問你地一個最行既問題, 你信有鬼嗎?

貓貓ｂ

我今次開post純粹想問下大家信唔信
因為頭先睇post果時見到好多人都仲係話唔信人死左之後唔會變靈魂靈體

我可以講比大家知係真係有架, 因為我見過
(想知詳情可以睇返我上兩個月開既post)

如果話唔信既人又可唔可以講下係點解唔信?
因為未見過?
我問過幾個朋友, 有o的人真係話因為無見過所以唔信
我聽完覺得都幾無稽, 未見過就唔信有鬼
同樣意思即係: 如果我未見過有個活生生的人死係我眼前既話, 我係唔信人會死既

投個票或者留個言, 我想聽下你地既意見@@
或者有經驗都可以係度講下, 我想知~@@

<無任何惡意既post~>

叮噹～豆沙包

我信有架－０－～
因為我細ｄ果時都見過～

anthony1999

講信唔信之前...先講一下我細個的事
時間：6~8歲
地點：我家(晚上)

果陣時我屋企ｄ房係無房門的
我和爸媽的床只有一櫃之隔，佢地要出廳或去廁所之類一定會經過我的床
初初搬去果時都無乜野，但係住耐左之後
夜晚訓教開始會聽到好多怪聲
係廳到會有報紙聲，被拿起然後放低的水杯聲
果時可能細個 未識驚 當無件事 過左一排先知原來屋企人都聽到
後來都請左個師父上黎睇(親戚的親戚)
佢上到黎就將小朋友叫晒入去房
係房淨係聽到個師父係到鬧人(唔知佢鬧邊個=.=)
過左果晚之後就無再聽到ｄ怪聲了

其實我都相信鬼/靈魂呢ｄ野係存在的
只不過係差在 你有無機會遇到/見到 ........

竹馬哥

唔信,而且你個比喻有d問題
以而家既科技通訊,可以廣大接收到訊息同知識
所以人先知道人會死
如果當一個人佢無接受過任何教育,當佢臨死果刻都唔會知道有死亡呢樣野!
同埋鬼既出處係點呢?人講?人諗?
我唔信有鬼,但唔代表我唔相信人死後會不會有第二種方式繼續存在

貓貓ｂ

原帖由 anthony1999 於 2007-4-23 02:54 PM 發表
講信唔信之前...先講一下我細個的事
時間：6~8歲
地點：我家(晚上)

果陣時我屋企ｄ房係無房門的
我和爸媽的床只有一櫃之隔，佢地要出廳或去廁所之類一定會經過我的床
初初搬去果時都無乜野，但係住耐左之 ...

鬧人-.-
人地話用粗口可以鬧走o的鬼~.~....

係又好唔係又好都唔敢試, 萬一鬧唔走而且激嬲佢就大獲

原帖由 竹馬哥 於 2007-4-23 03:06 PM 發表
唔信,而且你個比喻有d問題
以而家既科技通訊,可以廣大接收到訊息同知識
所以人先知道人會死
如果當一個人佢無接受過任何教育,當佢臨死果刻都唔會知道有死亡呢樣野!
同埋鬼既出處係點呢?人講?人諗?
我唔信有 ...

如果你見過呢@@? 會唔會又信返?
你又會講接收到訊息同知識, 如果無鬼咁點解世界各地有咁多呢類節目~

第二種方式存在就係靈魂-_- 亦即係靈體, 俗稱既鬼

貓大哂

信...,細個睇得鬼片多掛... -v-

極霸

我信有鬼既，我細個住公屋，係小1至小2連續2年成日夜晚自己個單位都會有開關櫃桶既聲音有時重有重有拉椅既聲但每一次以為有賊即刻伸個頭出去望都唔見有野係度既，有時只見張椅又真係移動過。不過真係太鍾意訓範，所以聽得耐左都廢事理d鬼過2年就咩聲都無晒。

直至中3有一晚10:XX打籃球係西營盤佐治五世公園終於見到鬼，當時有D驚走左佬但其實都係陪朋友走為主。以後都無見過鬼 lu

竹馬哥

原帖由 貓貓ｂ 於 2007-4-23 03:21 PM 發表

如果你見過呢@@? 會唔會又信返?
你又會講接收到訊息同知識, 如果無鬼咁點解世界各 ...

我見到就會信,同我親眼見到死人一樣,我都會相信人會死
這些訊息哪裡來?人拍。
被拍的是甚麼?真真正正的死人,是被"確定"了的死人!
鬼節目既來源係邊?人拍。
idea邊個諗?人諗。
被證實了沒有? 還沒。
↑兩者既分別一目了然,亦都係我唔信既原因
同埋就係而家科技發達傳播煤介將視像,圖片,訊息等等向外推廣
人們從而有了鬼的概念,才會覺得有鬼的存在
若然一個沒有接收過任何教育/知識,你猜他會不會感到有鬼的概念?
同埋我所指既第二種方式生存,並唔係指靈體等等,而係我地根本無果個概念或者根本並非我們所明白/知道的。

[ 本帖最後由 竹馬哥 於 2007-4-23 09:06 PM 編輯 ]

貓貓ｂ

原帖由 竹馬哥 於 2007-4-23 09:02 PM 發表


我見到就會信,同我親眼見到死人一樣,我都會相信人會死
這些訊息哪裡來?人拍。
被拍的是甚麼?真真正正的死人,是被"確定"了的死人!
鬼節目既來源係邊?人拍。
idea邊個諗?人諗。
被證實了沒有? 還沒。
↑ ...

咁平時人地話撞鬼, 如果你有睇我個POST既話
如果果D唔係鬼咁係乜-_-

alvin0256

呢D野信就有 不信則無
鬼由心生 你認為無就無啦~
不過D科學家就話鬼係未必不存在wow

極霸

原帖由 貓貓ｂ 於 2007-4-24 11:15 AM 發表


咁平時人地話撞鬼, 如果你有睇我個POST既話
如果果D唔係鬼咁係乜-_-

如果唔信有鬼既人會認為係自己既幻覺再唔係會話其實係撒旦，信唔信有鬼呢樣野無得勉強既；勉強無幸福架。

荳漿

我信有鬼，因為我見過，但一點都不可怕，因為有很強烈的意識那是剛走不久的親人

貓貓ｂ

原帖由 極霸 於 2007-4-24 12:42 PM 發表


如果唔信有鬼既人會認為係自己既幻覺再唔係會話其實係撒旦，信唔信有鬼呢樣野無得勉強既；勉強無幸福架。

我無勉強呀, 我只係想知佢話平時人地見到果o的唔係鬼
咁果o的係乜= =

極霸

原帖由 貓貓ｂ 於 2007-4-24 03:13 PM 發表


我無勉強呀, 我只係想知佢話平時人地見到果o的唔係鬼
咁果o的係乜= =

其實以心理學角度來看，所謂見到鬼都可以用幻覺來解釋既。當好多人見到鬼可能只係集體幻覺都未定，不竟人既意志好容易受其他人影響既。始終都未有一班人可以好確實地描繪得出大家所看到既同一隻鬼係咪一樣，因為未有科學方法證實到鬼既存在；所以仍未可以完全否定沒有鬼呢個講法既。

另外亦有一種情況就是看到鬼的人其實受到其他人既念力影響，呢d同催眠或植入記憶既方法類同

[ 本帖最後由 極霸 於 2007-4-24 06:15 PM 編輯 ]

fai+2

我信ar........
but 真係冇見過........

忘不了古龍

聽得多新城恐怖熱線,所以有d信

凸kenneth凸

如果係咁未周街都係鬼,我唔信呢d野,你既比喻好岩,但係我都係覺得鬼係以前既人罰壞人既一個方法

寶ｂO﹏＊

我信有架＊
因為成日都有人話學校有；雖說我自己未見過，不過好多時都會ｆｅｅｌ到課室出面條走廊真係好似成日都有人「走」過咁＊

笨啦

信 唔好話係唔係自己親身見過
而係 跟本科學家 都解釋唔到呢樣野
即係佢地間接都係信的

blackghosthk

唔多信...但我相信有外星人....所以我先入黎呢個板