-<黑夜戰魂> 團帖 暫停招生

三爪痕

我都已經唔知我避左幾多日去左玩死團冏

heidi1228

我記得就會買啦..^^
不過..買左..佢應該同我一樣唔講野...

heidi1228

箭..haha打字真係好慢.. (速成)
佢平時用九方都好快架..
比d心機等佢出字就可以了....^^

heidi1228

我正學習緊...哩係d盾同戰士後面放雷...
同練習緊用雷a..唔用雷c...^^

king2a30

OH so sad

詩詩..你張圖只貓好得意 so cute

[ 本帖最後由 king2a30 於 2009-5-25 07:35 PM 編輯 ]

紫兔

原帖由 heidi1228 於 2009-5-25 03:15 PM 發表
箭..haha打字真係好慢.. (速成)
佢平時用九方都好快架..
比d心機等佢出字就可以了....^^

喜bbb~你叫蝦蝦打九方啦~ 唔係就出聲XD

幾米@戰魂

我想問下咩野叫:  黑夜您算老幾?  我打國戰多過您
咩野叫: 我要即刻踢您都仲得

宜家邊個渣旗渣到咁把炮?
連對人既尊重都唔識? 定係d所謂既副隊係度搞事

我唔想成日msn有人同我講呢講個樣
唔好話我無玩就咪係度搞事, 黑夜既人我好多都當係fd
如果連尊重人都唔識..不如解散左佢啦

幾米@戰魂

沙沙軍叫我代佢問: 黑夜我算老幾?? 有種踢埋我出公會啵

hide263800

變了, 一切都變了
看了一段...37lv 唔出前線怕上死榜...坐水坐到咁高lv....
常上線的, 就是這個意思?

hide263800

也順帶把竹子,豆豆果D 踢晒吧@.@ 謝~有跟沒有沒分別
不常上線的, 發言嘛...

幾米@戰魂

原帖由 hide263800 於 2009-5-26 12:55 AM 發表
也順帶把竹子,豆豆果D 踢晒吧@.@ 謝~有跟沒有沒分別
不常上線的, 發言嘛...

您算老幾呀? 幾時到您發言
我地有請黑夜代表出來同我地講野家嘛

hide263800

原帖由 幾米@戰魂 於 2009-5-26 01:00 AM 發表

您算老幾呀? 幾時到您發言
我地有請黑夜代表出來同我地講野家嘛

對不起, 黑夜的老大們

風雨霜雪

其實我覺得係溝通上ge問題姐，大家都有自己ge理由，溝通多啲其實可以咩事都冇~

風雨霜雪

又一次缺乏溝通產生ge誤會~唉......

箭厥乂戰魂

雨果都未出聲  問准個眼鏡控先


我仲未覺得黑夜會散   有我呢條 黑夜巨人能係到~

[ 本帖最後由 箭厥乂戰魂 於 2009-5-26 03:13 AM 編輯 ]

ak494847

首先 我為左我之前個post既內容語氣道歉 亦都係度向我對飄渺既態度語氣道歉

但不代表我為飄渺話我不守塔的指控而道歉。

當時既情況如下 ↓
地點:ｆ克高地
國戰戰況:我國已嬴3/4行血 最後一行血
敵方偷塔人數:開頭１－２人　最後有３－４個　
我方塔地點：ｂ５－６附近
我方主城地點ｃ：７
我方前往守塔人數：５－６人
少女無刀用當時地點：ｅ４－５　當時我正在和隊友２小叮正在前線進行打塔　壓線

當時隊友１:飄渺向我小隊的隊友發出一個ｂ５－６守塔的指令

當時少女睇戰況地圖既理解就係：塔近主城　敵方偷塔人數小　我方支援快　就算我係ｅ４退番黎　都係無補於事　因為當時我方正進攻向另一支敵塔前進

當差不多完結時　隊友１：飄渺就在隊伍頻道打出一句：『少女同叮叮你地唔守塔　你地以後都無資叫人守塔』當時我睇到呢句野　何謂無資格！？

在爭論期間　我係有講過你老幾　同埋踢你出隊都仲得　呢幾句說話。　我身為黑夜既副隊　講出ｄ咁既說話我自己都要檢討

點解佢一開聲就要用咁既態度黎對我地呢！？點都好呢件事已經發生左　我要講既都係咁多　。

守塔呢個大道理　大家都明　但係當時實唔實行到同埋要權衡利弊　塔係要守　但係會因應國戰情況而考慮先後。

因為我身為一個副隊　唔可以冷靜咁處理事件　呢個係我既錯　所以我要道歉　呢個道歉係為黑夜的人而道歉 , 希望現在黑夜的各位會一路支持我

，而好耐無玩既隊友如玩番希望多多跟隊了解現今各副隊長／隊長　帶隊的情況　因為時間係會不停咁行　現在的黑夜也跟之前不同　

多跟上部隊的團　可以增加彼此合作度　減小磨擦　一齊為黑夜努力　。

黑夜戰魂副隊長：少女無刀用上


　

潮童b

渺件事我唔討論 我唔係當事人唔清楚
亦都唔想話一面之詞就當全部

但係人地同你講咩 你咪同人講你無玩
無玩之後你係要理 件事點都好
我唔認為無玩既人有資格出聲
連人地狀況都未了解清楚
就開post話人點點點
字眼仲要咁串柒柒
你地仲係黑夜 我會同你討論
你地無玩 唔係黑夜 就唔該收收聲

你以前係黑夜老大又好 點都好
少女e家係副隊 老味係隊長
我地e家新呢班 認知既就係佢地

耐無玩就要踢 好正常 有邊個團唔係
你覺得你以前做事方法同宜家唔同
又點? 都唔再關你事
一句到尾 玩都無玩 唔係個團到 有咩好講

我唔覺得黑夜比以前衰 game出耐左少人玩好正常
我地試個幾星期打黎打去都係個幾個
我地一樣捱過去 收返新人 e家唔好講咩
起碼都十幾二十個正常一齊on

佢地個個都係我既團友
就算37lv坐水驚死又點
唔通認為自己技術不足
唔想累到人 坐水做貢獻都唔得?
主水多人得制 要搵人出去打係一回事
但係只不過純因為唔想累到其他人
而又希望幫到場國戰
我完全睇唔到有咩錯
如果殺1個死7次 得幾千傷
你幾多lv都好 我都只會覺得你好唔得

我唔係話我地e家好好打 只係我地起碼知自己做緊咩
幾多lv都要有人坐水 擴建 召喚
佢又無錯野 咁都要話?

你地轉國既轉國 唔玩既唔玩
無人會阻止 但都唔好干預仲玩緊既人
以上
                                                                                         by潮

隨衫所欲

雖然我係新入會 但都路過吹兩嘴
其實一開始入黑夜個陣都覺得小人 有d悶
但係少女佢地開skype一邊打一邊傾
覺得好搞笑 打國戰又冇咁悶
加上少女佢地夜晚又定時帶團又肯教新人玩
見到依加黑夜人數開始多 好開心
全靠一班唔放棄黑夜既人 不斷收人教人
希望keep住落去 上線人數不斷上升:)

對於少女打塔唔守塔一事
當時既情況的確係可以唔洗守
而且已經有足夠既人去守
再加上我當時聽到某人話少女個陣既語氣
我以為佢同少女有仇

而且只係聽一邊講  而唔聽另一邊解釋
就直接話少女錯  我覺得咁既做事手法
好唔公平以及不智和唔成熟
(定係尼d做事手法係以前舊人既風氣?)
根本就係已經有一種先入為主既感覺
定係本身已經針對少女!?!?
如果要人地尊重你  唔該!比小小原因出黎

以及對於37lv坐水 有咩問題!?有咩問題!?
就算你50打50人  全部都係40lv
咁係唔係唔洗人坐水!?!?等殺人完場!?搞笑
同埋又唔係全場坐水  小小事就係到借題發揮
我覺得有點幼稚

仲有收人唔係話收就收   收左返黎要教 好多功夫要做
唔係話咩都唔做 又唔上線 講兩講就有人入會傢  大佬
少女佢地有幾用心教人收人  我相信有上線既人都會知

同埋我尼個新人只係知老老係隊長 同埋少女個班副隊
亦認定左佢地  同尊重佢地既實力
少女如果要走既  我第二個跟住走:)
如果唔覺意得罪左 舊有既黑夜重要人物
我係到講sor 唔好意思
只係有感而發  以及講我知道既事出黎
以上立場和意見 只係我本人有感而發所講
如果有任何不滿同想了解多d守塔事件問題
可以搵我  id:隨心所欲
只係咁多  拜拜 :)

[ 本帖最後由 隨衫所欲 於 2009-5-26 08:10 AM 編輯 ]

perutang

少女係副隊長，我地係支持佢係戰場上o既judgment。至於意見不合，成日都有，但都係飄渺同少女o既事.
一朝天子一朝臣
解唔解散唔到你去決定
你地鍾意幾時走就走左去，黑夜低潮時得我，少女，兔兔同潮上線。
晚晚我都自己一個打…掛機得一個人，打o既得我一個
果陣潮同少女有心搞番起黑夜，晚晚帶隊，招人入團，先開始有人番入黎
最近黑夜多左人，我地幾個晚晚都嘈一次，少女就做和事佬
個團起與跌，佢都係到，你地呢?
到有人同你地投訴，你地就擺番王者o既姿態，出黎唔係諗住主持公道，只係想話俾人聽你地係老手，仲對黑夜有影響力。
學少女話，時間係不停行，fez都改左唔知幾多野。你地成日用壓測封測果套同我講，我淨係知果套唔work。E家地圖改左，技能改左，人聰明左，以前果套根本已經行唔通。
我眼前淨係見到少女呀，潮呀，老老呀果d有與時並進，一直留係fez，不時學下人地點打，要點樣進攻。以少女為例，時時都同人傾點打，會帶大隊又會帶小隊，又會檢討，(又會串77)，態度差係唔岩，但係見到你地串緊佢作為副隊o既地位，就一定要出黎support佢。

37lv坐水有咩問題?人地都無話佢由頭到尾都坐水。Cc打小隊係一個不可多得O既一員，會跟隊，會拆塔會守塔，叫佢出騎就出騎，叫佢坐水就坐水，我可以話俾你聽佢果37lv係咁黎既，唔似得d人會話自己打小隊係要人跟，自己周圍走到好入，隊友都黎唔到就話人應該跟。人地只不過係謙謙虛虛咁話下自己蠢，你就可以以偏概全，話人37個lv都係坐水黎，未免偏激左d。

你不滿O既係我同潮果日叫你轉國玩，唔好拎cc黎鬧。你一番黎就擺出王者o既姿態，要人跟，要人呢樣要人果樣，做唔到就話成個藍國….單單係你呢種淨係識怨人o既態度已經比少女遜色幾千萬倍。地位係要建立，你唔玩幾個月，番黎無人知你係邊個又要人聽哂你講，可能咩? 我話你知，藍國係變左，個個國都變左…黑夜幾難得帶起少少人，少女同老老帶得好地地，你一入黎就要話事…我地接受唔到有幾出奇?你用咩去建立你o既地位? 你仲想send你封測o既果d”戰績”去令人接受你o既威信? 我話你知，點解我要開個a/c黎support少女，係因為想話你知少女o既威信就係咁樣建立番黎，人地晚晚玩，唔自私，唔會淨係識混傷，做好多好多野先有你想要O既地位。如果你真係有你封測果陣咁叻，上黎証明俾我睇，唔好用藉口去唔接受現實，唔好借d意鬧黑夜d人，唔好再係到單單打打。

heidi1228

^^ 我會入黑夜係因為haha想我同佢一齊國戰…
入黑夜既時間唔長…但我都覺得老老、少女、palu都帶得好好!!!
係skype聽佢地講野都好搞笑!! (我有一次唔記得關咪..比人聽到我大叫..= =)
團友見我技術不好, 亦肯教導有如新人的我…
入黑夜短短既時間, 我學左好多野…
我坐主水/副水做水銀, 係因為我早on, 要自己街場, 冇人組先會做水銀..怕累街坊!!!! (我死會扣國血架..)
不過..我唔會全場坐水…我會睇地圖、睇頻見到有人叫救命, 我都會衝去幫下手..嘿嘿!!
我係呢度留下言..只不過想同新團友交流一下…^^ (識多幾個新朋友..)

現在黑夜的隊長及副隊們都好比心機搞好黑夜, 唔好抹殺人地既努力!!!

PS 雖然我自問技術唔好, 但我好乖架..聽話聽教..各位團友要多多指導呢…^^