封測帳號優先派活動-石器時代回憶錄

有口難言

話畀大家知究竟石器有幾好玩

大家還記得石器時代嗎?
這是一隻讓人玩了會有很多回憶的遊戲
相信有玩過這款遊戲都會非常懷念當時的日子
我還記得當時一進入遊戲什麼都不懂  同人組隊打怪升等級  一起解任
很多任務都找不到NPC  不懂解任   跟住靠自己慢慢摸索  最後解到的這份成功感 真的很開心
最興奮的就是打一些boss級關卡   一起相討戰術  當時人人都會係心入面講  "唔好打飛我番村呀"  挑戰boss真係最大既享受
仲有當時捉d寵番黎隻隻能力都不同  我仲記得大家為左捉隻能力好d既寵  持續捉左好幾小時
捉果陣大家都會關心對方  捉到未呀?能力點呀?   捉到好d能力既大家都會講公起   呵呵
除左有寵物陪你戰鬥之外   仲有部份寵物比你騎  有好多種類既騎寵  唔只咁簡單呀  仲會增加主人既能力@@ 當時大家都會選擇騎紅暴(紅色暴龍)  因為太師了 呵呵
到石器出莊園戰果陣  大家都相當興奮  為左搶莊園  各個公會都訓練會員團P   招攬高手入會
有時2個公會打緊莊戰果陣   其他公會的人都會來莊園門口的npc幫大家的朋友加油 打氣
有d公會還會同盟  互相幫助大家    莊園戰正是石器的賣點
到升lv,解任,pk  累的時間　大家都會係村度坐低　吹水　增進大家既感情　真係非常開心
呢隻都係我唯一一隻玩得最長的遊戲  接近3-4年了   係一隻陪我成長的遊戲.....

[ 本帖最後由 有口難言 於 2009-2-4 10:27 AM 編輯 ]

wanwantat

無記錯石器時代係第2隻online game,由中二起就開始玩玩到中5由56k時代打雷龍打通頂,由冇轉生改到有轉生,由沒有交易系統(好多人成日搶野)改到有交易系統!!
同其他玩家一齊吹水係我係咁多隻online game中最深刻既.
記得有個fd中三玩石器時代玩到升唔到中4,你話石器時代有幾好玩!!

[ 本帖最後由 wanwantat 於 2009-2-4 08:37 AM 編輯 ]

haha0170

石器有幾好玩?@@
我記得我玩過石器3次-3-
一次中1, 一次中2,1次中4-3-
石器由1.0開始已經正-3-
睇住d全攻人拎住隻石龜合飛人, 感爽@@
去到精靈王傳說, 又多左好多好多的任務
之後開埋九大莊園, 9隻騎寵, 人人都勁開心唔駛再過2隻騎寵的生活
出到5.0.......狂合寵= =
晚晚都餵蛋...餵到傻哂
有埋職業之後更加變得趣味, 練工都易d
後期開埋冰城同8.0的合寵....好得死可愛-0- 不過又真係好難餵下=.= 要周圍走
最後一句-3-
石器好玩-v-

dondondon

石器好正-.-

試過為左要打機玩石器仲同屋企人嘈-口-'

又試過為左佢5食反拎d錢黎買點@@"

由初初既大陸版就有玩-.-"

因為1個fd既介紹

入面既風格超正

騎寵正就正在隻寵好似真系自己咁又好鬼得意

d怪又系得得地意@@"

好岩1家大細玩

frankjai

石器有多好玩！？
從我小三就跟我哥去玩
雖然這遊戲很舊
但戰鬥方式確實令我大開眼界
石器利用回合制方式格鬥　利用敏捷度看誰先攻
所以石器有分血攻防敏　根據玩家想成為（什麼的一個人）例如：攻敏人　防敏人等等　為目標　都點進去
這遊戲若只是自己一個打怪是很難的
所以要靠各玩家的合作去升級
這方面是令我想重返石器的重大原因呢！

yan1110

正所謂飲水思源,相信好多玩家都玩過石器
更加相信好多人都懷念當時同自己學校既書友隻一隻升Lv & PK
無奈既係,現在好多玩家都分別都玩不同既online game
不過,我深信石器時代2 會令大家重合返以前既種種回憶而集合返一齊玩的
謝謝

Gs-Wind

石器時代2.0開始玩..同朋友傾計...係城既中央..傾得好開心...PK場
周圍搵人P..
還記得有人開加速器 玩256..影響啊..很回味:em014:
我相信石器時代2會更好.更可以給我美好的回憶^^"

josephleung

我既介紹唔會如其他人果D相同
未玩過石器既人可能唔知以上既人講緊既256加速到底係咩東東
因為石器係一隻以回合制戰鬥既遊戲,所以遇到怪時,都需要一段時間先可以完成一場戰鬥
加上官方有預設AI系統,可以由電腦自動以右至左咁打怪
所以就有加速器出現,開左加速器,基本上你係唔會夠時間去揀攻擊或者防禦,所以AI模式就起左好大作用
但係全新既石器2就應該冇左加速器呢回事
咁樣既可以令隊友之間係升級中增進感情,亦可以保持遊戲既平衡

見到人地D貼有講騎寵,我都講返D先
話說一開始每個人只可以騎老虎/雷龍,(每個角色,每隻角色既顏色都係有唔同種類既老虎同雷龍配搭)
事關1LV BB寵同野生果D寵能力會有分別,好多人都會去捉1LV 老虎BB黎騎
但係捉1LV BB就複雜喇,石器有北島同南島,多數人都會係北島出世,但係老虎BB就係南島
係好長途跋涉架,又要挑戰過橋既近藏,又要挑戰沿途上十幾二十級既怪
去到捉1LV BB果度仲遇到先有機會,諗起都回味

石器有D專題網站係好多老手都應該記得架
我淨係記得兩個,石器的天空同蒼龍GUESS
因為石器好多任務可以解,但係佢唔似其他ONLINE咁係解任務拎經驗值
而任務係石器上係一個成長既証明!
你玩石器好易會代入左個角色,由1LV升上30LV,就會經歷一個成人禮(成人禮係一個任務黎架)
要做左成人先可以完成更高既任務,獲得更高既殊榮

講到自己係咁諗返石器,好感動TIM
我隻藍髮流氓LOOK,佢果個輕挑嬲打樣我一生一世都記得呀

雖然過左50名可能冇封測AC拎,但係我真係想話比未玩過石器既人知,
石器...真係好好玩,好有趣味=]

柔AW

石器1果陣,
諗返都已經係小四既時候啦,
亦都係第一隻玩既Online Game

果陣上網就唔係咁方便, 56k 數據機咁
但係就好多人玩
自己成班同學幾乎個個都有玩咁制
大家交流交流就形成左一種文化+難以形容既友誼
(玩GAME 玩到咁真係傻傻地XD)

回想當時
一齊捉老虎, 騎老虎騎龍, 仲有人龍添
轉生繼續升
一齊組隊走去海底打
然後慢慢打雀, 打大笨象, 乜都有XD
任務..寵物..裝備
全部都好新鮮好正
老實咁講, 自從石器1 完左之後,
我都唔覺得有第2隻GAME可以同佢匹敵到

一個字, 正!
期待到時見到大家呀!!=)

〝小順﹏||

老老實實
玩石器真係鍾意佢既加速器
做任既快感
傾電話黎PK
族戰
打材料等等
呢d 回憶真係耐人尋味
可惜石器1汁左....石器時代係我玩過咁多隻online game 最好玩

skn21

第一隻online game就係玩石器, 果時仲好細個咩都唔識,但係識左一位好朋友,我阿哥-末日無忌鬼之魔體 ,佢教識左我點玩石器,陪我升到5轉120 之後冇玩到同佢失去左聯絡,希望係石器2可以搵番你 T_T 10幾年了 (順手尋人)

俠醫

想當年儲埋儲埋d錢買月費 同一班同學一齊去玩石器 一放學即刻回家 就玩石器
個時仲係電話線上網 上網錢又貴 不過石器太吸引 忘記哂所有金錢既野
記得當年 拎住機暴 個d人 型到爆丫 我都係其中一人 又有好多好得意既寵
黑白羊丫 仲有養nono寵同人pvp  真係好好玩
一野打飛人 好掛住呢d日子 快d給我一個封測ac 讓我回憶一下吧

→冰炎

由開始孤身一個作戰,到後來認識了不少戰友,一起練,一起團戰
後來很多朋友的離開,我亦離開了
無意同見到石器2
心中有種激動,很想快點可以玩
很想再次找回釋中的感動。

杰杰杰

我的第一次就獻給了我的至愛---石器時代---
當我還是小學生時就已經進入了石器時代的生活!!!
我與幾位朋友一同進入石器時代---選了(卡魯它那村)作為出生地!!!
發現果然係石器時期的世界!!!
條村得果幾個人 人煙稀少!!!
唉 真係感到失望 但我仍然沒有放棄 努力生存
出村打 威威 再去洞打火雞 雖然生活艱苦 但我仍然快樂
終於對石器時代有了很深的認識!!!
係時候出去外面的世界好好冒險啦!!!
有一日,我得到左一條神奇既羽毛!!!
我...我...我飛呀!!!
呼~~~ 呼~~~
唉呀!!!好痛!!!痛死我啦(殺母吉爾村)
(慢慢打開眼睛)真係唔敢相信眼前既光境呀!!!
眼所看到之處全是人頭/全是可愛寵物
哇!!!好型呀!!! 第一次騎到老虎的快樂
威風地四處亂跑!!!
因為我的堅持,我終於在這個世界生存了下來!!!
我的童年就是如此快樂地渡過!!!
我把我的第一次遊戲獻給了石器時代是值得的 現在回味起來仍然快樂!!!

樂少５3０

石器係我五年級買既第一隻ONLINE GAME
亦係我玩過甘多種OG中最好玩既!
因為係入面我識到好多朋友 我地一齊升LV 一齊去PK[仲比人打飛XD]
其實係2.5果陣真係最好玩
果陣人人無用外掛[阿貝] , 全部都係手動
所以練工會好多野講 又一齊解任務 係薩村約人練 約人解任 約人轉生
哈 諗返都覺得好好FEEL!!
希望石器2可以見返你地!!

[ 本帖最後由 樂少５3０ 於 2009-2-4 04:16 PM 編輯 ]

chunwa919

小學第一隻online game
由轉身到勁寵
由有錢變冇錢
由多人變小人
e家玩番石2改變佢

8933298

見到石器2的公告不知道有多開心~還記得當年加加村~伊甸園~水村~火村~各種可愛的原始寵物~為了一隻極品寶寶而通宵抓寵~當抓到一隻極品寶寶時興奮的心情讓你無法忘懷！或許石器2沒有現在3D或者4D游戲那么美麗的畫面吸引你們的眼球~但是做為一個石器的老玩家都會明白石器有它獨自的魅力會吸引著玩家~如果不是當時石器外掛瘋狂怎么會造成大量的玩家流失~期望別在出現掛一個星期就能滿轉。加速戰斗快速戰斗等等變態外掛~最好是杜絕外掛給玩家美好的游戲環境~~對石器2充滿期待

danny92228

石器時代係我第一隻玩既game...係石器係面識到好多朋友
而入面既寵物系統又係好正...有D我玩返寵物小精靈既感覺

No10

石器時化....佢系我第一隻玩既online
佢吸引人既地方真系好多  第一: 有無窮無盡既寵物等我地捉 比人有無盡既新鮮感
第二:就系有好多不同的地圖 地圖帶比我地無盡的其待
最後:就系有好既玩家 呢d都系石器好既地方

小彭

石器時代既寵物真係好親切,特別
記得以前玩既時候,一食完紅暴証,騎到隻紅暴
真係好好好開心,人狼,合寵,都係一d好難忘既寵物
玩完lee 隻online game,其他game我都係玩得2-3個月
就無玩,但石器我就玩左3-4年,就算比人爆過ac,無哂d寵
我都仲係好忠情lee隻game,一種唔知點講既感覺,總係
覺得比佢吸住左咁,唔知大家有冇同感呢???
之後見到有私服,我立即好開心好興奮咁download返黎玩
不過都係原先既好玩d,pk 既時候我都好開心!!!真係好難忘