對於自己既高度 我極度自卑 好辛苦..........

S!U_欣

我16歲人  得150 高..可能都冇 我都知道自己冇可能高!!

我次次出街見到d高過我既 我想哩埋 唔想比人見到我   係...所以我出親街就好自卑

而且仲有好多好多不便..........................

   次次買衫都搵唔到自己size 我睇岩既永遠都冇我既碼

有既都只會係d超核突既衫..我睇見自己d fd 愈黎愈靚

     跟住睇番自己  我覺得自己好核突..隻腳短人成截

以前好後悔自己發育果陣竟然唔覺得自己矮.. 唔去做運動

    依家，我直情怪丫媽點解要生我出黎

點解我會同人唔同.. 矮人咁多

    係我打呢篇野之前 我比我丫媽話我 " 你真係好鬼矮 仲矮過我 ...等等"

佢咁講..我忍唔住 入左房喊 喊到收唔到聲..

我好辛苦  我依家成日都有自殺既念頭   雖然依家係唔敢 但難保有日真係做左出黎


我仲未正式出黎打過長工

我好驚人地因為我高度唔請我，

我好驚愈大仲會愈矮 變到成個侏儒咁

我好驚大左冇人會中意一個身高好似小朋友咁既"女人"

我好驚我著住高爭鞋番工 有一日隻腳會變到k型咁

有好多好多既擔心

   係...依家我都有唔少人追  有唔少人話我得意可愛

但我完全唔覺得開心...佢地愈話我得意 我就愈討厭

我真係好討厭自己 我都唔想咁諗 但個腦就係咁浮現同人既比對 人地既說話!!!

我好辛苦好辛苦................我可以點做

Mr.Bird

睇到咁後面先知你係女仔...
女仔黎講150唔算矮啦.
岩先走去裸左把尺量左量
真係唔算矮,我男仔得160呀
都好慘下,不過睇開左依家唔再在意了

S!U_欣

我個名唔似女仔咩@@

其實令我最唔開心係買衫買唔到中意果d

著唔起想著既衫

Mr.Bird

你個名似呀..不過我冇睇名
一黎就睇你文章,因為大家有相同經歷
女仔著件仔褲都幾好睇呀,又好多類型家ma

[ 本帖最後由 Mr.Bird 於 2008-2-22 10:14 PM 編輯 ]

S!U_欣

你唔覺得矮果d女仔身型怪怪的嗎-,-?
我要好小心配搭 先可以睇落去正常d

Mr.Bird

同邊有d工係睇人既高度黎請人架
你大左個樣成熟左就唔會成個小朋友咁架啦
我出街成日都見到d唔高成熟又靚既都係咁偷望
高跟鞋有d唔係夾腳指既咪唔會令腳變形囉

→阿傑※童話←

世上沒有人是完美的,所有人都有缺點,所有人都會有缺憾.千萬不要因為身高而尋死...我身體也有很多缺憾.
我仍生存下去,你也要活下來,不論外貌,外形如何,人也不應為貌形而活著.我自小有皮膚敏感,小腿出現紅疹,
血肉模糊,常常有黃色的血水滲出...
長大後.因為吸食毒品.臉孔也受波及,但我的褲與襪都沾滿了我的膿血,也絕不舒服.從此我不再穿短褲.
當我長大後,抵抗力較好,皮膚敏感漸漸平復,我的小腿留下無數暗斑,慢慢轉淡....直到現在我身體各處也
有大大小小的毛病...
我想沒有人是完美的,有不少人的缺憾比我們更嚴重.我常常想,若我能換上健康的身體,漂亮的面孔,我換不換,
我想了很久,竟然不忍拋棄現在肉身,縱然有些祓缺憾,但住在這裡十多年,多少有些情感,我是獨一無二的人!

[ 本帖最後由 →阿傑※童話← 於 2008-2-22 10:35 PM 編輯 ]

ling125

出街見到好多女仔都係差唔多高啦
我有d女仔fd都係禁上下

佢地都搵得工呀...搵工又唔關高度事

。爆。

其實高同矮只不過係外表!高or矮都唔代表D咩
我有好多女同學16歲,大多數都冇160既!但我見到佢地日日都好開心!
天生我才必有用!我自己都係得160,仲係16歲添!我已經成年冇高過啦!
我女朋友仲高過我..有172 但我都冇介意!我地一齊左2年,我身邊既朋友都覺得我地係天生一對!所以,唔駛介意外表高度,最緊要係自己點諗

~葬Funeral~

有無搞錯……你女仔15x唔算矮啦喎…
我男仔都得163 ……不過我個班有個女同學…17歲得14x高…
所以你洗咩自卑？不如嘗試學多d野…有多d優點…咁咪可以彌補
你既弱點囉！

火狼cool

對於女生來說,這個高度不是想像中那麼差
其實現實有更多人的問題比你這個嚴重
但他們依舊努力生存下來,最少妳的高度還算正常
一些人,還要差,受盡別人的白眼,可是他們從沒放棄過自己
也沒有因為自己的高度而感到自卑,身體始終是自己的
多少也有感情,都這麼多年了!!!伴隨自己生存
何必去介意呢??
妳的問題不是那麼嚴重,別想太多了吧。
妳還可以長高的啊,其實女生小小的挺可愛丫。

peter7765

你驚呢d野似乎有d無謂...
女仔好似高到21歲架,仲有...
如果你咁講,咁侏儒症果d人仲慘啦...佢地咪一樣咁生存...一樣可以活得好快樂
如期發掘自己的缺點,不如發掘自己的優點
女仔矮矮地幾可愛啊,而且仲會有得高...

可諗你驚得太多野啦  放鬆d啦

※Larry※

16歲~仲有2年可以高~不過人既高矮唔係人所能控制,有d人f1,2已經高過d f5
有d人就好似唔識高咁~唔洗自卑啵 睇開d la

鯊魚刺身

每個人總會有高矮肥瘦，而且，女仔矮小又如何呢﹐你都可以著對高跟鞋丫，但你有冇諗過如果男仔矮會點，難道男人可以著一對4、5高的高跟鞋嗎﹖其實我以上說的都可以話係廢話~~

矮....又點呢﹖....難道高的人會叻d嗎﹖有時...身高呢d係整定，我以前都成日比屋企人話我矮，我阿媽每日迫我跳繩，我足足做了3年..又點喎...又咪係咁矮，而且我仲係男仔添，咁難道又要生死嗎﹖矮不是罪呀，也不需要自卑，我成日同人講，『你理鬼人你點睇你丫』.....最緊要自己有真材實料，腳踏實地.....你當佢地透明吧。

你見藝人『小儀』....佢雖然矮小，但佢過得幾開心，你都可以的...況且你仲有人追添....怕什麼驚什麼......

xxyanlixx

=.=" 有咩工係睇高度..
你估坐過山車咩,
你睇吓鄭融,
佢分分鐘矮過你,
但睇吓佢幾受歡迎,
女仔矮根本不是問題,
你應該感謝你媽你是女性不是男,
想想若果你是男性你的生活會有更多困難?
女仔唔夠高可以穿高跟鞋,
有d鞋成4, 5吋都有,
穿高跟鞋又高貴又可以增高,
點解樓主唔試吓?
本人都好矮吓,
由細到大都差唔多係全班最矮, =.="
不過我冇自卑,
因為我知道我有好多嘢其他人都冇,
我既性格係獨特既,
我既面孔係唯一既,
樓主,
要懂得愛惜自己和尋找自己的優點,
抬起頭走路,
有些自信心,
讓別人欣賞你,
你的身高不應該是你的擔憂.

朋友1號

其實呢個只係樓主自己既睇法

高/矮既女仔係我心目中 都唔重要  

最重要係心地好  內在美先係第一

矮既女仔唔一定唔靚

高既女仔都唔一定靚

不要在乎自己外在美

不要介意自己比別人矮

看法每個人都有不同

你看朋友是朋友比你高

相反你的朋友想跟你一樣

樓主不要做傻事

別在亂想了^_^ 有心事歡迎到 寫我生活版留言

aaarh2007518

唔緊要啦...女人高都無咩用..唔高但得意丫嗎你

紫迷砂

你仲有排高喎...做多d運動..跳下繩咁...女仔好似高到20歲架..唔洗唔開心啵...

淇﹍〞

我以前都成日咁比人講架..講真丫.. 我以前都同你1樣 會好唔開心架

但人大左 思想都會成熟左

宜家, 我真係唔在意人地講既野

你諗下,如果比人笑一兩句就要唔開心 就要自殺
咁我咪100條命都唔夠死...

人地鍾意講咩就咩囉,我地雖然阻止唔到,但我地可以控制自己既心情

反正我地都阻止唔到人地講咩,咁不如睇開d,令自己係其他方面更出色(例如:讀書,彈琴..)
每個人都有自己值得欣賞既地方架 可能你未發掘到姐=)

不愛魚ㄉ貓貓

只要有自信一定唔會比人睇矮!
如果見工個陣，個個老闆真係因為你150高度而唔請你
你有權話佢其歧視你的！

T_T+加油!(我才157...)