動裝到玩家既手上。
同霜之哀傷一樣係5/3體質，但就少左被動既特效。如果成張卡牌咁睇，灰燼使者大概係提里奧‧弗丁卡牌既副產品，係6/6聖盾嘲諷既提里奧陣亡後，玩家可以提起5/3既灰燼使者擊殺對方既手下做個場面控制，對遊戲既中後期一樣有住強大既幫助。
血吼之斧血吼之斧大概係爐石入面費用最高昂既武器了。7費7/1既血吼之斧，係戰士手下「葛羅瑪許‧地獄吼」既武器黎，最後流落到地獄吼個仔卡爾洛斯既手上。7/1既血吼之斧獨特之處係佢攻擊手下時，折損既係係攻擊力而唔係生命值，所以7費變相黎講係可以俾戰士玩家選擇用黎控制場面，定係直接擊打對方英雄。7攻既武器係爐石入面非常稀有，如果血吼之斧經過手下/法術既特效強化，仲可以連續痛擊敵方英雄。從前則係有一個武器戰流派，係靠血吼之斧將敵方英雄痛毆致死。
薩弗拉斯呢一把充滿火焰既錘，係爐石入面係火羽之心戰士任務既獎勵品。但如果細心留意的話，其實薩弗拉斯呢一把武器係同炎魔拉格納羅斯既手錘黎。所以點解佢會令玩家既英雄技能變為炎魔拉格納羅斯既回合特效。
呢一把武器係爐石入面，其實都非常常見。因為每回合2費就可以對隨機敵人造成8點傷害，係遊戲既中後期其實係非常致命既。爐石入面大多數手下生命值都低於8點，所以裝備左薩弗拉斯的話，敵人愈拖得耐，輸既機會就愈大。所以點解戰士既「城牆」卡組，係中後期會咁難打。