[討論]大家真係覺得外掛唔好？

pchoho

正所謂一分耕耘,一分收穫ar ma~<=外掛唔使$-_-?  唔係耕耘?_?  您估個個好似您咁日日打機咩-.-~  只要d外掛唔好太多咁得啦-__~

Donago

引用樓主既:
純粹個人意見，沒有他意。只討論，勿插。<呢點唔敢保證....
我以前都有玩RO，點解覺得佢好玩呢?
係因為除左q版，佢升級好快。
係呢度節省好多時間去升級，升級過程好悶，大家話係唔係? <差唔多隻隻 Online game 都係咁嫁啦~ 唔通叫GM出黎跳舞?
點解升級咁快，就係因為外掛，我就係唔明點解外掛唔好，我夜晚就升級，
到左下午玩就入去傾下計，同人組隊打下王，攻下城，呢d時間全靠外掛幫你節省返黎， <你係到吹水既同時，人地就係到爬等?
如果冇外掛幫你升級，會唔會玩得咁開心。 < 樓主可能無領略到玩Online game既樂趣....
我唔係係度話用外掛好，只係覺得佢係一個輔助， <講得ok好聽= ="
就好似你做人咁，你唔係自己可以完成哂所有野，<咁咩叫努力? 人地又得 禁神奇@@
點都要有d野黎幫下你，外掛就係咁既作用，<"點都要"? 係既話下次down咪要down多個 "外掛輔助程序"?
只要唔好破壞到人地就得。<唔覺咩?
大家又試諗下，一隻online game點先可以生存落去，
有新玩家加入，有老手持續玩，咁先可以生存，
玩一隻game入去只係為左升級，玩黎有咩意思，<講緊單機game? 不如羅去讀書仲好，係咪先。<咁又係啊，如果讀書好玩過佢，我都唔玩佢
RO1係一隻幾成功既online game，
佢知道龜島有好多外掛，點解佢又唔一次去捉哂呢?
就係佢都知道有外掛係一定既事，至於可以維持到遊戲平衡就無問題。<無言= =..
如果佢一次捉哂，咁實一定冇人會再玩。<你又知? 唔比捉完之後玩家返返黎= =? (亂吹)
即使我地點抗拒，外掛點都出現，現實係咁殘酷，我地只可以接受。<online game 唔比有外掛，why唔可以好好接受?
所以我覺得一隻online game 有一定既外掛係正常，<一定會有既...此終會有呢d人...
唔好咁猖狂就得，如果唔係呢gmae又好快冇得做，
而家差唔多隻隻gmae <發現打錯字@@ 都終身免費，差唔多冇一隻真係好玩，<隻隻都唔好玩就冇人玩啦，係咪?
ro2 出左之後，會唔會好似ro 1 咁我唔知，但係我都希望佢能夠做到ro1咁理想。<我都鍾喜ro的簡易，正如前文的大大都講

<<總結>>
樓主可能冇咩時間玩or冇咩耐性升lv
而對練魔人產生不滿....例如> 玩左成個星期終於轉左職lu，下? xxx玩左1日就轉左?! (怒+無奈)
所以用外掛黎彌補? <guess =.=
其實個d練魔人都冇左唔少時間，個d時間大多都係 讀書/job
另一方面
對冇咩時間玩，又冇用外掛既米好唔公平? 至少冇用既冇左唔小時間
再講
我覺得用外掛玩既 online 都唔會玩得耐，因為單機d技一定勁+屈過online哥d，pvp show off? ro唔多唔少都要d技術掛，p多幾次都悶啦
如果覺我升級悶咪玩住其他野先囉~ 得online玩?  第2日起身又會好自然開部腦....

以上大大既回覆都講得好清楚~.~

<*無人生攻擊成份>

nc1kf3

唔好 好似同機械人玩

哈哈一笑

我想講 樓主 你個腦生草?
你用外掛冇問題 你唔好搞到我就得
但呢個只係幻想 你有冇去過金字塔 泥人區?
佢自己打自己隻都算 明明我打緊隻怪成百9幾個人衝埋黎搶
打JJ?GM又唔捉 改到禁飛 玩JJ?
有良心既掛機者有幾多個

hi_mashimaro

我都係外掛太多而放棄ro
我記得的果時活人已經得返好少, 有種叫天不應~ 叫地不間的感覺 =.=

溫泉旦

外掛好難唔影響到人GA BO=.=
ONLY搶怪都搶到其他玩家唔使玩啦

飛天豬仔

其實有外掛 我覺得是一定的
就算幾討厭都阻止唔到/口\

hkpopo123

原帖由 maant 於 2008-4-18 10:50 PM 發表
不過比橘子代理都好過比新幹線啦- -
起碼橘子會捉下外掛

爛橙會捉嫁咩= ="

邪牛流丸

我覺得唔用唔用外掛 其實都係自己既個喜好問題姐
有d人時間多傾下計練下功覺得ok唔曬時間咪慢慢升羅
有d人一日返工10粒鐘又鐘意打機無時間咪開外掛打機羅
我覺得樓主都講得無錯 無左外掛真係會少左好多人玩隻game羅
依個係事實 我以前都好憎人用外掛現錢買裝呀依兩種行為
但係一直玩真係覺得玩得好辛苦  其實大家有無諗返自己打機最基本最想要係咩呢
玩得開心羅 可以感受到現實社會做唔到既野羅 例如做物物第一呀 pk第一次呀
每個人都有自己既目標 如果只係想吹下水大把其他選擇啦 玩game唔高lv 又無錢日又吹水夜又吹水
真係有咩樂趣呢 現實俾人食住 唔通打機都要俾人食住咩~  大家各取所需姐
(以上純粹係個人睇法 勿插)

鬼雅

我只係想知
樓主...究竟隻game係你想玩定你架電腦想玩?
如果係你想玩既話..點解升lv唔係你自己人手去控制..要電腦用程式同你機械化程式化去打?
如果係電腦想玩唔係你想玩既話..咁..OK..你岩...

隨風．榮

唔會破壞遊戲平衡??
咁做乜要外掛打寶??

外掛??   正如你返學一樣  返學咁悶  但係你又要返
最好就係搵個人代你返學(外掛)  但係到考試就用唔到佢啦  因為佢唔識睇題目
但係你又咩都唔識  咁點算??  就係考0分
正如你用外掛一樣  平時只你識用外掛去升LV  到左打王就用唔到外掛啦
但係你又唔係咁識用個人喎  咁點算??  就係滅團啦

咩事呀

樓主萬歲~ 有時d野真係不得不發
個人意見呀 一隻game有外掛 好多人會覺得唔好 點解?
因為只不過係沒左交流ja 點解ro1 仲有好多game有外掛都仲有咁多人玩?
係因為佢地d gvg呀pvp呀 公會呀 任務做得好 有交流
問心呀 當見到有個同你差唔多lv 同你一樣係到等組做任務既人 我會覺得 o兒有人同我一樣波
仲有就係 d上班既番學既讀書既 有時間 唔係個個人都係無業既 本人都有工要番 我都係搵隻有外掛既game黎玩 第一隻game就係ro1當時第1個感覺就係咁方便既!?
番到黎又可以同公會d fd吹下水 夠lv又可以入pvp gvg 比人sm 唔好咩?
最後都係 一隻game 我個人覺得點先係好玩? 有隻有人同人交流多既game先係最好玩
如果唔係 不如去玩單機
so 其實有沒外掛完全唔係重點囉
P.S. 完全係個人意見 不喜不要怪/.\ 多謝

325982543

好難講對定錯,
自己喜歡就得唔使理人.玩game係自由.
講真有的用錢去買game a/c,或賣點呢方面唔係破壞左平衡嗎?

＊康~

雲起有隻game,叫做水滸歷險
佢出左個英雄系統
你掛係度,隻英雄會自動打怪,幫你升lv
初頭個個都話好正
唔洗自己升lv咁辛苦
但係後來d人玩到悶曬
唔洗一個星期就升到好高lv
到到都係d人掛機
有咩咁好玩
如果升lv係好悶既
玩online game做咩
呢種online game係玩打怪升lv架啦
用外掛不如玩pc game啦
橫掂都自閉架啦
玩完pc game咪on msn吹水羅
同用外掛一樣
仲唔洗阻住人添

(個人意見:smilie_:): )

~十翼~

老實講, 我寧願官方整個自動練功既功能
不過要收錢 (不論遊戲錢定真錢)
咁樣某程度上可以解決某d人唔夠時間玩既問題, e.g.我

你唔想手動升lv咪俾錢囉
你想同fd打王咪off左個function囉
你嫌貴又唔想自己升lv? 咁你玩咩rpg? 番去玩你的flash小遊戲~

不敵@﹏@

樓主作文-.-?
我都係一個熱愛外掛既玩家黎
跟本果d人唔會明白玩外掛係有另一種樂趣
首先講句  樓主跟本冇話過自己用外掛岩  只係話用外掛唔係唔好  同我意見一樣..
成日話成功感  
你用手升有成功感  
咁點解我地用外掛升冇成功感
用過外掛既都應該知
set一個外掛唔難
set好一個外掛好難
當你set到一個好外掛
一晚升勁多lv
e d唔係成功感咩

§徹§

對於懶人黎講咪好囉
但係我想講既係...
有d外掛只係幫手行下..唔使你下下都要按咁麻煩...個d我覺得都ok
但係如果連升lv都幫埋你...=,=你玩d隻game有咩意思???
為左比人睇到你個外掛搞到你好高lv好好揪嗎???
咁樣.... 一d都無樂趣
可能個個打機既觀點唔同..咁樣我無野講

fightoffreedom

[fly]升lv唔係為左勁,,   咁係為咩?[/fly]
唔通你好享受只係狂咁制打怪升lv既時間?
可能你會話同人組隊一道傾計一道升lv同埋清怪好好玩好enjoy
但係你升勁左之後pvp同埋攻城仲好玩啦
同埋你清怪清得多都悶啦

我就覺得  你想玩既時候未手升lor
唔想玩未外掛lor
最緊要自己好玩
外掛就算搶怪咁又點,,你理得人冇怪打姐,又唔係自己冇怪打
雖然係好自私  但係....
打機都係想自己開心姐
唔通你打機係想令到人地開心?
人地冇怪打  玩得唔開心  都唔關你事

︴紫﹏藍〞

樓主原來鍾意用外掛...
不過我極唔同意用外掛,咁樣個個一用外掛就可以狂升Lv,
咁你係代理商會唔會比咁做?
一來賺唔到錢,二來影響晒隻game既公平性,
咁想吹水就用msn或者就咁吹
我唔明吹水關外掛咩事,升高d級吹既水會勁@@?