貓貓用品DIY既 - 貓狗情緣

樓主: －=☆小乙天	go 貓貓用品DIY既 [複製鏈接]

whitesticky

一星新手會員

Rank: 1

UID: 1646129
帖子: 1
積分: 1
Good: 0
註冊時間: 10-2-25
在線時間: 0 小時

21^#

發表於 10-3-16 12:09 PM |只看該作者

查詢有關DIY貓用品

你好!我叫winnie!
之前於yahoo知識+,睇到一則有關”貓女絕育後,吾肯帶頭套”(http://hk.knowledge.yahoo.com/question/question?qid=7010011300022)
-此topic!而且答案提供了幾個web page!我link入去,見到你圖文並茂,好清楚咁介紹DIY cat product!我覺得非常好!但有啲step唔係好明白,所以想請教你!

-先簡單咁自我介紹一下,我係一個貓痴!有餵開流浪貓!家中有七隻貓咪(老大至老七),其中老大已走了,依家剩返六隻(全部都係執嘅,老五喺愛協度領養,老七係比人遺棄嘅,)!只要提起貓,我就會發癲,一見到啲貓相,雙眼會立即發晒光嗰種!無論幾攰,一提起貓,我就好精神,好中意同其他養貓嘅人傾貓經,我會一輪咀兼停唔到口!
-講返正題!其實我搵左你好耐,最初誤會左,以為答題者係你,所以send左好多message比答題者,希望可同佢成為貓友以及想問佢貓別墅做法!佢一直都冇reply!so我懷疑,我係咪攪錯左,佢只不過copy左你嘅資料and pose上網而已!so我決定試試send message to you!
-篇文章提及到,貓女絕育後,吾肯帶頭套,所以答題者advice佢用衫嚟代替頭罩!其實我媽媽都試過呢個辦法,初時係為左幫貓b保暖,因為當時冬天,又買唔到啲咁細件嘅衫仔,我媽就將啲唔要而又洗乾淨嘅襪cut幾個窿,然後套落貓b度,但我硬係覺得怪怪咁!
-之後到佢地絕育時,已經大隻左好多,最初冇經驗,見老大狂搲個頭盔,唔知點算,so搵個箱困住佢,連轉身都轉唔到,我嗰時好心痛,但為佢好,冇計,唯有忍耐多幾日,之後老二佢地絕育,我地先諗到用衫cover佢地傷口!於是就四出揀衫,仲要冇貓衫,只係買狗仔衫加細碼!又貴又唔靚!
-Anyways,見到話教人點DIY衫仔於是就click入去參考下你點樣整!入到去,我簡直大開眼界,覺得你好犀利,好佩服!完全一蚊都唔駛,整法又簡單!超good!
Actually我第一眼見到係一個cushion袋,以為整咁大件衫!估唔到原來整吊床!唉!覺得自己好敗家!早啲睇到你幅圖,咪唔駛嘥幾百蚊買set嗰啲貓台啦!我冇呃你,我買嗰個台係有吊床,而我亦係為張吊床而買嗰舊嘢!唉…..!開頭諗,我冇嗰款晒衫架咁點算,睇落去就知:係喎,椅都得姐!又係嗰句,平,實用,做法又簡單!重點係啲貓真係會去用,因塊布可隨時換位,可掛喺隱蔽位佢地實中意!有時唔係錢嘅問題,就算平貴都好,最緊要佢地會用,家陣個台又貴又得唔到佢班大帝歡心!用都冇用過張吊床,唉……
-咁都唔只,你仲自製埋玩具! Hey!今次我冇敗家喇,之前於寵物店見過一個類似你pink box嘅,又係有啲波 inside the box!但我嫌啲波細個,若佢地攞極都攞唔到啲波出嚟嘅話,好快就行開唔玩!家陣我可自製!就算厭玩爛都唔緊要!我經常去扭旦機扭波仔佢地玩,一蚊個,之後我媽話乒乓波仲抵玩!但就咁碌嚟碌去,好快又玩厭,我家陣可試下你挖挖樂!
-我真蠢,成日都玩具還玩具,食物還食物咁比佢地,唔會諗到除放波仔之外,仲可擺啲零食落去,等佢地覺得有得玩有得食咪唔會咁快厭囉!我真蠢,枉我身邊所有朋友親戚成日都叫我軍事,ah!唔係,係貓事專家,每當有貓嘅問題,佢地都會問我!我心諗,專家就唔敢當,只係對養貓有一點經驗而已!但到今日先知道,我根本只係幼稚園低班程度!
-我覺得你真係好好人,你會願意同其他人分享你啲小發明,並且好有心機咁整理好晒啲資料,清清楚楚咁寫出嚟比人參考,唔會話睇到人地一舊云咁!亦都反映出,你係一個好好好愛貓之人!所以我真係好希望可以同你做個朋友!
-想請教你以下問題 :
a) 我依家先發覺,原來喺挖挖樂下面,仲有好多自製貓用品,我好揼心,估唔到衫仔同玩具之外,連呢啲都可自製!其實前後共買過三set嗰啲貓台貓屋,除吊床嗰set外,其中有一款同你嗰個別墅差唔多,但我嗰個仲要只係得一個窿,得一格而已!本身諗住新年買過個新嘅,好彩未買姐!不過你係點整架?我唔見你寫出嚟嘅!你可唔可教我,比個step我?我屋企冇嘢多,最多就係貓,其次係紙皮箱(終於可以廢物利用)!
b) 你話貓狗嘅食飯枱高度會影響佢地頸椎,我都有聽過!但就算唔影響頸椎,我都覺得佢地食得好辛苦,成日要未低個頭食,我試過拎張櫈仔墊高,佢地又唔中意!所以之後一直都keep住就咁食!不過睇過你示範之後,或者我都試下好似幅圖咁整個盒仔比佢地!
c) 另外我對個濾水器非常有興趣!我養咁耐貓,從未有貓友講過提過,我都係第一次聽,同埋啲相之角度,我有啲睇唔明係用點用!所以詳細少少咁解釋我知,究竟有咩作用?
d) 我想問下我地可以點聯絡,我冇MSN!你有冇用facebook? If you don’t mind! Maybe we can chat or send email on facebook!

唔好意思,咁多問題,希望你可以幫幫忙!
以下係我EMAIL : sickysticky@yahoo.com.hk
Thanks so much!!!

Winnie Lee

P.S. : 想問下你相中啲貓貓Model係咪你養架? They are very very very cutie!