修羅門~ 曾經係or 現在係請入來 ^^

nicator

(三) 慕容琪篇

咁就十年喇.
我係呢度已經等左你十年. 雖然你成日遲到, 次次我都會等你, 但係今次我唔會繼續等, 因為我知道你唔會黎.
十年前你約我係呢個花園等你, 你話過會黎娶我.
我只係想將生命交托比一個可以保護我既人姐, 你點解要咁對我?

我唔會再等喇. 我要黎搵你.

nicator

(四) 邵葆葆篇

等左幾個月, 終於開市喇.

基:『我叫做慕容基, 我要你幫我殺一個人, 佢個名叫做風仙子. 』
風仙子?
基:『因為一個女人, 佢有負於我細妹, 我想你幫我殺左佢. 唔係有咩問題呀? 』
邵:『唔係, 只要你比得起錢, 除左我之外邊個人我都會幫你殺. 』
基:『好, 錢唔係問題, 話晒我餐餐都鮑參翅肚, 不過我有兩個條件, 佢一定要死係我手上, 仲要係最痛苦既死法. 』
邵:『最痛苦既死法? 你比d時間我諗下. 』

第二日, 有個同慕容基好似樣既女仔黎搵我.
女:『我亞哥係咪搵過你呀? 』
慕容基?
邵:『你亞哥乜水呀? 』
女:『佢叫慕容基, 我係佢細妹, 叫做慕容琪, 佢係咪叫你幫佢殺一個人呀? 』
邵:『唔記得喇. 』
琪:『佢搵你殺風仙子呀? 我唔淮你殺佢! 如果你殺左佢, 我一定唔會放過你! 』
邵:『佢出手咁闊綽, 又話請我食龍蝦喎, 唔應承佢, 我咪好大損失. 』
琪:『我比雙倍價錢你, 你快d幫我殺左我阿哥. 』
邵:『等我考慮下, 你遲幾日黎搵過我啦. 』

其實我淨係想要錢, 有冇得食龍蝦對我黎講唔係咁重要. 況且以風仙子既武功, 要殺佢絕對唔易, 目標轉移係慕容基, 咁就易得多. 所以我諗我應該會幫佢.

今井螢

原帖由 nicator 於 2007-11-21 04:11 PM 發表
(四) 邵葆葆篇

等左幾個月, 終於開市喇.

基:『我叫做慕容基, 我要你幫我殺一個人, 佢個名叫做風仙子. 』
風仙子?
基:『因為一個女人, 佢有負於我細妹, 我想你幫我殺左佢. 唔係有咩問題呀? 』
邵:『唔係 ...

曼之.....仲有冇part 5 o架..........

nicator

(五) 慕容基篇

幾日之後, 我再去搵邵葆葆.

基:『我細妹係咪黎搵過你? 』
邵:『係呀, 佢仲話出雙倍價錢要我殺你添. 』
基:『唔會既, 一定係風仙子教佢咁做. 』
邵:『睇黎佢真係好鍾意風仙子喎. 』
基:『風仙子跟本就保護唔倒琪, 佢亦都唔會, 只有我先會一心一意咁呵護佢. 』
邵:『愛情…愛情呢d 野無得勉強既. 』
基:『呢d 係我地既事, 你唔駛理, 總之我比三倍價錢你, 你幫我攪掂佢. 』
邵:『好…』

(六) 邵葆葆篇

琪:『你琴日係咪見過我亞哥呀? 』
慕容琪佢黎搵我, 我好敷衍咁點左下頭.
琪:『咁你做乜仲唔郁手呀? 』
哈! 郁手?
其實慕容基呢個名我以前好似聽過, 事實上係當今武林, 姓慕容既人唔多, 佢好難唔令我聯想到係廿年前被滅既慕容家莊.
我反覆查探之下, 佢果然係慕容家莊既人. 當年佢父親得罪左一個將軍, 結果廿年前, 佢既家人全部被殺, 佢好幸運咁比一個親戚救左, 為保住佢既性命, 佢既親戚將佢裝扮成女兒身, 仲改左個名叫做 琪.

十年前佢遇到一個武功好厲害既人, 佢地成為左朋友, 佢好希望呢一個朋友可以永遠係佢身邊保護佢, 幫佢對付追殺佢既人.
有一日佢地兩個係客棧度飲酒, 風仙子飲到有三四分醉意, 就同慕容基開左個玩笑.
佢望住慕容基, 輕輕咁撫摸慕容基塊面一下.
風:『如果你有個妹妹, 我一定會娶佢為妻. 』
基:『好, 咁我地一言為定, 不過你千其唔好反悔, 如果你反悔, 我一定唔會放過你. 』
之後佢地約好一個日子, 一個地方見面, 不過風仙子冇赴約.


邵:『我點可以肯定我幫你殺左佢之後可以收到錢呀? 仲有, 我重申一點, 我只係中間人, 我係唔會親自郁手既. 』
琪:『邊個郁手都好, 我淨係要佢死. 錢我聽日會比你. 』
邵:『但係佢出到原先既三陪價錢喎. 』
琪:『我出五倍. 』
邵:『不過其實我真係好唔明白, 風仙子有咩好? 佢咁對你值得你去維護佢? 』
琪:『總好過果個慕容基, 佢自以為好有料, 其實就係廢物一條, 同風仙差得遠. 風仙佢有型靚仔, 武功又好……』

愛情往往就係咁, 你好難明白一個人點解會愛上另一個人, 就好似十六妹咁.

nicator

(七) 邵葆葆篇

之後果幾日.
『我係慕容琪. 』
『我係慕容基. 』
『我出六倍價錢. 』
『我係慕容基. 』
『我比七倍. 』
『我係慕容基. 』
『我係慕容琪. 』
『八倍. 』
『十倍. 』
『廿倍. 』
『卅倍. 』

我開始分唔清慕容琪同慕容基.
終於有晚, 佢黎搵我而唔提殺人既事.
佢係以慕容琪既身份黎搵我, 佢好醉, 亦都好傷心.

琪:『十年喇, 我等左你十年, 你話會好愛我架, 我對你念念不忘, 你就從來對我不聞不問. 你知唔知我幾傷心丫? 』
佢終於忍唔住喊, 睇見呢一幕, 我呆左一陣, 諗返起以前………………

我亦曾經講過呢番話：
『我會好愛你架! 就算再過十年, 廿年, 一百年, 一千年, 我都唔會忘記你架. 』………


琪:『當日我同你一見如故, 我地一齊飲酒, 你仲借醉摸我, 話要娶我為妻. 』
邵:『飲酒之後講既野點可以當真? 』
琪:『你知唔知就係咁, 我等左你十年喇. 你最鍾意既明明係我, 你點解又要為左果個女人而離開我? 』
邵:『你醉喇. 』
琪:『我冇醉! 我冇飲過酒! 你知唔知道飲酒同飲水有乜分別呀? 』
邵:『唔知喎. 』
琪:『酒會越飲越寒, 水會越飲越冷. 』
邵:『即係冇分別啦. 』
琪:『你知唔知寒同冷有乜分別呀? 』
邵:『唔知喎. 』
琪:『寒就係……』

咁既時候係度認叻, 我真係服左佢.
其實要醉未必要飲酒, 飲左酒亦都未必一定會醉, 我諗起我仲有半樽我唔會飲既酒, 於是我拎出黎比佢飲.
佢飲左一啖, 跟住就粒聲唔出咁就走左, 之後我就再冇見過慕容基或者慕容琪.

nicator

(八) 邵葆葆篇

上次果個慕容基走黎運桔, 攪到我一蚊都賺唔到, 仲請左碗酒比佢飲添. 過左成個月, 終於再有人搵我喇. 係個女仔黎喎.

邵:『有乜可以幫倒你? 』
女:『我屋企人比衙門既一班刀客殺死, 我想搵個人幫我報仇. 』
邵:『咁你出得幾多錢? 』
女:『我屋企淨係得番呢籃蘋果, 你可唔可以幫下我呀? 』
邵:『正所謂冤冤相報何時了呢? 你都係唔好諗住報仇既事喇. 』
女:『我求下你幫下我啦, 我屋企人死得好慘呀! 』
邵:『你要知道, 我只係一個中間人, 唔係話我唔想幫你呀, 不過我諗我唔會搵倒一個會為左一籃生果而得罪衙門刀客既殺手. 如果你係生得靚既話, 我都會叫你去賣肉報仇, 但係你咁既樣, 我勸你都係死心啦. 』
女:『賤格! 』

好耐冇比女仔鬧過喇, 記得好耐之前, 我好似曾經比一個女仔咁樣鬧過......

…………
『你好卑鄙!』
之後佢打左我一巴.
…………

邵:『我都係實話實說姐, 你接受現實啦. 』
女:『咁我一直係度等, 直至有人肯幫我為止. 』
之後佢就一直企係門口出面, 唔知想做乜.

nicator

(九) 邵葆葆篇

真係怪人年年見, 今年特別多.
慕容基, 慕容琪, 出面果個姑娘, 仲有今日呢個鄉下仔, 唔知佢會唔會又係風仙子既仇人呢?

邵:『知唔知點解我請你食飯呀? 我見你坐係度咁耐, 我知你一定好肚餓. 好似你咁既後生仔, 諗住出黎闖蕩江湖, 我一年都見唔少. 不如你幫我啦, 你幫我一方面可以練習武藝, 一方面又可以行俠仗義. 』
男:『好. 』

佢笑住口咁點頭應承.
呢個人叫做陳大文, 鄉下出身. 今年廿六歲, 唔係細我好多, 但係江湖經驗就一d 都冇. 佢一臉正氣, 不過佢身上面既服飾又殘又舊, 著鞋又唔著襪, 佢左手拎住把刀, 似乎係一個武功唔錯既刀客.
邵:『不過首先我要同你買對襪先，因為冇人會請唔著襪既人幫佢地殺人架. 』

(十) 陳大文篇

邵葆葆呢個人我都曾經聽聞過, 好似話佢既武功都相當厲害. 佢買左對襪比我, 然後帶我去見附近既村民.
邵:『一陣我地見果個人叫做大口, 佢為人闊綽, 我打算屈佢十兩銀, 事成之後, 酬金我地一人一半. 』
錢對於我黎講唔係好重要, 只要有兩餐飽肚就得啦.

邵:『大口哥, 你覺得十兩銀貴咩? 』
口:『十兩銀? 你想呃我大口呀? 我請晒對面果幾個都唔駛十兩銀啦. 』
原來果邊有幾個刀客坐係度.
邵:『大口哥, 你睇清楚d 先啦, 佢地著鞋唔著鞋襪, 老套又核突, 點可以同我身邊呢位職業殺手比呢? 你諗下喎, 如果佢地失手, 班山賊查出係你主使, 追究起上黎, 咁你地成村人都唔掂喎. 試問你又點敢將你地寶貴生命交托比幾個咁老套既人身上呀? 』
口:『哈哈! 咁佢地又真係幾核突喎. 』

生意終於傾掂, 唔知幾時先有得打呢?

[ 本帖最後由 nicator 於 2007-11-21 06:07 PM 編輯 ]

今井螢

原帖由 nicator 於 2007-11-21 05:47 PM 發表
(八) 邵葆葆篇

上次果個慕容基走黎運桔, 攪到我一蚊都賺唔到, 仲請左碗酒比佢飲添. 過左成個月, 終於再有人搵我喇. 係個女仔黎喎.

邵:『有乜可以幫倒你? 』
女:『我屋企人比衙門既一班刀客殺死, 我想搵個 ...

Part 11 呢...............

nicator

原帖由 今井螢 於 2007-11-21 06:05 PM 發表


Part 11 呢...............

俾d 時間我執執嘛

今井螢

原帖由 nicator 於 2007-11-21 06:08 PM 發表


俾d 時間我執執嘛

你冇睇上邊咩.......

原帖由 今井螢 於 2007-11-21 02:28 PM 發表


咁人家心急嘛........

今井螢

原帖由 燕京 於 2007-11-21 02:45 PM 發表
-3-風風5洗反工架今日
一陣同你升lv好矛呀-口-

e+咪返緊工囉..........

nicator

(十一) 陳大文篇

今日終於可以一顯身手喇, 我一定唔可以死係班山賊手上, 因為我仲要留返條命, 係江湖上面闖出個名堂, 我要所有惡賊一聽到我個名就聞風喪膽.

我出門既時候, 見到有個女仔訓左係門口外面, 之前果幾日都唔覺佢, 佢幾可愛, 佢隔離有一籃蘋果, 睇黎好新鮮, 好好味.
我去到決鬥既地方, 幾十個山賊終於黎到喇.

陳:『殺你班山賊! 』
佢地衝埋黎, 我見一個, 殺一個, 對呢班山賊唔需要仁慈. 我一路斬人, 直至全場剩返我一個企係度為止.
我覺得我自己, 真係好有俠士風範.

nicator

(十二) 邵葆葆篇

我果然冇睇錯人, 呢個後生仔果然係唔簡單. 我將銀兩分左比佢, 佢好似咁大個仔都未見過咁多錢. 果然係一個窮光旦.

邵:『咁你而家有銀用啦, 有冇諗過要留低呀? 』
陳:『留, 梗係留啦, 咁多錢. 』

果日中午, 有個個樣生得相當妖艷既女人遠遠咁企係山下面, 佢望住大門, 唔知係咪仇家呢? 冇幾耐佢發現到我望住佢, 不過佢唔係好理我, 繼續望住大門, 好似係度等人咁. 之後佢一連等左幾日.

終於有一日, 陳大文行左過去.

陳:『我叫你乖乖地留係屋企架啦! 你走黎做咩呀? 』
個女人冇出到聲.
陳:『我唔理你喇! 』
跟住陳大文就返黎喇.

邵:『你愛人呀? 』
陳:『佢係我老婆呀. 』
邵:『駛唔駛叫埋佢入黎呀? 出面好大風喎. 』
陳:『唔駛! 我叫左佢唔好黎, 佢係要黎, 由佢啦. 』
邵:『始終都係一場夫妻姐. 』
陳:『我宜家去闖蕩江湖呀, 邊有人帶住一家八口闖蕩江湖架. 』
邵:『你攪大左佢個肚? 』
陳:『我奪去左佢既貞操, 逼不得已咁娶左佢. 』
邵:『佢幾靚呀. 』
陳:『你係咪想要姐, 我將佢比送你喇, 佢跟住我既話, 我就冇辦法專心練武, 而且我又比唔到幸福佢喎, 佢跟住我不如跟住你. 』
邵:『唔好係愛情上面扮偉大喎, 你扮唔起, 況且佢鍾意既係你, 又唔係我. 你唔想佢煩住你, 咁你咪殺左佢囉. 』
陳:『點可以隨便殺人架? 』
邵:『佢勾引你喎, 都算得上係一個淫婦呀, 點解唔殺得? 』
陳:『佢話晒都係女人喎, 點落得手呀? 』
邵:『事在人為姐. 』
陳:『係呢? 咁你又成左親未呀? 』

成親?
邵:『我唔識點去愛一個人, 所以從來都冇成過親. 』

見到陳大文既妻子係咁等, 另到我諗起另一個女仔, 佢亦都曾經都為左要見一個人而等待左好耐, 可惜果個唔係我…………
邵:『唔好等啦, 佢唔會出架喇. 』
女:『唔得, 我今日一定要見到紅焰少俠, 傳聞佢文武雙全, 才貌兼備, 我已經仰慕左佢好耐架喇, 難得佢今日路過呢度, 我好想一睹佢既風采呀. 』
…………

陳大文留係度既好消息維持唔到幾耐, 果晚, 佢就同我講.
陳:『我諗住幫出面個女仔搵班官兵報仇呀. 』
邵:『衙門班人唔得罪得架. 』
陳:『我決定喇, 我聽日就會去. 』
佢冇理我就返左房訓喇, 佢會後悔, 我肯定佢會後悔.

nicator

(十三) 陳大文篇

呢度就係班狗官既棲身之所?
呢間荒廢左既客棧, 好暗, 好污漕.
班人終於現身喇.

陳:『就係你地殺左蘋果園一家? 』
官:『係又點呀? 關你咩事呀? 』
陳:『佢地個女搵我幫佢地報仇. 』

我有些少淆底, 唔想打住, 所以同佢地講住廢話先.
官:『你盲的嗎? 果個咁既都叫女仔? 我話佢做雞都無人叫. 哈哈………』
見到佢地笑到咁賤格, 我好嬲.
陳:『廢話少講, 等我收拾你班人渣. 』
官:『兄弟, 上! 』
佢地七個人, 除左個頭目之外, 六個人一齊衝埋黎.
行先死先, 最前果兩個一人一刀比我殺左, 後面果四個人同時出刀, 我閃身跳向右避開, 佢地再攻, 我一張臺踢去佢地四個人度, 散開, 我追擊最右邊果個, 一刀收佢皮, 其餘果三個再一次衝向我攻擊, 我左手執起頭先比我殺左果個刀客既刀, 飛向中間果個, 我再飛身而上, 將剩低果兩個刀客殺左.

首領衝埋黎, 一刀斬向我個頭, 我橫刀一擋, 想反擊既時侯佢已經出第二招, 向我心口插埋黎, 有破綻喇, 我即刻一刀斬向佢條頸, 佢竟然避開到, 不過我斬左佢隻耳仔落黎, 佢慌忙之際, 一刀斬落黎, 我好痛, 但係唔知係邊度受傷, 我再向佢條頸斬一刀, 跟住我就暈低左喇.

nicator

(十四) 邵葆葆篇

如果我係果班狗官, 我一定死唔眼閉, 因為佢地咁多條命加埋, 都只不過係值一個唔靚既姑娘既心, 同埋一籃爛蘋果.

陳大文比人發現既時侯, 已經唔再係男人喇.
昏迷左三日, 佢終於醒返. 蘋果姑娘見佢醒返好開心, 但係之後又忍唔住喊.

陳:『我幫你報左仇喇. 』
蘋:『對…對唔住呀.』
陳:『傻啦, 我係為左你d 蘋果咋嘛, 係呀, d 蘋果呢? 』
蘋:『變壞晒喇. 』
..............
陳:『你走啦.』
蘋:『…… 多謝你同我報仇, 我呢一生呢一世都會掛住你架. 』

講完呢句話, 佢就走左.

冇幾耐, 陳大文終於好返, 可以落地行下喇.
佢第一件事走入廚房, 拎起把菜刀, 但係佢未曾痊瘉, 連菜都切唔開, 佢好嬲咁掉低把刀.

邵:『你以後有咩打算呀? 』
陳:『我而家連切菜都冇力呀! 你話我以後仲點渣刀搵食呀? 』
一早叫左你啦, 又唔聽我講.
邵:『唔渣刀都可以殺人丫, 況且你而家淨左身, 可以練多好多邪門武功. 』

佢好嬲咁返入房, 之後幾日都無出黎.

終於有一朝, 佢提起精神咁出黎.
陳:『我打算離開呢度喇. 』
邵:『你可以去邊呀? 』
陳:『天下咁大, 咪去第二度再闖過囉. 』
邵:『咁我祝你日日食大茶飯啦. 』
陳:『好, 假如你第日聽到有個淨身既英雄, 果個一定係我. 』
邵:『咁你妻子呢? 』
陳:『我殺左佢喇, 學你話齍, 事在人為姐. 』
邵:『我請你飲杯酒同你餞行啦. 』
陳:『唔好喇, 我從來都唔飲酒既. 』

比佢句句窒住晒, 我真係想殺左佢. 就係咁, 臨行前同佢傾左一陣, 之後佢就走左.

陳大文
為人中直
喜行俠杖義
不近女色
二十七歲入宮
三十四歲成為宮中第一高手
人稱一代梟雄陳大文

今井螢

原帖由 nicator 於 2007-11-21 07:00 PM 發表
(十四) 邵葆葆篇

如果我係果班狗官, 我一定死唔眼閉, 因為佢地咁多條命加埋, 都只不過係值一個唔靚既姑娘既心, 同埋一籃爛蘋果.

陳大文比人發現既時侯, 已經唔再係男人喇.
昏迷左三日, 佢終於醒返. 蘋果 ...

淨左身o既梟雄.......罕見呢.......

nicator

(十五) 風仙子篇

係我背後係一塊好靚既玫瑰園, 而眼前既係一個絕世美人.
而因為呢個女人, 我每年中秋都會從好遠既西面黎呢到, 亦都係因為佢, 我每年重陽, 都會去探邵葆葆.
佢係邵葆葆既妻子十六妹. 佢托我每年都去睇下邵葆葆既近況, 然後話比佢知.
今年佢得左重病, 似乎唔捱得幾耐.

妹:『唉! 眨下眼就咁多年, 我諗都唔會再見到佢喇. 』
佢係話邵葆葆, 佢同邵葆葆已經好多年冇見喇.
從前我只係每年為呢位姑娘報告邵葆葆既近況, 從來冇過問過佢地之間既事, 但係今日, 佢主動講比我聽.

原來佢同邵葆葆係一對青梅竹馬既好朋友, 邵葆葆一向都好喜歡佢, 但係佢卻對當地一個叫紅焰既少俠非常傾慕, 紅少俠亦被呢位美人迷住.
十六妹出身於窮等人家, 而紅少俠卻係有個錢既公子, 本來十六妹覺得配唔起紅少俠, 但係邵葆葆見佢咁唔開心, 就不斷咁開解佢, 仲幫助佢地兩個製造機會, 終於, 紅少俠同十六妹私奔, 到呢個冇人識佢地既玫瑰園成親.

成親當晚, 雨落到好大, 唔知係咪比天氣影響, 邵葆葆心情好差. 佢飲左好多酒, 佢越飲越恨, 恨自己幫十六妹同紅少俠. 最後, 佢決定去搵佢地.

拜堂儀式剛剛完畢, 佢地準備入洞房之際, 邵葆葆到.

邵:『十六妹! 十六妹! 』
邵葆葆醉到企唔穩, 成個趴到十六妹身上.
妹:『邵大哥, 你做乜飲到咁醉呀? 』
紅:『邵兄, 你? 』
邵:『十六妹, 你唔好嫁比佢呀, 你跟我走啦. 』
紅:『邵葆葆! 今日係我大喜之日, 你竟然敢走黎破壞. 』

紅少俠一掌打向邵葆葆, 邵葆葆中佢一掌, 唔單止冇被打低, 仲打走晒佢既酒氣, 打出一鼓戾氣. 邵葆葆以符刃還擊, 紅少俠雖然擋住, 但係呢一招氣勢逼人, 佢被打到十尺咁遠, 邵葆葆並冇比紅少俠任何回氣時間, 佢再飛身向紅少俠打多佢兩掌, 紅少俠終於吐血身亡.

十六妹走到邵葆葆面前, 大力咁打左佢一巴.
妹:『你好卑鄙! 』
邵葆葆捉實十六妹雙手, 同佢講:
『佢有乜好呀, 佢呢d 有錢仔, 唔駛幾耐就會離棄你, 而且佢武功咁差, 根本就保護唔到你, 你話佢除左個樣之外仲有乜比我好? 你跟我走啦, 我會好愛你架! 就算再過十年, 廿年, 一百年, 一千年, 我都唔會離開你架......』

妹:『你放手呀! 你愛我就唔會破壞我既幸褔, 你愛我就唔會令到我傷心, 快d 放手呀! 』

十六妹繼續反抗, 邵葆葆好嬲, 於是將十六妹佔有左.
第二朝起身, 邵葆葆已經走左, 十六妹之後就一直冇見過邵葆葆喇, 而果次之後, 十六妹懷有邵葆葆既骨肉, 就係而家出面果個細路.

妹:『都咁耐喇, 佢都未黎過搵我, 究竟佢仲係咪愛我呢? 不過係唔係都唔緊要喇. 唉! 眨下眼就咁多年, 我諗都唔會再見到佢喇. 』

估唔到邵葆葆佢係d 咁既人, 佢咁樣對咁靚既靚女實在太可惡, 我真係想殺死佢.
係我走之前, 十六妹叫我幫佢帶樽酒比邵葆葆, 樽酒係一樽好特別既酒, 叫做吐真言.
之後我去到邵葆葆度, 請佢飲呢樽酒.

『呢樽係吐真言, 人飲左之後會異常清醒, 你可以搵返真正既你. 』

佢冇飲過, 但係我就飲左好多.
我飲左吐真言之後, 我先知道原來我根本無愛過人, 我最愛既係我自己.
第二朝, 我冇講過一句野就走左喇.

[ 本帖最後由 nicator 於 2007-11-21 07:30 PM 編輯 ]

周晞翹

起到聖騎喇~~~~~~~~~~~~~~~~~~~~~~~~~

而家蜀國要求我起分村

今井螢

原帖由 周晞翹 於 2007-11-21 08:13 PM 發表
起到聖騎喇~~~~~~~~~~~~~~~~~~~~~~~~~

而家蜀國要求我起分村

你未有分村咩......快d起啦........

今井螢

原帖由 nicator 於 2007-11-21 07:26 PM 發表
(十五) 風仙子篇

係我背後係一塊好靚既玫瑰園, 而眼前既係一個絕世美人.
而因為呢個女人, 我每年中秋都會從好遠既西面黎呢到, 亦都係因為佢, 我每年重陽, 都會去探邵葆葆.
佢係邵葆葆既妻子十六妹. 佢托我 ...

曼之......我等緊你嘅第十六集o架...............