會考&高考 打氣區! (規則#3已修正)

iorikyo099

大家好！　我係今年會考生．．仲有五日就要考物理啦．
物理算係我最弱果科．依嫁好驚會肥佬
但係好知道我唔溫一定唔合格．．所以．．．
呢個星期係咁狂做ｍｃ．希望能拿到個好成績啦．唔想放棄
亦希望大家能努力！！！！！
最後送大家一句　『知識就是力量』

乂飛蓬乂

小弟出年都要會考
相信大家都好有壓力@@
會考一定要考好d...真係定生死架
辛苦一排啦xd
祝個個十條A

KayK

各位會考生高考生大家好。

唔經唔覺高考生就快挑戰成功可以扔低沉重的包袱,
而會考生就開始要面對連場的挑戰。

目的係為左前途, 未來, 大家點可以鬆懈呢!?

公開試見證著大家的成長, 大家努力多時的成果,
將來一刻無論係點樣, 都睇而家自己做到幾多, 同埋做好幾多。

有人話, 會考真係好難, 然後有人會話, 考過高考會考唔算得係乜。

證明人每跨越一個障礙之後, 後面的絕對係一個個更難既難關。

考驗我地到底有無成長, 可唔可以頑強面對每一個挑戰。

會考只係人生中一個小難關,
絕對係我地係能力之內可以努力過後, 而相對得到一定回報既事情。

只要真係有付出, 至少一定有成果。

考生都係十六,七歲, 或者十八, 十九,
而家先係人生的開端,
未來仲有好多未知既難關等著您地。

係一個自己有能力決定的情況下。
各位真係要比心機, 盡萬二分既努力。

一百分就比到一百二十分既努力,
去盡自己應盡既責任;
想換自己應得既未來。

在此謹祝各位全力以赴, 做到最好。

貧血發

大家好!我都係今屆會考生
我第一科就係21號考cit...
雖然越黎越近,但大家都唔好溫到咁夜...
蓄足精神去考...

希望大家升到中六或者升上自己鐘意讀既野度

強仔xp

今年會考~
大家小心身體~病左就會影響發揮架啦~
記得要計下去試場時間~一定唔好遲呀~
加油呀~~~~~~~~~~~~~~~~~~~~~~

天之銀翼

我都係今年ge伯考生....24號係我考ge第1課
我依家都好驚呀....希望可以順利咁考好d個試啦
大家都加油呀...努力d啦..過左呢個月玩咩都得啦
祝各位會考成功,達到自己ge目標
送你地一句"有目標就不累  等著我超越"

虛想

上年會考左成績唔多掂攪到今年係私校重讀....
好掛住之前既學校生活...
今年大家一齊考好會考入間好玩又開心既學校...
大家一齊努力

kajoshua789

我係今年既會考生^^
會考只係短短2~3個星期
但係用左1年半時間去準備...
考完之後點玩都得!
無謂晒左自己1年半時間
人一生無好多個1年半架!!
大家一定要加油!!

╰暗╭╰灰╭

我係今年既會考生!
就快會考~我諗大家心情同我一樣吧!
會考係我地人生既一個關卡~就好似網上遊戲咁要升到咁上下lv先會闖呢個關卡
而我地努力係度溫書就係升緊lv啦@_@
祝我同所有會考生都會考成功!!

games

首先係度祝各位會高同高考既同學加油先~
我本身係中6既人,所以對於會考既同學黎講 , 我都係過來人

會考其實真係一個好大既人生轉列點黎,不論服唔服以考試定生死呢樣野
就住我,岩岩考完晒會考,等放榜果陣,都冇乜驚
但係到左差唔多放榜果陣,真係好驚自己考唔到...
咁就開始諗緊,返工好定搵其他讀書既方向
但係眼見依家係高學歷先有機會搵到好工,就係度擔心緊如果自己考唔到
可以搵到d工...果陣開始後悔自己點解唔考好d個會考
所以呀,各位應屆會考生加油丫,唔好令自己做後悔既事,為將來擔憂,要出盡力丫
為自己既將來加油!!

至放高考,我下年就係,都感受到壓力.
如果入唔到大學,都唔知讀中6 7黎有乜用
所以各位高考既同學同樣要加油,仲要用多幾倍會考果陣時既力量丫

ＭＯＵＳＥ

我都係會考既過來人黎嚕...
我06年HKCEE...
但我好後悔我果陣冇用心咁溫書...
咁結果成績出左黎唔係咁好...
不過我都冇怪到自己...
因為我已經用哂全力...
所以我希望今年2008年既會考生都要努力呢...
唔好放棄任何一個機會...唔好令到家人..朋友..老師佢地失望...
比心機去EXAM...
HKCEE雖然係人生重要既一大關...
但成績唔好唔等於冇希望...
大家既未來都唔會好深到影響的...
因為政府比左好多條出路你地...
比左好多機會你地...但係你地記得每日都要努力咁溫書先=]
比心機溫就好...唔好比自己咁大壓力...唔好影響到時EXAM既情況...
呢點係好重要...因為唔夠精神就算你之前做過好多準備既功夫都冇用...
我過來人黎...所以好清楚EXAM既技巧...
最後祝各位2008年HKCEE生會考生成功拿到理想和美好既成績啦

[ 本帖最後由 chik1 於 2008-4-19 08:48 PM 編輯 ]

死豆角

開始會考左幾天啦朋友~

無論有溫書既你或者冇溫書既你....

會考真係一生人一次就足夠嫁啦,, 唔好比自己後悔~

用心全力去做就足夠!!!!

就算成績點樣都好,, 都去晒全部既考試啦!!

因為缺席同u或f...日後出黎做野都好大影響.....


當我考完T&T後..特然間係好想讀書~

因為果份卷我知道只要溫小小書就已經足夠合格

但係我冇,,好後悔~ 所以而家都努力溫返忘記左既野....

加油吧!!!會考生~

~小大大~

大家好ａｒ～我係repeater黎既

過埋聽日就要考電腦la,而且其他科都會陸續有黎,相信大家既心情都好緊張

而我就更加緊張,因為唔衰得同埋考過一次之後sin知原來會考真係好難...

但有個好好既miss同我講左一句說話,就係千祈唔好錯失機會而令自己後悔...

呢句野從此就成為左我既動力,唔知大家有冇一d野令自己好有動力呢...

大家一定要朝住自己既目標好好努力ar,唔好覺得好辛苦就泄氣ar...

因為你有付出過努力,就一定會有回報,大家既目標一定會成功既!

最緊要考前早d訓,同埋記住要勝不驕,敗不餒(因為上年真係太睇少會考,估唔到13分,差一分sin升到中6個個係我－．－)

我祝大家可以達成目標...可以升到中6,

可以繼續享受開心既校園生活ar~~~~~

dickycth

我都係應屆會考生之一

TO各位戰友:
盡快比心機考好個試佢哦
大半個月左右je  好快過架je =]
未溫晒書的要盡快啦
當然溫晒書都唔可以偷懶
Practice makes Perfect!!

即使最後結果未如理想都唔使灰心架   奮鬥才是成功的要訣!!

祝大家科科拿A!!

九軒葵

4月20日…其實都沒有什麼好說的了…我能夠留比大家既, 就只有最後既祝福
大家知到MA？我地今次無左既, 可能係1年, 或者半年, 或者更少既玩樂時間, 俗語說: 一串光陰, 一串金, 我地的確有所失去…
而彌補我地所失去的, 係一條光明既道路.
在這, 我只能衷心祝褔2000FUN既會考生, 最後既會考, 還是要面對, 但絕不是一個人面對

無邪獵人

大家好....我聽日就考電腦啦.......
心情依家好沈重...平時唔多讀書.....
次次想溫書個身都唔識郁.....
好啦得番一日啦,依家開始識驚啦....
我依家拎住5年既pp開始做緊.........
大家都要加油..遲唔緊要..最緊要盡自己最後既努力..全力以赴丫

雄～楓

我仲有３日就考啦

大家齊齊發功啦！！

千萬唔好夜訓～保重身體，病左考得好極有限

盡自己能得就得啦～不過要做好自己本份！

考果日食好ｄ　然後．．．．安心上路

[ 本帖最後由 雄～楓 於 2008-4-20 04:29 PM 編輯 ]

ChEoNg@@

各位會考&高考生要加油!!!!!
我雖然唔仲要等多2年先會考
但我祝你地可以升到中6/大學
各位努力我會支持你地 (唔好打咁多機啦,努力溫習吧)

[ 本帖最後由 ChEoNg@@ 於 2008-4-20 08:37 PM 編輯 ]

小笨叮

咁多位應屆會考生
我個人認為出到黎成績只係次要
首要既係你對得住自己  用盡你有既時間 做到最好
但求問心無愧  
無論成績出到黎係好定差  都不是最重要了
麥sir  果句   never give up  一定得

地之王

我係應屆會考生
各位加油呀,會考姐,唔代表一切架
成績唔緊要架,唔通呢個世界個個都係天才咩
各位加油!!!!考完會考記得玩盡佢丫,哈哈哈哈